Wayu 6:14 - Ala Wone Peenok Peebi Mbanak

¹⁴ mbuku pirik-perek eeko mengga kwak mbogut nggoguk ari logonet, pirik-perek arit nage, ndi, puut inom, niyo inikime nggween kup mbanak inom, abok aret wo'narok ambi me ari nagak eeke, eeke kagarak.

Wayu 6:14 ပူးပေါင်းရင်းမြစ်များ

Ndawi 102:26

Mbogut inom, nggween inom, ti lek arigin kwe, Kat perak, kitok mondok aret menggendak o. Yum maan yugu me nibik ari kenok, mbo pogo mengga kwak, Yum enete maluk agaatak kenok, Yuwi-mbuwi eerogo mbo punuk, Obaane'me alik ngget mendek yikkologo mengga kwak, Mbogut-nggween yi, togop aret eerigin kwe,

Yetaya 34:4

Laaluguragan ninggirik wonage nogo amburu tigi-tigi wungge logonet, lek age, Mbuku perek-parek aago kwak mbogut togop aret perek-parek eerogo pege, Eyo win engga mono-mono wangge, wuliinggen nggaru-nggaru wangge, Eeke menggi kwak, Laaluguragan abok togop aret yumbu-yumbu wambit wage, Eerigin o.

Yetaya 54:10

O puut-puut na'ndo-wa'ndo eeke, Puut-puut teberogon wonage nogo ya langgok eeke, Eeke logonet kwe, Niniki kunik eeppegak mban eeke nogo perak, lek arigin lek kundugu aret wonage, At nimbirak lambunik logorak wone koonogo pereegirak nogo, mbeyok yaga'lek mondok aret wonage, Eeke logogin o,” Yinuk, at kabuwa mbake menggerak Aliku ALA nen aret yegerak me yokkigi o.

Yeremiya 3:23

Puut-puut paga kugi aanggo wako logonet, noone-koone agan nugwi ti, Abe lek aanom warogo kagak eeko ogoorik o. Ninogoba Kaliku Ala nen mban nit Iterali ninagap ndariyak ti abet aret o.

Yeremiya 51:25

“At o Mbaben ti, puut nen aakumi aambiranogo piige menggi kwak aakumi o nggween paga abok aret lek eerogo piiga nawim aret me, At lek eerogo pikit nduk, an neenggi titik ege, Puut paga nen yugum langgunogo nappogo mengga kwak eerogo pege, Puut kani wunuk ari nagaatik noguk ari menggi kwak eerogo pege, Eerigin o,” yinuk, at Aliku ALA nen aret yegerak me yokkigi o.

Yetikiyen 38:20

Ti eeke logonet, yi yikwe ndi yikwe niyo nggwok laut paga wonage inom, yi towe ndi towe o oolo ya'i wiga agan nugwi inom, ndiimbu-nggwiya eyonggaame mendek inom, yi mendek ndi mendek o nggween paga inaanogum paga tu agan nugwi inom, yi aakumi ndi aakumi o nggween paga wonogwe abok aret inom, an netenggen neego logomenggaarik, inaganak wake kagak, yi puut ndi puut yanggunogo nagabit nage, puut eegwak-eegwak nggwi wonet wage, yugum pak wurik abok aret langgu-langgu nggween paga wambit nage, eerigin o.

Nakum 1:5

At wage kagak puut-puut na'ndo-wa'ndo eeke, Puut-puut teberogon amburu tigi-tigi wundit nage logonet lek age, At wage kagak o nggween inom, yi mendek ndi mendek nggween paga wonage nogo abok aret inom, inaganak wake, Eeke kagak,

Abakuk 3:10

Puut-puut nen inigen keenok, inaganak warit nage, Kat keegak niyo wu'nuk nage, Niyo kole yenggenak laut kiiniki lombok paga anggut-nggut oone ari logonet, Kilaarak-mogonik eerogo nippit wage, Eereegerak o.

Abakuk 3:6

At mi'nage kagak, nggween na'ndo-wa'ndo eeke, At enegen enaagan-ambokan pi'nage kagak, yi aakumi ndi aakumi inaganak warit nage, Puut-puut aa'nduk lombok nen itok negen wonage nogo, yigirogo wurabit wage, Puut-puut teberogon o maan nen wonage nogo, aambira-mbira wangge, Eeke kagarak o. Ti eeke kagarak ti, o aa'nduk lombok eeke nagagerak nogo aret eeke kagarak.

2 Peterut 3:10

At ninowe woroorak nogo ti, “Ne ti eyom woraagin,” mbaka'lek kiigak, aap yogoot wagangga nogo pogom abera'lek me woraagin o. Ndi, wage kenok, mbogut yi, telangge logonet lek age, tut-laaluguragan mbogut paga menggerak inom, nggween yi inom, nggween paga wonogwe inom, abok aret kani nenet nage, eeke kaamunggup o.

Wayu 16:20

Wuppege kagak, niyo nggwok yenggenak nggween oolo kup mbanak inom, puut-puut inom, abok aret eenggi-iyok lek, lek age kagak,

Wayu 20:11

Ti eekwi iige nagarik, wone lengganogo yorage menggim eyo nggwok ndoonak yanggwi lombok lan ari nogo paga aap ambi kwi'nage kagarak. Awo kwi'nage kagak, mbogut-nggween eenggi-iyok lek, lek age mbaki, ti'nuk, peebi obaane'me ari wage koolik mondok-mondok lek aret age kagarak.

Wayu 21:1

Ti eeke kage nagarik, wonage me, mbogut-nggween aa'nduk wakkagagerak nogo inom, yi nggwok yenggenak laut nogo inom, lek age kagak, obaane'me mbogut-nggween ngget ogobakkigirik nogo ari wage kagarak.