Wayu 4:8 - Ala Wone Peenok Peebi Mbanak

⁸ Aakumi nen iigulik mendek ineebe 4 nogo ti, inalitak lombok ina'naabit 6 aret me, ineebe paga apit aret inigen warak mban wonogwe iigirak. It nogo puk aga'lek ko'lu-kii'me inoone yogo logonet, “Maan wonagagindak, yogondak wonage, peebi logomunggun, nogo ti, kat mondok itok komaawi lombok menggendak ninogoba Ala aret me, Kat mondok obeelom alik leenak aret o. Kat mondok obeelom alik leenak aret o. Kat mondok obeelom alik leenak aret o,” yinuk, yogak mban eeko logonet,

Wayu 4:8 ပူးပေါင်းရင်းမြစ်များ

Wakkagagerak 17:1

Ti'nuk, at Abaram nogo ndarak kagak tahun 99 eeke nagagerik wonage me, at Aliku ALA nogo at owagam wage nagagerik, yoge logonet, “Nomaawi Lombok Minggirak an Ala aret me, an nenggaanom paga maluk eeka'lek obeelom mban eerit nage logot o.”

Ndawi 91:1

Aap ambi eebe op logokit nduk, at Tiyanak Lombok abu'me wonage kenok, At Omaawi Lombok Menggerak angguna'me logogin o.

Wundeegwaarak 15:11

Kat kikak nakeelik wonage keenok tiyappagagwi, Eerubok mendek eeke menggendak keenok, Wi, yinuk, kayuk wukwi, Eeko menggaarak me, Kat pogom ta wonage o? Yi kugi ndi kugi Kaliku ALA kat pogom ambi wonage abu lek aret o.

Wundeegwaarak 3:14

Yoge mbareegi, at Ala nen Muta yoge logonet, “An ti, AN ARET. Ndi, kat nen it Iterali mendek yorage logonet, At endage, AN ARET nen nappani wagaarak, yoraamunggun o.”

Yetaya 13:6

Naliku an ALA nen eeppiyoorak eyom muk panggo yi wagaarak me, inale yikkologwe, Ti eeppiyoorak eyom ti, Nomaawi Lombok Minggirak an nen it lek eerogo piyaagin me, inaleenggu maakkologwe, Eeko logowak o.

Yetaya 62:1

O kilim nagake menggi kwak o Tiyon time obeelom mban eerit nogwe nogo wiganinuk nage, Ndi wuninik eya eerogo wunabit nage menggi kwak o Yerutalem time inagap ndarogo piinet nage, Eeka'lek logonet, O Tiyon eeppuurak nogo noone yaga'lek puk wonage, Kota Yerutalem eeppuurak nogo noone lek puk wonage, Eerigin lek yigin aret o.

Yetikiyen 1:18

Perek-parek naga ti, ambe kole aakumi inamineeri ne agan noorak mendek aago logonet, yengget-wangget abok aret inigen warak wonage kagagirak o.

Yetikiyen 1:5

Ndi, kani ti enggela'me aakumi nen iigulik mendek ineebe 4 aap inete pogom wonogwe iyareegirak kwe,

Yetikiyen 1:6

it inalitik-inalitak inete 4 mban wonogwe, it tigitogon ina'naabit 4 mban wonogwe,

Yetikiyen 10:12

It inambokan paga, ineenggi paga, ina'naabit paga, ineebe inaagan-ambokan abok aret inigen warak mban wonogwe, ndi, perek-parek naga 4 inom kunik ti kunduk, inigen togop mban warak wonogwe, eerak iyareegirak.

Yowen 1:15

Ne ti nogo ti, aakumi inamineeri ne agan noorak aret me, iya! At Aliku ALA eeriyak eyom muk koorok panggoni wagaarak o. At Omaawi Lombok Menggerak wage logonet, nit aakumi lek eerogo pinanege, Yi mendek ndi mendek mondok lek eerogo pege, Eeriyak eyom aret ari wage agaarik o.

