Wayu 3:19 - Ala Wone Peenok Peebi Mbanak

¹⁹ It aakumi an niniki kunik eeginake minggirak nogo ti, inaruk wake, iniki koonnaruwak nduk yawi inooke, eeke minggirak me, iniki koombunuk, inomaluk nggaruk togon mbo puwak o.

Wayu 3:19 ပူးပေါင်းရင်းမြစ်များ

2 Tamuwen 7:14

An ti, at ogoba aret age, Ndi, at ti, an naput aret age, eerugun me, maluk eeke kenok ti, aap ambi nen apuluk iniki koonnaruwak nduk, muun yawi paga wake menggi kwak, aakumi nen at togop aret aaninggin oba pogo logowak nduk, eeppiige logogin o.

Ayup 5:17

Aap Ala nen inaruk wake nogo inale'nggen wonogo menggaarak me, At Omaawi Lombok Menggerak nen niniki koonogo pinanege kenok, Neebi, yuurak mage o.

Ndawi 39:11

Aakumi maluk eekwi iinok mberirage, Iniki koonogo piige, Yininuwo nen yi mendek ndi mendek nenet nage kwak, It inamendek iniki kundugu wonogwe nogo Kat nen lek eerogo pege, Eeke menggendak o. It aakumi ineenik logorak nogo ti, Inambe aagi ne ambit wumbugwi kwak aret wonogwe o.

Ndawi 6:1

Kaliku ALA wae. Kanini nombake logonet naruk wake, Kiniki aagi paga niniki koonogo panege, Eerugun o.

Ndawi 69:9

Togop aret kwe, kawi wurik nogo op logowak nduk, Niniki aganggen kerek togon eerit nage paga Niniki lek ee'nake kagak, Kat meek eerogo pagagwi nogo an noba aret age menggerak.

Ndawi 94:10

At yi aakumi ndi aakumi inaruk wake menggerak nen Maluk onggo eeppiiga'lek wonage, At mamuniraga nogo nen eenggo'lek wonage, Eeke menggerak mba'nuk yogo ogotik ya? Lek o!

Kini Wuppiige 15:10

It tu abe kagak nomoninuk alik paga mugurok nogwe iinok, iniki koonnaruwak nduk aaninggin lombok inoba kwi'nage, Ndi, it aap inaruk wakwi nogo ineebi mbakwi iinok, aret kanggwi, Eeko menggaarak o.

Kini Wuppiige 15:32

Aap ambi iniki koonnaruwak nduk wone yogwi kwe, “Ti iya lek o,” yinuk, mbo pege kenok, at eebe aret eebi mba'nuk mbo pake menggerak kwe, Aap ambi nen aruk wake nogo liippege kenok perak, wone ambinom eenu eekkolage menggerak.

Kini Wuppiige 22:15

Elege-aabologwe iniki koonggwi tabarak wonage nogo ti, aap iniki lek eerit nege menggi kwak aret wonogwe me, Yawi paga inookwi iinok, it koonggwi tabarak wonage nogo nggigik togon wungge menggerak.

Yetaya 26:16

Kaliku ALA wae. Nit nonggop eekkoloobok kenok, kat kowagam wogwe, Niniki koonnaruwak nduk, aaninggin ninoba pinanege mbareegin, “Ai-ao,” yogo logonet, tamban eekwi, Eekoorak o.

Yeremiya 10:24

Togop me, Kaliku nogoba Ala o. Niniki koonogo paniyak ti, op aret kwe, Kanini nen niniki koonogo panege keenok neebe lek eerogo panukwak, Kanini nombake logonet, niniki koonogo paniyak ti mage o. Ata, eekirak ndak-ndak eeppanege logonet, niniki koonogo panege logot o.

Yeremiya 2:30

Inapuri iniki koonnaruwak nduk aaninggin inoba piige nagagirak kwe, liirogon woolik me, We aanom warogo inoba piige nagagirak o. Singa at noorak abu nen oone nggwok agan nage menggi kwak, It aap an nen yorage neegak yoraga nogo abok aret inawooluwak paga nenet nagagerak o,” yinuk, Aliku ALA nen aret yegerak me, yokkiragi o.

Yeremiya 30:11

An ninom wonogwe me, inagap ndake logogin o. Yi aakumi ndi aakumi abok aret inenggela'me mak eerogo piyareegirak nogo it lek eerogo piyaagin kwe, It an napuri perak, lek eerogo piyaagin lek o. Iniki koonnaruwak nduk, maluk eekwi onggo inoba piyaagin lek ti lek, piyaagin aret kwe, Eerumenggaarak ndak-ndak mban inoba piyaagin o,” yinuk, yegerak me, yokkiragi o.

Yeremiya 31:18

“At Eparayim nen le ari logonet, an yo'nege konenggirak nogo yi aret. Wam enegen mbolok kenok owaanggo eerogo pogo mengga kwak, niniki koonnaruwak nduk, togop eerogo paneegindak paga niniki koonnagagerak o. Kat nogoba Kaliku Ala aret me, an aa'nduk wonagagi kwak logokit nduk, niyokan wo'neren pani wage logot o.

