Wayu 22:3 - Ala Wone Peenok Peebi Mbanak

³ Yi mendek ndi mendek pulunogo pereegerak maluk wonage nogo tigitogon obeelom eerogo pegerak me, o nogo ti, obeelom mban aret wonage kagarak. Ndi, at Ala inom, Ndomba Aagaluk inom, imbirak it wone lengganogo yorogo menggam eyo ndoonak o oolo taati wonage kagak, at Ala ayeloman mini abok aret at owagam ninggippunuk logonet, at mban alut eekwi iigirak.

Wayu 22:3 ပူးပေါင်းရင်းမြစ်များ

Ndawi 16:11

An neenik logokit nduk, “Tu yi,” yo'nege, Kat kenggaanom paga nale'nggen nggwok lombok kaakit nduk, eeppanege, Ndi, kat keenggi abe paga wonage neegak, mondok-mondok nale'nggen mbariyak mendek eeppanege, Eeke logomunggun o.

Ndawi 17:15

An perak, obeelom mban eeke minggirak me, Kenggaawak nenegen kage, Neenik a'nuk kenete nonggop menggendak nogo nenegen keege, Eeke logominggirik, Niniki abu ndonggo yigin o.

Yetaya 12:6

Kit o Tiyon monggotak yi wae. At Kikak Nakeelik Alik Leenak kit Iterali kinogoba kinenggela'me wonage ti, mondok iya me, Kiniki ale'nggen nen keekok yogwe, ndawi wakwi, Eeko logonip o,” yinuk, yorogo logomunggup o.

Yetaya 51:11

Kaliku ALA nen aakumi wondet eerogo piyareegindak mendek nogo iniyokan wogwe, O Tiyon unggwogo logonet, ndawi warit unggwogwe, Inale'nggen mondok kogo logorak mendek nen inete i'ndok nggi agan unggwogwe, Inale'nggen nggelok ari logonet, keekok agan unggwogwe, Eerugun me, Iniki puru ari, iniki aaninggin ndugu aago wonogwe, Eeko nagaarak nogo Lek aret arigin o.

Yetikiyen 37:27

An logowam it inenggela'me aret logogin me, an nen it inogoba aret age, ndi, it an napuri aret ogwe, eerugun o.

Yetikiyen 48:35

O kota yendok-wandok irip nggorek wakkogo logonet metet sembilan ribu paga wakkaagun o. Ne ti paga nen o kota ti endage, ALIKU ALA YIME AGAARIK, yogo logogun o,” yinuk, yegerak me, ti aret yagi o.

Takariya 14:11

O kota Yerutalem ti, aa'nduk maluk eerogo pogo nogogwa kwak ambinom eerogo pugun lek mondok nu'lek aret logogin me, o kota time aakumi iniki ugun tayenak wonogo logogun o.

Matiyut 25:21

Yoge mbareegi, ogoba nogo nen, Naput wa. Kat nayeloman liirogon obeelom eeke menggendak yi, mondok op aret eekendak o. Kamendek mbuuluk paga liippunuk unde wonagandak me, nggwok apit unde logonok nduk, mippagaminggirak logonet, an kogoba nale'nggen kage minggirak nimbirak ndak-ndak kage logonok nduk, mok o.

Matiyut 25:41

Yorage logominggirik, ti'nuk, it neenggi kwaare'nggan piyaminggirak nogo yorage logonet, Kit Ala nen pulunogo pinagareegerak yi, an mbi abu ee'nake me, mbi wo'nugwi, yi abu ee'nake me, yi too'niri nogwe, aap nggiru me, wo'nakwi, nayum yirik lek me, nayum yippanugwi, andi warak keele maarak me, pe'neya nogwe, ee'nako logolik me, yime nen wundi nogo logomonggotik, at Ibilit inom, at awuri apit inom, kani omoonuk wunuk mban ari menggim an nogoba nen ogobakkigirogo piyareegim nogome aret nanip o, yinuk, yoraagin o.

Yaya 12:26

Aap ambit ambi nen an nake eeriyak mbake kenok, mondok mu'neren aret wage logowak o. An logogin nogome nayeloman kunduk nimbirak time aret logogun o. Ndi, an nake eeke kenok, nogoba nen at tiyappigin o, yinuk, mondok abet aret yokkiragi o,” yoragagerak.

Yaya 13:32

An eeriminggirak paga nen Ala tiyappege neenok, at Ala eeremenggerak paga an kunduk, tiyappanigin o. Ndi, mbet-mbet aret tiyappanigin me nduk, yagi o.

Yaya 14:3

An nen kit logowam time pipuk eerogo pinagi nage logominggirik, kit an wonage me ninom logowok nduk, peebi wokkinabi woraagin o.

Yaya 17:24

Ai, nogoba o! Mbogut-nggween yi awo wakkaga'lek kagak, kiniki kunik ee'nake logonet, tiyappaneegindak wonagagirak nogo kwak, An keya wage neenok tiyappaneme-nggendak wonage me, it aap wo'nereegindak yi nen, neyaawak nduk, an nawam time ninom logowok lak, ao, mbake agarik o.

Pelaareegerak 27:26

Aap ambi eeko logorak wone yugu yi, porogo logonet, liirogon eeka'lek kenok, at pulunik aret logowak o, yogwe iinok, It aakumi abok nen, Abet aret o, yogwe, eeko logowak o,” yinuk, yoragagerak.

Wayu 7:10

inoone nggwok yogo logonet, “Wone lengganogo yorage menggenom kwi'ndak wonage kat ninogoba Ala nogo inom, Kat Ndomba Aagaluk inom, Kimbirak nen ninagap ndareegutak me, wa,” yinuk, yorogwe iigak,

Wayu 7:9

Ti eeke kage nagarik, it aakumi inanebunu inalitak lombok inom, inoone alitak inom, inagabolo alitak inom, inenggela'me nen ambitak nggigik kuwak eereegwaarak nogo ti, ineebe ambik ineenggi lingginiyak abu meek iigirak. It aakumi ti, inambogoyum nggorek yanggwi negen yippunuk eyoongga kalenak wik-wik eeko logonet, at wone lengganogo yorage menggim eyo ndoonak paga kwi'ndak wonage nogo inom, Ndomba Aagaluk nogo inom, imbirak inabu'me mi'na'nuk,