Nappiigak 20:31

Togop me, kiniki tum wakkologo logonip o. O liingge nen, oonikiya nen, puk aga'lek kinale ari logonet, kinalitak lombok kurumbi yokkirage neegak, tahun kenagan eereegirak nogo abeko logonip o.

1 Tetalonika 2:9

Noreewi o. Nit eerit mban nogo logonet, ndeyak eerogo pinaneegerak nogo ti, kiniki abe'nip o. Ala nen yo'niragagerak wone obeelom wone nogo yokkirogo logonet, “Kit mban ambinom aaninggin kinoba pinagukwak,” mba'nuk, nit nen liingge inom, oonikiya inom, eekko'net nogo nogogurak nogo o.

1 Timotiyut 4:16

Kobaabut eeke menggendak inom, wone mamunirage menggendak inom, liippege logot o. Wone yi, mondok liirogon porogo logot o. Porogo logonet, liirogon eeke keenok, it aakumi kat koone konenggwi nogo inagap ndake, ndi, kat kunduk kagap ndakkolage, eerumunggun o.

2 Timotiyut 4:2

Ala wone yoranet nege logot o. Anggon kagak, anggon lek kagak, yiyom-ndiyom ugun yorage logonok nduk, pipuk aago logot o. “E o,” yuwak nduk yorage, maluk eekwi iinok mberirage, koone yanggorogon inaruk wake, eeke logonet, kaanaga-nggenggwi lek kiniki kwippunuk liirogon mamunirage logot o.

Iberani 13:8

Maan inom, yogondak inom, peebi inom, at Yetut Keritut alik ageelik mondok itok aret menggerak o.

Wayu 1:4

An Yaya nen kit Ala apuri o Atiya nggereya 7 paga kuwak eerit nogo monggotak nogo, keyage wappinagi o. Aa'nduk wonagagerak, yogondak wonage, peebi logogin mondok itok menggerak Ala inom, ndi, Ala wone lengganogo yorage menggim abu'me menggaarak Aberiniki eeke menggerak alom 7 nogo inom, ndi, eeruwak nduk nappi wagagerak mondok liippunuk yubuk togon eeke nagagerik, kambunuk nogo menggam inenggela'me nen at aa'nduk mi'nage nagagerik, yogondak it aap nggween paga mendek inoweewi nagawan-nagawan abok inowe endagembogut agagerak at Yetut Keritut nogo inom, it abok aret iniki kunik en wokkirogwe, ndi, kiniki ugun tayenak ale'nggen logobagip nduk, eeppinagagwi, eeko logowak o. At Yetut Keritut ninabuwa nen iniki kunik ee'ninake, amiya paga ninomaluk koorogo pinanege,

Wayu 1:8

Aa'nduk wonagagerak, yogondak wonage, peebi logogin at omaawi lombok menggerak ninogoba Ala nen ari logonet, “O maan aa'nduk togon wonagagirak Alpa inom, ndi, peebi irip paga mondok logorak Omega inom, ti an aret o,” yinuk, ari menggerak o.

Wayu 11:17

“Kat komaawi lombok menggendak aa'nduk wonagagindak, yogondak wonage, ninogoba Ala nogo kat aret o. It aakumi abok inowe kendagembogut logonet, wone lengganogo yorage logokit nduk, unde agagindak nogo, Yogondak yi eyom paga aret eeke logokit nduk, mi'nagandak me, Wa, wa, yokkogo o.

Wayu 14:11

“It aakumi ineenggi paga ilik, inenggaawak paga a, nggeewo endage liiru mbanak logonet, nggeewo inom, at ogut wakkagak ogobakkigirik nogo inom, inalut eeko logomenggaarak nogo, kani kunik yugum anggen inom inoba kwippiyamenggerak ka'luk nogo nggaruk yaga'lek mondok-mondok inoba wungge kagak, liingge inom, oonikiya inom, tat yonggongga'lek mondok-mondok yagan wako logogun o,” yinuk, ari naruk konenggirak.

