Wayu 22:14 - Ala Wone Peenok Peebi Mbanak

¹⁴ Yo'nege kage nagarik, “It inambogoyum laambu kookkologo menggaarak nogo, Eyo ineenik aganaka anggen nunggwi, ndi, o kota tu paarak mban wonage yime nowagam unggwi wogwe, eeko logonip o, yinuk, yorage neenok, iniki ale'nggen mbakak o kota unggwi nogwe iigak kwe,

Wayu 22:14 ပူးပေါင်းရင်းမြစ်များ

Wakkagagerak 2:9

Pege nagagerik, at Aliku Ala nen, “Yi eyo ndi eyo abu obeelom eyoonggen-kalenggen ombat abe yit nage kenok, nonggo logowak o,” yinuk, igale awi abok aret mbilanogo wundit nawak nduk, eereegerak. Ndi, igale wundit nagagerak enggela'me oolo time eyo ambi ineenik aganaka inom, eyo ambi maluk-obeelom ineenu agak inom, laganeegerak.

Wakkagagerak 3:22

Ti eeppiige nagagerik, at Aliku Ala nen ari logonet, “Yogondak it aakumi nogo nit pogom aret ogo nagaarik, maluk-obeelom eeriyak abok aret ineenu agaarak me, eyo ineenik aganaka anggen ti, mbanogo nonggo logomenggaarik, ineenik mondok-mondok aret logukwak, non mbambiyaawok o,” yinuk,

Ndawi 112:1

At Aliku ALA tiyappogo logowok o. Aap ambi at Aliku ALA agabiti mbake, “Yogop ee'nu ndogop ee'nu,” wone yugu nogo eeke logorak inikilom lombok mbake, Eeke menggerak nogo Ale'nggen aret wonage menggerak o.

Wundeegwaarak 19:10

Yoge mbareegi, at Aliku ALA nen Muta ambinom yoge logonet, “Naliku an ALA nogo, nogo mbere yippunuk, ko'lu aakumi Iterali abok inenggaanom puut Tinayi yi paga wambi woraagin me, it aakumi o yogondak inom, ko'lu inom, iniki kikak naka'lek an nake leenogo pakwi, inayum koorogo pakwi, eeppunuk, abu pipuk eerak logowak nduk, yorage logomenggendik,

Ndaniyen 12:12

Wone ti agan nage kagak, ne seribu tiga ratus tiga puluh lima ariyak nogo, yubuni nawak nduk, aap ambi nen iniki kwippunuk tokkage kenok, ale'nggen aret mbake logogin o.

Yaya 10:7

Liippega'lek wonogo mbareegwa, at Yetut nen ambinom yorage logonet, “Ndomba unggwogo menggam tu an aret o.

Yaya 10:9

Tu an aret o. It aap tu an wonage yi paga unggwi wogwe iinok, inagap ndakkolaagun o. Inagap ndarak wonogwe me, yinggak-unggwagak eeko logonet, inagari'ngga mbanogo nenet nogo logogun o.

Yaya 14:15

Yorage nagagerik, ambinom yorage logonet, “Kit an kiniki kunik ee'nakwi kiinok, an nen, Yogop ee'nu, ndogop ee'nu, yokkirage minggirak nogo aret eeko logomunggup o.

Yaya 14:6

Yoge mbareegi, at Yetut nen, “Ala kineenu ariyak tu inom, Ala ndogop menggerak, paganogo yokkirage inom, ndi, kineenik eekkinake minggirak inom, ti an mban aret o. Ala kineenu ariyak nduk tu an paga wogwe lek kenok, an nogoba owagam namunggup lek aret o.

Yaya 4:12

Niyo tookkolagak, yuurak nduk ninogoba Yakup nggween kabunogo pinaneegerak yi, at inom, at apuri inom, at aanggumi inom, nonggo nogogwaarak kwe, at meek, ndi, kat iya me nduk yagan ya?”

