Wayu 4:10 - Ala Wone Peenok Peebi Mbanak

^10-11 it inoweewi ineebe 24 nogo nen at mondok-mondok eenik itok menggerak wone lengganogo yorage menggim eyo ndoonak paga kwi'ndak wonage nogo, abu'me tebe yinuk, alut eeko logonet, “Ninogoba Ala wa. Kat kiniki koombunuk yi mendek ndi mendek abok aret wakkaakit o, yinuk, wakkagagindak kat mban kalik nggwok aret me, Yi aakumi ndi aakumi abok kat kabu'me tebe yinuk, kendage tiyappagago logonet, kalut eeko logowak o,” yinuk, inenggare-nggare mendaarak yirik nogo, nggoorogo at abu'me pi wogwe iigirak o.

Wayu 4:10 ပူးပေါင်းရင်းမြစ်များ

1 Mbinineegwaarak 29:20

Tamban eeke nagagerik, at Ndawut nen aakumi apit kuwak aago nogo yorage logonet, “Aliku kinogoba Ala endage tiyappogo logonip o,” yorage mbareegi, it aakumi abok nen inombomini inogoba Aliku Ala endage tiyappogo logonet, abu'me tebe yinuk, alut eekwi, inowe endagembogut abu'me tebe yinuk, ayuk wukwi, eereegwaarak.

2 Mbinineegwaarak 7:3

Ndi, it aakumi Iterali mendek abok aret kani kunik mbogut paga nen wambi wage, ndi, Aliku ALA abinak nogo at awi wurik irimbaga nobarogo pege, eeke nogo inigen kogo nogogwaarik, inendobanggun yindumbunuk, inetenggen nggween paga wanduk yinuk, Aliku ALA alut eekwi, Wa, yogwi, eeko logonet, “Kat abu obeelom menggendak o. Kiniki kunik ee'ninake ti, Lek arigin lek mondok kunik logogin o,” yinuk, yoreegwaarak.

Ayup 1:20

Eeko mbareegwa, aap Ayup nogo mi'nage nagagerik, ayum nibinogo pake, eeruwak anobak me puluk ko eerogo mbanggolage, eeke nagagerik, nggween paga enete wanduk ngginna'nuk Aliku ALA alut eereegerak.

Ndawi 115:1

Kaliku ALA wae. Kat nen aret kiniki kunik ee'ninake, Kat nen mban ko'lu-kii'me liirogon eeppinanege, Eeke menggendak me, Nit ninendage tiyappakwi, nit wogoppakwi, Eekwi lek o. Ata, kat mban kendage tiyanak logowak nduk eeko ogoorik o.

Ndawi 47:8

At Ala wone lengganogo yorage menggim alik leenak nogo paga kwi'ndak logonet, Yi aakumi ndi aakumi wone lengganogo yorage agaarik o.

Ndawi 72:11

Aap inendagembogut abok aret woraanuk, At abu'me tebe yinuk, ayuk wukwi, Yi aakumi ndi aakumi abok aret at ayeloman ogwe, Eeko logogun o.

Ndawi 95:6

Ninogoba Ala at aret o. Ndi, nit ti, aakumi at mendek aret me, At nen ndegenninake kagak wonogwe, Ndomba wogoren nogo mengga kwak, Wo'niren nege kagak wonogwe, Eeko monggoorak me, Ninendobanggun yindumbunuk at alut eekwi, Ogobakkigirogo pinaneegerak at Aliku ALA abu'me tebe yi unggwogwe, Eeruwok o.

Yetaya 6:1

Aap endagembogut Utiya kambeegerak tahun ti paga at Ala abu tiyanak, “Wi,” ugwi iigak, wone lengganogo yorage menggim kwi'ndak wonage me, ayum nggorek irip nik aago nogo at awi wurik paga ndak warak wonage, eeke kagarak o.

Ndaniyen 12:7

Yoge mbaki, at ayum yawenak yirik niyo eneerime pa'nggwe mi'ndak wonage nogo, eenggi peenok-peenok imbirak mbogut paga nippunuk, at mondok-mondok eenik menggerak endage kumbunuk, kumbuk mbangge logonet, “Ti eerigin nogo ti, ne ambi eyom eeke, ti'nuk, ne mbere eyom eeke, eeppunuk, ne ambi eyom oolo eeke ti paga aret arigin o. It aakumi alik leenak inomaawi wonogwe nogo aaninggin-paaninggin inoba piyamenggaarak paga inomaawi lek ari nage eyom iya tit eeriyak ti abok aret a'me nggelok yi woraagin o,” yoge konenggirak.

Ndaniyen 4:34

Ndi, “Tahun ndogop logorak,” yugu nogo abu aret ari wage mbareegi, an Nebukanetat nena mbogut paga ni'nage neegak, niniki nambokan agagerak nogo nenaame ari wage mbareegi, at Tiyanak Lombok Menggerak nogo alut eeke, at eenik mondok menggerak nogo ayuk wuke, endage tiyappege, eereegirak o. At wone lengganogo yorage menggim omaawi menggerak ti, lek arigin lek mondok omaawi aret wonage, Aakumi nda'narit wundi wogwe iigak, at abu'me piinok menggim nogo mondok wonage, Eerak logogin o.

Matiyut 2:11

Nogo nogogwaarik, oome unggunuk, elege nogo agalo Mariya imbirak iigo nogogwaarik, ineebe tebe yinuk, elege nogo ayuk wureegwaarak. Ayuk wuko nogogwaarik, inamendek obeelom lombok mbuti emas inom, yibinggami inom, eyo mur amburu inom, kilirogo wogoreegwaarak.