Wayu 14:3

Konengge nagarik, at wone lengganogo yorage menggim menggerak eebe nogo inom, it aakumi nen iigulik mendek ineebe 4 nogo inom, ndi, it mbogut paga wonogwe inoweewi inom, wonogwe iigak, it ineebe seratus empat puluh empat ribu nogo nen inabu'me wanggeko logonet, ndawi ngget mendek wakwi iigirak. Ndi, ndawi wakwi iigirak nogo ti, it aakumi ugun nen mamumbunuk tiyaniyak abu meek o. Ata, at Ala nen, “It o nggween paga time logorak lek o,” yinuk, aap seratus empat puluh empat ribu inonggo mbaneegerak nogo nen mban tiyaniyak perak op me, tiyanggwi iigirak o.

Wayu 15:3

ndi, Ala ayeloman Muta endawi inom, Ndomba Aagaluk nogo endawi inom, wakwi, eeko logonet, “Komaawi lombok menggendak ninogoba Ala kat aret o. Kat eeke menggendak nogo ti, eerubok mendek mondok iya lombok eeke menggendak o. Yi aakumi ndi aakumi aa'nduk wonogogwaarak, yogondak wonogwe, peebi logogun abok inowe kendagembogut kat aret o. Kat eeke menggendak nogo ti, mondok a'me nggelok abe mban eeke menggendak o.

Wayu 15:7

Iige nagarik, nenegen neegak, it aakumi nen iigulik mendek ineebe 4 nogo ambi nen at Ala eenik mondok itok menggerak anini aakumi inoba piyaawak nduk, togolowak mbuti emas paga ogobakkigirik 7 nogome eno korok togon toolak it malayikat ineebe 7 nogo wogorage kagarak.

Wayu 16:14

It inambeme nen wundi wagaarak nogo ti, kugi Tile awuri aret me, At Omaawi Lombok Menggerak Ala mondok iya eeppiyoorak eyom nogo paga it yi aap ndi aap inendagembogut o nggween paga menggaarak abok aret at Ala nogo inom wim namburiyak kuwak eeri woraawak nduk, it ogolem pogom nogo nen yonggo nogo logonet, aakumi abet mbaruwak nduk, eerubok mendek eerit nogwe iigirak.

Wayu 16:7

Yoge mbaki, Ala ake warogo kani kunggo menggam nogome nen oone ari logonet, “Wone ti, abet aret yigi o. Komaawi lombok menggendak ninogoba Ala kat aret o. Aakumi eekwi onggo mondok ndak-ndak a'me nggelok mban eeppiige menggendak me, abet aret yigi o,” yinuk, ari naruk konenggirak.

Wayu 19:15

Inom nogo logonet, at yi aakumi ndi aakumi inanebunu lombok abok aret tebenogo piyoorak nduk, paloowi ngget ambik ambeme nggelenak wonok nage logonet, tebenogo piinok, mbim obate mbanak ineenggime logonet, inoone omaawi paga yorogo mengga kwak, at oone omaawi paga wone lengganogo yorage kagarak. At omaawi lombok menggerak Ala anini nen aakumi eeppiyoorak nogo ti, anggur amburu aambiranggo mengga kwak aret me, at nogo nen aakumi togop aret aambiranogo piinet nage kagarak.

Wayu 19:4

it mbogut paga wonogwe inoweewi ineebe 24 inom, aakumi nen iigulik mendek ineebe 4 nogo inom, at wone lengganogo yorage menggim Ala time kwi'ndak wonage kagak abu'me tebe yinuk, alut eeko logonet, “Ninogoba wa, wa,” yinuk, “Amin,” yogwi naruk konenggirak.

Wayu 21:22

at Omaawi Lombok Menggerak ninogoba Ala inom, at Ndomba Aagaluk inom, Ala awi wurik negen ineebe inenggela'me inom aret wonogwe me, it aakumi Ala ninom wonage mbaruwak nduk, awi wurik nogo lek aret kagarak.

