Wayu 21:22 - Ala Wone Peenok Peebi Mbanak

²² at Omaawi Lombok Menggerak ninogoba Ala inom, at Ndomba Aagaluk inom, Ala awi wurik negen ineebe inenggela'me inom aret wonogwe me, it aakumi Ala ninom wonage mbaruwak nduk, awi wurik nogo lek aret kagarak.

Wayu 21:22 ပူးပေါင်းရင်းမြစ်များ

1 Endagembogut 8:27

Togop aret kwe, kat Ala o nggween paga yime logorak op mbaken? O mbogut paga inom, mbogut irimbaga kunduk inom, abok aret ti nggwok aret wonage kwe, kat logorak endak lek me, kat logorak kawi wurogo pagagirak yi ti, abunuk mbuuluk aret o.

2 Mbinineegwaarak 2:6

Togop aret kwe, o mbogut paga inom, mbogut irimbaga kunduk inom, abok aret ti, nggwok aret wonage kwe, at logorak endak lek me, at logorak awi wurogo pege, ndi, an kunduk, Ta me? nduk, at logorak koonogo pege, eeriyak mbakop? Lek aret me, at enggaanom paga ake warogo kani kunggak yuurak nogo mban wurogo pikit o.

2 Mbinineegwaarak 6:18

Togop aret kwe, kat Ala o nggween paga yime aakumi ninom logorak op mbaken? O mbogut paga inom, mbogut irimbaga kunduk inom, abok aret ti nggwok aret wonage kwe, kat logorak endak lek me, kat logorak kawi wurogo pagagirak yi ti, abunuk mbuuluk aret o.

Yetaya 66:1

Aliku ALA nen yegerak nogo yi aret. “Mbogut paga ti, noone lengganogo yorage minggim aret. Ndi, nggween paga ti, nabu'me piige minggim aret. An nawi nonggop negen wuriyak nduk yogo ogotik? Ndi, an namborowak koongge logorak nggeeme o?

Matiyut 24:2

at Yetut nen it yorage logonet, “O yayi wurik wonage abok aret kinigen kogwe ilik lek a? Yugum ambi oba lu'luk aago logorak lek o. Abu tigitogon langgunogo nappugun o, yinuk, abet aret yokkiragi o,” yoragagerak.

Yaya 10:30

An nogoba nimbirak ambit aret o,” yinuk, yoragagerak.

Yaya 13:32

An eeriminggirak paga nen Ala tiyappege neenok, at Ala eeremenggerak paga an kunduk, tiyappanigin o. Ndi, mbet-mbet aret tiyappanigin me nduk, yagi o.

Yaya 4:21

Yoge mbareegi, at Yetut nen, “Kwe yi wae! Puut yi paga inom, o Yerutalem inom, ninogoba alut eeriyak lek eyom panggoni woraagin, abet aret mbake logot o.

Yaya 4:23

It aakumi nen ninogoba abet aret alut eekwi ti, at Aberiniki, Ala ndogop menggerak, yo'nirage nogo nen yorage kagak alut eeko logorak eyom peebi kwe, yogondak muk wagaarak o. At ninogoba Ala nen, It aakumi togop aret nalut ee'nako logowak, mbake menggerak o.

Kolote 1:19

At Ala nen, “An neebe nitok li'luk aago minggi kwak, naput mondok ndak-ndak aret logowak o,” yinuk, inikilom mbake logonet,

Kolote 2:9

At Ala eebe itok li'luk aago menggerak nogo abok aret, Keritut oba lenggenak logonet, aakumi aret nda'nage nagagerik, nege nagagerak.

Wayu 1:8

Aa'nduk wonagagerak, yogondak wonage, peebi logogin at omaawi lombok menggerak ninogoba Ala nen ari logonet, “O maan aa'nduk togon wonagagirak Alpa inom, ndi, peebi irip paga mondok logorak Omega inom, ti an aret o,” yinuk, ari menggerak o.

Wayu 11:17

“Kat komaawi lombok menggendak aa'nduk wonagagindak, yogondak wonage, ninogoba Ala nogo kat aret o. It aakumi abok inowe kendagembogut logonet, wone lengganogo yorage logokit nduk, unde agagindak nogo, Yogondak yi eyom paga aret eeke logokit nduk, mi'nagandak me, Wa, wa, yokkogo o.

