Wayu 21:25 - Ala Wone Peenok Peebi Mbanak

²⁵ O kota time o kiip age, o weege, eeka'lek mondok-mondok liingge mban wonage me, tu mondok-mondok paarak aret wonage kagarak.

Wayu 21:25 ပူးပေါင်းရင်းမြစ်များ

Yetaya 60:11

It aakumi inanebunu lombok nen inamindik-inamendek iri wogwe, Nit nineegin tiyak yigi o, yinuk, it aap inendagembogut keele maageren unggwi wogwe, Eeko logowak nduk, At arungga kuurik mban wonage, Liingge-oonikiya aru narak lek mondok paarak mban wonage, Eerak logowak o.

Yetaya 60:20

Oonegen eya eerogo pege nogo ambinom kilu yi nage, Ndi, tut eya eerogo pege nogo ambinom eya eerogo pege, Eerigin lek aret o. At eya eerak mondok-mondok logorak ti, Naliku ALA an aret me, Neetik-neetak iniki puru ari menggerak nogo lek aret ari nage kaagin o.

Takariya 14:7

Ne ti alik lombok eerogo pigin me, o weege, o kiip age, eeke nogo lek age logonet, o liingge mban aret logogin o. Ti eeriyak nogo ti, Aliku ALA eenu menggerak o.

Wayu 21:12

Ndi, o wa'nagat wurik ti, mondok iya tiyarogon wurik me, tu pak mbanak 12, ndi, tu pak mbanak unde nogo ti, it malayikat ineebe 12 mban wonogwe iigirak. Ndi, tungga eebe paga aakumi Iterali inanebunu 12 nogo inendage liiru mbanak wonage kagarak.

Wayu 21:15

Ndi, at wone yo'negerak nogo nen o kota inom, tu pak mbanak nogo inom, o wa'nagat wurik inom, wakkaakit nduk, wakkagak mbuti emas paga ogobakkigirik eenggime wonage kagarak.

Wayu 21:23

At Ala abu tiyanak eebe eya ndelenak-welenak eeke nogo paga o kota ti, eya eeke, ndi, ndi wuninik pogom ti, Ndomba Aagaluk nen aret eya eeke, eekwi me, it aakumi nen, “Oonegen inom, tut inom, eya aruwak lak ao,” yinuk, yaga'lek aret iigirak.

Wayu 22:5

Time o kiip age, o weege, eeka'lek o liingge mban wonage kagak, it aakumi nen Ala eya paga nugu logogun me, nugu logonet, “O eya aruwak nduk, oonegen wundi wage, ndi, ndi wuninggwi, eeruwak lak ao,” mbaka'lek it aap inendagembogut negen logonet, mondok-mondok wone lengganogo yorogo logogun o.