Wayu 3:7

“Ndi, ambi at malayikat Ala apuri o Pilarelipiya kuwak eekwi inarum menggerak nogo nen apuri yoraawak nduk, yoriyak, yokkiri o. An Ndawut agunci nogo porogo logonet, tu paake neenok aakumi nen nakwi, ndi, nake neenok paakwi, eekulik an mban unde logonet, pilit ariilik abet mban ari minggirak nalik leenak minggirak nogo nen,

Wayu 4:4

it mbogut paga wonogwe inoweewi ineebe 24 nen inayum yanggwi negen yirikwi, mbuti emas paga nggare-nggare mendaarak inanobak paga yirikwi, eeppunuk, wone lengganogo yorage menggim oolo kagak, it wone lengganogo yorogo menggam eyo ndoonak 24 wanggerak wonage nogo paga inoweewi 24 nogo ti paga kwi'ndak wonogwe iigirak.

Wayu 4:6

Ndi, wone lengganogo yorage menggim eyo ndoonak abu'me taati pugagi abu abe tabak lombok yilaa'nggun kole yenggenak kibu-kibu pege nogo pogom wonage kagarak. Ndi, aakumi nen iigulik mendek ineebe 4 enaagan-ambokan inigen abok wonage me, wone lengganogo yorage menggim oolo taati wanggerak wonogwe iigirak.

Wayu 4:9

at mondok-mondok eenik menggerak wone lengganogo yorage menggim kwi'ndak wonage nogo, “Wa,” yinuk, alut eekwi, endage tiyappugwi, eekwi iigak,

Wayu 5:6

Yo'nege mbaki, inoweewi 24 nogo inom, aakumi nen iigulik mendek ineebe 4 nogo inom, wone lengganogo yorage menggim taati wanggerak wonogwe iigak, Ndomba Aagaluk ambi eebe warak negen kwe, it inenggela'me mi'ndak wonage kagarak. Ndomba Aagaluk nogo ti, aruk alom me eyak 7, ndi, enegen 7, wonage kagarak. Aruk alom me eyak 7 inom, enegen 7 inom, nogo ti, Ala Aberiniki eeke menggerak alom 7 o nggween paga yi awi ndi awi nappiige menggerak nogo aret o.

Wayu 6:1

Ti eekwi iige neegak, Ndomba Aagaluk nogo nen keele 7 maarak nogo aa'nduk maarak piingge kagak, aakumi iigulik mendek ineebe 4 nogo ambi nen oone o ngguurubu pogom ari logonet, “Omok o,” ari naruk konengge nagarik,

Wayu 6:6

it aakumi iigulik mendek ineebe 4 nogo, inenggela'me nen oone ambi ari logonet, “Mbato yum mbuuluk ambi yonggolak nogo ti, wu ne ambit paga it yabu eekwi onggo wogorogwe ndak-ndak nogo paga kungge, ndi, gandum yum mbuulogwe kenagan yonggolak nogo ti, ndak-ndak wu ne ambit paga it yabu eekwi onggo wogorogwe nogo paga kungge, eeriyak kwe, eyo tayitun amburu inom, anggur amburu inom, ti perak, maluk eerogo puurak mage o,” yinuk, ari kagarak.

Wayu 7:11

at wone lengganogo yorage menggim inom, it mbogut paga wonogwe inoweewi ineebe 24 nogo inom, it aakumi nen iigulik mendek ineebe 4 nogo inom, oolo wonogwe iigak, it malayikat yendok-wandok aago mi'ndak wonogwe nogo abok aret at wone lengganogo yorage menggim kwi'ndak wonage nogo, abu'me tebe yinuk, Ala alut eeko logonet,

Wayu 7:15

Wone lengganogo yorage menggim Ala enggaanom time logonet, Ko'lu-kii'me Ala awi wurik me ake eekwi iigak, At wone lengganogo yorage menggim eyo ndoonak paga kwi'ndak wonage ninogoba Ala nogo nen maluk inoba age kero, abu'me piirogo wonage agaarik o.