Wayu 3:20 - Ala Wone Peenok Peebi Mbanak

²⁰ An tunggambe paga mi'ndak logonet, tu puk-puk eeke nogo liippanuwak o. Aap ambi an tu puk-puk eeke nogo, aruk konembunuk, tu paa'neege kenok, an ka unggwage logominggirik, nimbirak niniki ambit lambunik nore-kore logonet, mbi nonggo logogun o.

Wayu 3:20 ပူးပေါင်းရင်းမြစ်များ

Matiyut 24:33

Togop eerigin o, yinuk, yokkiragarak yi, eeke kinigen kogo logomonggotik, E! Koorok panggo yegerak me, wage aret kogo o, yinuk, mbarumunggup o.

Lukat 17:8

Lek mbaki o! Kit nen kinayeloman nogo yogo logonet, Nit ninambi larogo pinaninuk, kayum yikkolage logomenggendik, nit nunggwi niigak, kat nit ninake yi wa nagak ndi wa nagak eeke logot o. Ndi, nit abu nunggwi niinok perak, kat mbi na wa'nu o, yinuk, togop yoriyak nogo lek a?

Yaya 10:3

At ndomba ndegeninaka nogo wage kenok, aap ndomba inaru arum waka nogo nen tu paakkage menggerak. At andomba nogo at oone konenggo menggaarak me, inendage kunogombo wogoret wundi nage menggerak.

Yakobut 5:9

Nowe-nawot o. Ala nen maluk onggo eeppinagi wage kero, kiniki laakit-laakot mbako logonet, at ambi abok mbanggak eeko logogup o. Ninowak loongga nogo ti, muk tu ngga'nggi paga panggoni wagaarak wonage yi kaanip o.

Wayu 19:9

Kage mbaki, malayikat nogo nen an yo'nege logonet, “Ndomba Aagaluk akwe lambumbogo logonet, abugo larak inom nawak nduk, yonggo piyareegerak nogo, iniki ale'nggen mbako logowak o,” yinuk, yo'nege nagaarik, ambinom yo'nege logonet, “Wone ti, Ala nen abet aret yegerak me, liiru mbanu o,” yinuk, yo'negerak.