Lukat 24:52

Lagangge kogo nogogwaarik, Ala ayuk wuko logonet, endage tiyappogo nogogwaarik, inale'nggen ambik mbakak iniyok paga o Yerutalem wogogwaarak.

1 Korindut 15:10

Togop me, at Ala nabuwa mba'nuk, eeppaneegerak nogo paga yogondak nobaabut alik eerit nage neego ogotik o. Ala nabuwa mba'nuk, eeppaneegerak nogo ti, we aanom warogo eeppanulik o. It nappiigak ando nogo ti, we mbuuluk iya negen eeko nogogwaarak kwe, an perak, mondok iya lombok eeke nagagirak. Ti eeke nagagirak nogo ti, an nen ta lek o. Ata, Ala nabuwa mba'nuk, eeppanege kagak, niniki aganggen kerek togon eeke nagagirak me yagi o.

Pelaareegerak 32:40

An neenggi titik agago mbogut paga nippunuk, kumbuk mbangge logonet,

Wayu 10:6

at mbogut inom, mbogut paga wonogwe inom, nggween inom, nggween paga wonogwe inom, niyo nggwok yenggenak inom, inikime wonogwe inom, abok aret wakkagagerak mondok-mondok itok eenik menggerak nogo endage kungge logonet, “At Ala nen, Kit nagote wone kumaarak nogo ando yokkiragagirak kwe, irip pagaluk ando kumaarak wonage nogo, peebi kineenu arumunggup o, yinuk, at ayeloman mini yorage kagak, yoraga nen yoragagerak nogo, ambinom kumaapporogo logogin lek o. It malayikat ineebe 6 nen oone nggwok eeka trompet nogo oone muk eekaarak kwe, ambiret 7 nogo ti, awo eeka'lek me, eeke kenok, wone nogo pagak yigin o,” yinuk, ari naruk konenggirak.

Wayu 11:16

Yogo mbaka, nenegen neegak, it mbogut paga wonogwe inoweewi ineebe 24 wone lengganogo yorogo menggam eyo ndoonak paga Ala abu'me kwi'ndak menggaarak nogo nen inetenggen wanduk Ala abu'me ngginnari nogo nagaarik, alut eeko logonet,

Wayu 15:4

Ninogoba o. It taani nen kayuk wukwi, kendage tiyappagagwi, eeka'lek logogun mbaken? Lek aret o. Kat maluk eekeelik kalik leenak obeelom mban menggendak o. Kat mondok a'me nggelok mban inowak loongge menggendak ineenu me, It aakumi inanebunu lombok abok aret kowagam tebe yi wogo logomenggaarik, kalut eeko logogun o,” yinuk, ndawi wakwi iigirak.

Wayu 15:7

Iige nagarik, nenegen neegak, it aakumi nen iigulik mendek ineebe 4 nogo ambi nen at Ala eenik mondok itok menggerak anini aakumi inoba piyaawak nduk, togolowak mbuti emas paga ogobakkigirik 7 nogome eno korok togon toolak it malayikat ineebe 7 nogo wogorage kagarak.

Wayu 19:4

it mbogut paga wonogwe inoweewi ineebe 24 inom, aakumi nen iigulik mendek ineebe 4 nogo inom, at wone lengganogo yorage menggim Ala time kwi'ndak wonage kagak abu'me tebe yinuk, alut eeko logonet, “Ninogoba wa, wa,” yinuk, “Amin,” yogwi naruk konenggirak.

Wayu 4:2

awo aret yo'nege kagak, Aberiniki ninikime lik ari nagaarik, wo'neren pani laganggerak mban kagarak. Pani laganggerak wonage me, mbogut paga time wone lengganogo yorage menggim eyo ndoonak nogo paga, aap ambi kwi'ndak wonage kagarak.

Wayu 4:4

it mbogut paga wonogwe inoweewi ineebe 24 nen inayum yanggwi negen yirikwi, mbuti emas paga nggare-nggare mendaarak inanobak paga yirikwi, eeppunuk, wone lengganogo yorage menggim oolo kagak, it wone lengganogo yorogo menggam eyo ndoonak 24 wanggerak wonage nogo paga inoweewi 24 nogo ti paga kwi'ndak wonogwe iigirak.

Wayu 4:9

at mondok-mondok eenik menggerak wone lengganogo yorage menggim kwi'ndak wonage nogo, “Wa,” yinuk, alut eekwi, endage tiyappugwi, eekwi iigak,

Wayu 5:14

it aakumi nen iigulik mendek ineebe 4 nogo nen, “Abet aret yaga o,” yinuk, “Amin,” mban yogwe, ndi, it inoweewi 24 nogo nen Ndomba Aagaluk nogo abu'me tebe yinuk, alut eekwi, eekwi iigirak o.

Wayu 5:8

Wagangge mbaki, it aakumi nen iigulik mendek ineebe 4 nogo inom, mbogut paga wonogwe inoweewi ineebe 24 nogo inom, Ndomba Aagaluk nogo abu'me tebe yinuk,

Wayu 7:11

at wone lengganogo yorage menggim inom, it mbogut paga wonogwe inoweewi ineebe 24 nogo inom, it aakumi nen iigulik mendek ineebe 4 nogo inom, oolo wonogwe iigak, it malayikat yendok-wandok aago mi'ndak wonogwe nogo abok aret at wone lengganogo yorage menggim kwi'ndak wonage nogo, abu'me tebe yinuk, Ala alut eeko logonet,