1 Korindut 7:19

Kinagabolo mbanak inom, kinagabolo mbanak lek inom, ti iya lek o. Ata, at Ala nen “Yogop ee'nu, ndogop ee'nu,” yo'nirage menggerak nogo eerit noorak kenok perak iya o.

1 Korindut 8:9

Togop me, kugi aanggo warak nogo kit nen ugun nenet noorak op aret kwe, kinoreewi ambi iniki abet mbakwi awo kole aga'lek nogo nggelenogo piyookwak, liippinip o.

1 Korindut 9:5

It aap nappiigak mendek ando inom, at ninowe awurilogwe ambokan ndarak inom, Peterut inom, Ala wone wonok nugu logonet, inakuwi wogoren nugu menggaarak nogo ndak-ndak, nit togon togop eeriyak meek mbakop?

Nggalatiya 5:6

Nit Keritut Yetut ninom kunik logonet, ninagabolo mbanak kenok, mbanak lek kenok, ti iya lek o. Ata, niniki abet mbareegurak paga aakumi inabuwa nen obeelom eeppiinet nogo logorak nogo perak iya o.

1 Yaya 3:3

Nit eeppinaniyak nogo niniki lunik wonogwe niinok, at Keritut iniki kikak naka'lek wonage nogo pogom, nit ndak-ndak niniki kikak naka'lek aret eekkologo logowok o.

1 Yaya 5:3

At Ala niniki kunik eekwi nogo ti, at nen, “Yogop ee'nu, ndogop ee'nu,” yinuk, wone yo'nirage eekwi nogo ti aret. Ndi, at Ala nen wone, “Yogop ee'nu, ndogop ee'nu,” yo'nirage nogo ti, aaninggin lek aret o.

Wayu 2:7

Aberiniki nen Ala apuri yi awi ndi awi kuwak eeko menggaarak yorage nogo ti, inaruk wonage kenok, liirogon aret konenggo logowak o. Ndi, it Ala wone mbo pega'lek, iniki nu'lek porogo logonet, liirogon mugurok nogwe iinok, eyoonggen aakumi ineenik eeginake menggerak Ala eyabu me wonage nogo, It noorak op aret yoraagin o, yinuk, wone yi yagarak nogo abok aret at malayikat Ala apuri o Epetut kuwak eekwi inarum menggerak nogo nen apuri yoraawak nduk, liiru mbanogo nappu o.”

Wayu 21:12

Ndi, o wa'nagat wurik ti, mondok iya tiyarogon wurik me, tu pak mbanak 12, ndi, tu pak mbanak unde nogo ti, it malayikat ineebe 12 mban wonogwe iigirak. Ndi, tungga eebe paga aakumi Iterali inanebunu 12 nogo inendage liiru mbanak wonage kagarak.

Wayu 21:27

Ndi, it maluk inikime porogo wonogwe, maluk peyak wurik kagak ugun eerit nugwi, pilit pugunggwi, eeko menggaarak nogo kenok perak, unggwi nogwe iyoolik o. Ata, it aakumi ineenik mondok-mondok aganaburak inendage mbuku paga liiru mbanak Ndomba Aagaluk porogo wonage kenok mban unggwi nogwe iigirak o.

Wayu 22:7

An mbet-mbet woraagin o, yinuk, yegerak me yokkigi o. Ndi, peebi eeriyak wone an yokkege neegak, liiru mbanggendak nogo, it aakumi liippunuk, mugurok nogwe iinok, iniki ale'nggen aret kogo logogun o,” yinuk, yo'nege kagarak.

Wayu 7:14

Yo'nege mbaki, “Nogoba o. An neenggo'lek me, kat nen mban yu o,” yoge mbaki, at nen an yo'nege logonet, “Lek o. It aakumi yi, aaninggin-paaninggin mondok alik negen eeppiigwi iigak, inenggela'me nen wundi wagaarak nogo ineebe yi aret o. It nogo ti, inayum laambu yanggwi negen aruwak nduk, Ndomba Aagaluk amiya nogo paga inayum kookkologogwaarak me,