Wayu 14:4

It aap ti, kumi wogonakulik me, kumi inom mondok lambunulik aret menggaarak. Yi mendek ndi mendek aa'nduk mendek Ala ake pogo mengga kwak, aakumi ando iigak, it nogo mban Ala inom, at Ndomba Aagaluk inom, inake leenak logowak nduk, inonggo mbanogo inagap ndareegerak me, Ndomba Aagaluk nogo mban inom nugu menggaarak.

Wayu 15:3

ndi, Ala ayeloman Muta endawi inom, Ndomba Aagaluk nogo endawi inom, wakwi, eeko logonet, “Komaawi lombok menggendak ninogoba Ala kat aret o. Kat eeke menggendak nogo ti, eerubok mendek mondok iya lombok eeke menggendak o. Yi aakumi ndi aakumi aa'nduk wonogogwaarak, yogondak wonogwe, peebi logogun abok inowe kendagembogut kat aret o. Kat eeke menggendak nogo ti, mondok a'me nggelok abe mban eeke menggendak o.

Wayu 16:14

It inambeme nen wundi wagaarak nogo ti, kugi Tile awuri aret me, At Omaawi Lombok Menggerak Ala mondok iya eeppiyoorak eyom nogo paga it yi aap ndi aap inendagembogut o nggween paga menggaarak abok aret at Ala nogo inom wim namburiyak kuwak eeri woraawak nduk, it ogolem pogom nogo nen yonggo nogo logonet, aakumi abet mbaruwak nduk, eerubok mendek eerit nogwe iigirak.

Wayu 16:7

Yoge mbaki, Ala ake warogo kani kunggo menggam nogome nen oone ari logonet, “Wone ti, abet aret yigi o. Komaawi lombok menggendak ninogoba Ala kat aret o. Aakumi eekwi onggo mondok ndak-ndak a'me nggelok mban eeppiige menggendak me, abet aret yigi o,” yinuk, ari naruk konenggirak.

Wayu 19:15

Inom nogo logonet, at yi aakumi ndi aakumi inanebunu lombok abok aret tebenogo piyoorak nduk, paloowi ngget ambik ambeme nggelenak wonok nage logonet, tebenogo piinok, mbim obate mbanak ineenggime logonet, inoone omaawi paga yorogo mengga kwak, at oone omaawi paga wone lengganogo yorage kagarak. At omaawi lombok menggerak Ala anini nen aakumi eeppiyoorak nogo ti, anggur amburu aambiranggo mengga kwak aret me, at nogo nen aakumi togop aret aambiranogo piinet nage kagarak.

Wayu 4:8

Aakumi nen iigulik mendek ineebe 4 nogo ti, inalitak lombok ina'naabit 6 aret me, ineebe paga apit aret inigen warak mban wonogwe iigirak. It nogo puk aga'lek ko'lu-kii'me inoone yogo logonet, “Maan wonagagindak, yogondak wonage, peebi logomunggun, nogo ti, kat mondok itok komaawi lombok menggendak ninogoba Ala aret me, Kat mondok obeelom alik leenak aret o. Kat mondok obeelom alik leenak aret o. Kat mondok obeelom alik leenak aret o,” yinuk, yogak mban eeko logonet,

Wayu 5:6

Yo'nege mbaki, inoweewi 24 nogo inom, aakumi nen iigulik mendek ineebe 4 nogo inom, wone lengganogo yorage menggim taati wanggerak wonogwe iigak, Ndomba Aagaluk ambi eebe warak negen kwe, it inenggela'me mi'ndak wonage kagarak. Ndomba Aagaluk nogo ti, aruk alom me eyak 7, ndi, enegen 7, wonage kagarak. Aruk alom me eyak 7 inom, enegen 7 inom, nogo ti, Ala Aberiniki eeke menggerak alom 7 o nggween paga yi awi ndi awi nappiige menggerak nogo aret o.

Wayu 7:15

Wone lengganogo yorage menggim Ala enggaanom time logonet, Ko'lu-kii'me Ala awi wurik me ake eekwi iigak, At wone lengganogo yorage menggim eyo ndoonak paga kwi'ndak wonage ninogoba Ala nogo nen maluk inoba age kero, abu'me piirogo wonage agaarik o.