Wayu 5:5 - Ala Wone Peenok Peebi Mbanak

⁵ Awo le ari wonage me, mbogut paga wonogwe inoweewi nogo ambi nen an yo'nege logonet, “Le ari mage o. Eyo ambi agarip lagangge menggi kwak, anebunu Yekura nen Ndawut ombooluk nggeewo singa pogom nda'nagagerak nogo, eegin tiyak yereegerak me, at nen mbuku pirik-perek eerogo keele 7 maarak nogo, piinogo wondekkoorak op me, wondekka wage kaamunggun o.”

Wayu 5:5 ပူးပေါင်းရင်းမြစ်များ

1 Endagembogut 10:20

ndi, iyok pit laganggak 6 nappugu nogo, irip aru-ogwe singa ogut 12 eerogo pit lagangge, eereegerak. At Talomo ti eereegerak nogo aap inendagembogut inabu'me piigo menggam togop ambi wonageelik mendek aret eereegerak.

2 Mbinineegwaarak 9:18

kwi'nari lagangge logonet, iyok pit laganggak 6 kuli pege, iyok ngginogo nappegak mbuti emas paga eerogo pege, peenok-peenok eenggi lumbegak eerogo punuk, singa ogut mi'ndak eraanu peenok-peenok eerogo mippege,

Ayup 41:15

It inamborowak paga inarin yarak kwak angge'ngget ndo aago wonogwe, Ta'mban-mban penggaarak wonogwe, Eeko menggaarak.

Yetaya 11:1

Eyo muurik andokon Itayi paga nen agarip ndake, Omanggen paga agarip ndappunuk, anggen yege, Eerigin o.

Yetaya 11:10

Ne ti eyom paga eyo omanggen Itayi paga agarip ndaremenggerak nogo yi aakumi ndi aakumi ineenu agak aret mi'nage, aakumi inanebunu lombok nen at abu'me ari unggwogwe iinok, at logowam mondok tiyak ari, eeke logogin o.

Yeremiya 31:16

Aliku ALA nen yegerak nogo yi aret. “Ta'liila eerit nage nagagerak ti, onggo kolaagin me, Leenggu maake logonet, oone ari nogo nggaru ari, Le ari logonet, ale amburu wambit wage nogo mbanogo pege, Eeruwak o,” yinuk, Aliku ALA nen aret yegerak. “At aagalogwe ti, it inanggween lombok paga unde eeppatinuk logowak nduk, Inom wim mbanak inanggween paga nen iniyokan woraagun me,

Ndaniyen 7:16

it taati mi'ndak wonogwe me, at ambi owagam nage nagarik, nabinggaanggo paga kagarak alom yo'niruwak nduk yoge mbaki, Alom ndogop aret o, yinuk, kin paga yo'negerak nogo yi aret.

Linggineegwaarak 24:9

Singa ngguunok iyok yunggumbunuk, pogonik wonage, Ndi, singa kooli ugun windak wonage, Eekwi me, Aap ambi ta nen iniki teeluk a'nuk mbaaniigeelik kokwak It aakumi ti, togop aret menggaarak o. It aakumi nen kat Iterali obeelom eeppagagwi iinok, It togon obeelom eeppiigwi, Ndi, it aakumi nen kat pulunogo pagagwi iinok, It kunduk, pulunik aret wonogwe, Eeko logogun o,” yinuk, yereegerak o.

Lukat 23:28

Eerit nogwe me, at Yetut ena logurogon pegiige nagagerik, it yorage logonet, “O Yerutalem aagalogwe kit kumi yi, an nale yugup o. Ata, kit kinaagalogwe kinom kinale yikkolaanip o.

Lukat 7:13

Ninogoba Yetut nen kwe nogo enegen kage nagagerik, abuwa ambik ombake logonet, “Le ari mage o,” yoreegerak.

Lukat 8:52

Unggwi nage nagagerik, aakumi apit aret le yogwe, ineebe wakkologwe, eekwi iige nagagerik, “Le yugup o. Kolaga yi, kanggerak lek we nogo yege me, le yugup o.”