Yeremiya 7:28

kat nen it yorage logonet, It aakumi inogoba Naliku ALA noone konembunuk eekwi, iniki koonnaruwak nduk eeppiige nogo waganggwi, eeka'lek mbo pogo menggaarak it aret o. Iniki koonak logonet, liirogon eerit nugwi nogo lek agaarak me, inoone inambe paga yuurak kunduk meek aret aga o.

Tepaniya 3:2

At Ala nen aruk wake nogo liirogon konengge, Wone yoge nogo, E o, yinuk, wagangge, Aliku ALA paga iniki panggombege, At ogoba Ala owagam wa'nuk yoge, Eeka'lek aret menggerak o.

Matiyut 25:7

Ari mbareegi, it komologwe nogo abok aret mi'nogo nogogwaarik, inelampu keele nogo ogobakkigiko logonet,

Yaya 2:17

Yoragagerak nogo at Yetut oone waganggwi nogo nen, “Nogoba Ala wae! Kawi wurik nogo op logowak nduk, niniki aganggen kerek togon eerit nage paga niniki lek ee'nake o,” yinuk, yereegerak wone liiru mbanak nogo abereegwaarak.

Oroma 12:11

Ala eyabu eerit nogo logonet, kineebi mbakak eeko logogup o. Ata, kiniki aganggen kerek togon aret eerit nogo logonip o.

1 Korindut 11:32

Peebi it aakumi nggween paga mendek abok aret inowak loonogo maluk onggo inoba piige logonet, nit ninom ninoba pinanege kero, yogondak at ninowe nen nit eekwi liippinaninuk, niniki koonogo pinanege menggerak.

2 Korindut 6:9

it ando nen, “Aap yi, inendage lek mendek o,” yinuk, ninombakwi kwe, it ando nen perak, “Aap yi, inendage warak o,” yogwe, kambuurak kwe, nineenik wonogwe, ninookwi kwe, kangga'lek aret wonogwe,

2 Korindut 7:11

Kit kiniki wakkologo mbareegup, Ala nen eeppinagareegerak nogo liippogo logonip o. Kit eereegutak nogo ti, kiniki wakkologo logonet, maluk kinenggela'me wonage nogo mbet-mbet koonggwi, “Maluk nabenggolagaarak,” kinombarukwak, mbet-mbet kinaana'le mbanggologwe, “Ala nen ninoorukwak ninagabiti,” mbako logonet, at maluk eereegerak nogo mondok kineebi mbakwi, “Wone yi agaarak nogo ninogoba Pawulut ninom koonuwok lak ao,” mbakwi, maluk eerak mbet-mbet aganggen kerek togon owak loonggwi, eereegutak nogo mbininggo logonet, kit maluk ambi eerulik obeelom aret owak loonggotak kiigo o.

Nggalatiya 4:18

“Obeelom eeriyak mendek yi, ninom eeruwok,” yinuk, iniki aganggen kerek togon aakumi wogonabit wogwe ti, op aret kwe, an neebe lek neegak mban wogonabit wogwe ti mage o. Ata, neebe kinenggela'me wonage neegak wogonabit woroorak togon op mban aret o.

Pelaareegerak 8:5

Aap nen inapuri wone lunirogo mengga kwak, at Aliku kinogoba Ala nen wone lunggiragagerak nogo liippinip o.

Titut 2:14

Nit yi maluk ndi maluk eeko monggoorak nogo eeko logokwak ninonggo mbanogo piinogo pinanege, ndi, “An napuri nake leenak logonet, obeelom eeriyak iniki aganggen paga eerit nugu logowak,” mba'nuk, ninomaluk koorogo pinanege, eerikit nduk, nit ninake niya wagagerak.

Yakobut 1:12

It aakumi inabut mbangge kagak nu'lek wonogwe kenok, inale'nggen aret mbako logowak o. It aakumi inabut mbangge kagak nu'lek wonogwe nogo, op eekwi iinok, nggare-nggare mendaarak yippiigo mengga kwak, “Kineenik mondok logorak mendek wokkiraagin o,” yinuk, abok yoragagerak ti, it aakumi Ala iniki kunik eekwi nogo, aret wogoraagin o.

Wayu 2:5

It aa'nduk an ninom kunik logonet, iniki aganggen paga noone mugurok nogo nogogwaarak nogo mbo punuk, yogondak mondok alik eerit nogwe nogo, liippatinuk, inomaluk mbo pogo logomenggaarik, yungguninuk iniyok paga woraanuk, aa'nduk eeko nogogwaarak nogo ndak-ndak eerit nogo logowak o. It iniki koombunuk inomaluk mbo pugwi lek iinok perak, an wage logominggirik, ndi wuninogo pegak inenggela'me wonage nogo nggiginogo mbo wumbi woraagin o.