Wayu 5:14 - Ala Wone Peenok Peebi Mbanak

¹⁴ it aakumi nen iigulik mendek ineebe 4 nogo nen, “Abet aret yaga o,” yinuk, “Amin,” mban yogwe, ndi, it inoweewi 24 nogo nen Ndomba Aagaluk nogo abu'me tebe yinuk, alut eekwi, eekwi iigirak o.

Wayu 5:14 ပူးပေါင်းရင်းမြစ်များ

1 Korindut 14:16

Ala alut eeko logonet, kiniki abe'naga'lek kagak, ambi inoone lalin negen woppunuk, tamban eekwi kiinok, it aakumi ando kinom kuwak eeppunuk, tamban eekwi nogo, kat ari it kobak ariyak me, nonggop togon, “Abet aret yigi o,” yinuk, “Amin,” yugun mbakop?

Wayu 19:4

it mbogut paga wonogwe inoweewi ineebe 24 inom, aakumi nen iigulik mendek ineebe 4 nogo inom, at wone lengganogo yorage menggim Ala time kwi'ndak wonage kagak abu'me tebe yinuk, alut eeko logonet, “Ninogoba wa, wa,” yinuk, “Amin,” yogwi naruk konenggirak.

Wayu 4:4

it mbogut paga wonogwe inoweewi ineebe 24 nen inayum yanggwi negen yirikwi, mbuti emas paga nggare-nggare mendaarak inanobak paga yirikwi, eeppunuk, wone lengganogo yorage menggim oolo kagak, it wone lengganogo yorogo menggam eyo ndoonak 24 wanggerak wonage nogo paga inoweewi 24 nogo ti paga kwi'ndak wonogwe iigirak.

Wayu 4:6

Ndi, wone lengganogo yorage menggim eyo ndoonak abu'me taati pugagi abu abe tabak lombok yilaa'nggun kole yenggenak kibu-kibu pege nogo pogom wonage kagarak. Ndi, aakumi nen iigulik mendek ineebe 4 enaagan-ambokan inigen abok wonage me, wone lengganogo yorage menggim oolo taati wanggerak wonogwe iigirak.

Wayu 5:11

Ti eekwi iige neegak, wone lengganogo yorage menggim eyo ndoonak nogo inom, it aakumi nen iigulik mendek ineebe nogo inom, it mbogut paga wonogwe inoweewi nogo inom, oolo wonogwe iigak, it malayikat ineebe ambik ineenggi lingginiyak mondok meek lombok wanggerak wonogwe nogo nen inoone nggwok paga ndawi wako logonet,

Wayu 5:6

Yo'nege mbaki, inoweewi 24 nogo inom, aakumi nen iigulik mendek ineebe 4 nogo inom, wone lengganogo yorage menggim taati wanggerak wonogwe iigak, Ndomba Aagaluk ambi eebe warak negen kwe, it inenggela'me mi'ndak wonage kagarak. Ndomba Aagaluk nogo ti, aruk alom me eyak 7, ndi, enegen 7, wonage kagarak. Aruk alom me eyak 7 inom, enegen 7 inom, nogo ti, Ala Aberiniki eeke menggerak alom 7 o nggween paga yi awi ndi awi nappiige menggerak nogo aret o.

Wayu 5:8

Wagangge mbaki, it aakumi nen iigulik mendek ineebe 4 nogo inom, mbogut paga wonogwe inoweewi ineebe 24 nogo inom, Ndomba Aagaluk nogo abu'me tebe yinuk,

Wayu 7:12

“Amin o! Kat ninogoba Ala aret me, Yi aakumi ndi aakumi abok kabu'me tebe yinuk, Inale'nggen kombakwi, kendage tiyappagagwi, Yi wone ndi wone abok kat keenu o, yinuk, yokkugwi, Wa, yogo logonet kayuk wukwi, kalik komaawi ambik mondok kalilaakwi me, Wi, kugwi, eekwi nogo, Mondok-mondok togop aret eeko logowak o, amin,” yinuk, yogwi iigirak o.