Yaya 20:13

Iige mbareegi, it nogo nen kwe Mariya yogo logonet, “Kwe yi wae. Kat nonggop nduk le ari agandik o?” Yogo mbareegwa, at Mariya nen, “Lek o. It aakumi nen an nogoba wonok nagaarak o. Ndi, at eebe nggeeme pi nagaarak nogo an neenggo'lek me, le ari agarik o.”

Oroma 1:3

Wone obeelom wone ti, Ala aput ninowe Yetut Keritut eereegerak wone nogo aret. At eebe ti, Ndawut ombooluk aakumi aret nda'nagagerak kwe,

Iberani 7:14

At ninowe ti, anebunu Yekura mendek nit abok nineenu o. Ndi, Muta nen, “Peebi aap Yekura mendek ambi Ala unde logogin o,” yinuk, ti yuulik kwe,

Wayu 1:1

At Ala nen yi eeriyak ndi eeriyak logonuk lek mbet-mbet eeriyak wone nogo, nit at ayeloman mini nineenu eeppinanuwak nduk, Yetut Keritut yoge mbareegi, at nen paganogo yo'niragagerak wone nogo yi aret o. Ala nen Yetut Keritut yoge mbareegi, ti'nuk, Ala ayeloman an Yaya nogo neenu eeppanuwak nduk, Yetut Keritut nen at ayonggo malayikat ambi wuppi wagagerak.

Wayu 22:16

Kit an napuri yi awi ndi awi kuwak eerit nogo monggotak nogo, peebi eeriyak wone yi, paganogo yokkira woraawak nduk, nayonggo nege menggerak malayikat ambi nappi wagarak nogo ti, an Yetut nen aret o. O weerikit nduk eeke kagak, laaluguragan ambiret kere ari nogo pogom anebunu Ndawut paga wiganak agarip ndarak nogo an aret o,” yinuk, yo'negerak.

Wayu 3:21

Ndi, it an noone mbo pega'lek mondok nu'lek porogo logonet mugurok nogwe iinok, an nogoba yo'nereegerak nogo abu worok togon eeppunuk, at wone lengganogo yorage menggim nimbirak kwi'ndak wonage nogo ndak-ndak, it kunduk an noone lengganogo yorage minggim ninom kwi'ndak logowok nduk, Neya woraanip o, yinuk, yoraagin o.

Wayu 4:10

it inoweewi ineebe 24 nogo nen at mondok-mondok eenik itok menggerak wone lengganogo yorage menggim eyo ndoonak paga kwi'ndak wonage nogo, abu'me tebe yinuk, alut eeko logonet, “Ninogoba Ala wa. Kat kiniki koombunuk yi mendek ndi mendek abok aret wakkaakit o, yinuk, wakkagagindak kat mban kalik nggwok aret me, Yi aakumi ndi aakumi abok kat kabu'me tebe yinuk, kendage tiyappagago logonet, kalut eeko logowak o,” yinuk, inenggare-nggare mendaarak yirik nogo, nggoorogo at abu'me pi wogwe iigirak o.

Wayu 4:4

it mbogut paga wonogwe inoweewi ineebe 24 nen inayum yanggwi negen yirikwi, mbuti emas paga nggare-nggare mendaarak inanobak paga yirikwi, eeppunuk, wone lengganogo yorage menggim oolo kagak, it wone lengganogo yorogo menggam eyo ndoonak 24 wanggerak wonage nogo paga inoweewi 24 nogo ti paga kwi'ndak wonogwe iigirak.

Wayu 5:4

Piinogo wondekka waga'lek aret mbaki, “Nit aap abok maluk eeko monggoorak me, nit piiniyak unde eeppinanulik aret kagi o,” yinuk, niniki mondok wakkolage logonet, le nggwok yagarak.

Wayu 6:1

Ti eekwi iige neegak, Ndomba Aagaluk nogo nen keele 7 maarak nogo aa'nduk maarak piingge kagak, aakumi iigulik mendek ineebe 4 nogo ambi nen oone o ngguurubu pogom ari logonet, “Omok o,” ari naruk konengge nagarik,

Wayu 7:13

Yogo mbaka, it mbogut paga wonogwe inowe ambi nen an yo'nege logonet, “It aakumi inayum yanggwi negen yirik ti, taamini o? Ndi, it nggeeme nen wagaarak mbaken o?”