Wayu 21:11 - Ala Wone Peenok Peebi Mbanak

¹¹ Yo'nege mbaki, yugum onggo nggwok pugagi pogom endage yatipit nogo mendek pindan-pindan eeke menggi kwak, o kota ngget ogobakkigirik pindan-pindan eeke ti, Ala tiyanak logonet, eya ndelenak-welenak aago menggerak nogo nen aret eeke kagarak.

Wayu 21:11 ပူးပေါင်းရင်းမြစ်များ

Ayup 28:17

Mbuti emas paga ilik, pugagi abe paga a? Onggo ndak-ndak wakkagak iniki warak kunggwi, Inobaanggi-inobaangge eekak mbuti emas paga ogobakkigirik kunggwi,

Yetaya 4:5

Ti eeppiige logomenggerik, Aliku ALA nen o puut Tiyon inom, aakumi abok o puut Tiyon paga kuwak eeremenggaarak nogo inom, liingge ndugwi eya paga nobarinake, ndi, oonikiya ndi wunanogo piige, eerigin me, it inirimbaga eya aago kagak ineebe obeelom aret logogun o.

Yetikiyen 1:22

Mbogut tabak ndoonak pugagi abu abe abinak pindan-pindan eeke kenok, “Wi!” yogo mengga kwak, it iigulik mendek inanobak irimbaga togop aago wonage kagagirak.

Yetikiyen 1:26

It inanobak irimbaga tabak ndoonak nogome wone lengganogo yorage menggim yugum permata laturit paga ndoonak wonage, ndi, wone lengganogo yorage menggim ndoonak irimbaga tiyarogon aap kwak ambi kwi'ndak wonage, eeke kagagirak.

Yetikiyen 28:16

At yi o ndi o amindik-amendek paga onggo-onggo eerit nege logonet, Anini lombok arit unggwage paga maluk eereegerak. Maluk eeke mbareegi, endage maluk agagerak paga an Ala nabuut paga nen mbo wumbege, At malayikat negen kerub logonet neyabu eerak arum waka ti, Yugum kani wuninik kwak abinak pindan-pindan aago enggela'me nen wumbege, Eereegirak o.

Yetikiyen 43:2

Iterali inogoba Ala abu tiyanak eya aago kagak oonegen lagi wage menggim pa'nggwe nen wage kage neegak, at abu tiyanak eya pindanogo nggween paga pege logonet, niyo takut oone wo ari menggi kwak, oone ari kagagirak.

Yetikiyen 48:35

O kota yendok-wandok irip nggorek wakkogo logonet metet sembilan ribu paga wakkaagun o. Ne ti paga nen o kota ti endage, ALIKU ALA YIME AGAARIK, yogo logogun o,” yinuk, yegerak me, ti aret yagi o.

Wayu 15:8

Wogorage mbaki, Ala mondok omaawi ambik me, eebe eya ndelenak-welenak eeke paga nen ka'luk wungge logonet, Ala awi wurik me mondok endak wa'nage mbaki, it malayikat ineebe 7 nogo nen andi aganaburak kugi alom 7 aakumi inoba nappiigwi nogo, worok togon nappiiga'lek iigak, aakumi nen Ala awi wurik me time ungguurak meek aret age kagarak.

Wayu 22:1

Ti kage nagarik wonage me, malayikat nogo nen, an yo'nege logonet, “Niyo aakumi ineenik aganaka eneeri mili lombok mbini kin nogo, Ndomba Aagaluk Ala imbirak wone lengganogo yorogo menggam abu'me nen, kilak togon wungge nagaarik, o kota tu yarak eraaninu nage ti, kenegen pekket o,” yinuk, yo'nege mbaki, pekkage me, niyo nggwok nage nogo aa'nggi yibagan-enebagan eyo aakumi ineenik aganake menggerak awi yarak me, tut ambi penengge paga ne ambit paga anggen yi'nage, tut ambi penengge paga ne ambit paga anggen yi'nage, togop aret eerit tahun ambit eerak paga ne 12 paga aret anggen yi'nage kagarak. Ndi, eyoongga nogo ti, yi aakumi ndi aakumi andi aganake kero, obeelom aganaka inake aret wonage kagarak.

Wayu 22:5

Time o kiip age, o weege, eeka'lek o liingge mban wonage kagak, it aakumi nen Ala eya paga nugu logogun me, nugu logonet, “O eya aruwak nduk, oonegen wundi wage, ndi, ndi wuninggwi, eeruwak lak ao,” mbaka'lek it aap inendagembogut negen logonet, mondok-mondok wone lengganogo yorogo logogun o.

Wayu 4:3

Wu kirin abinak pindan-pindan eeke menggi kwak, aap kwi'ndak wonage nogo etenggen ti, yugum yatipit pogom, yugum taririt pogom, eerak wonage kagarak. Ndi, at kwi'ndak menggim irimbaga liware yugum tamurut etenggen kunik negen wanggerak wonage kagak,

Wayu 4:6

Ndi, wone lengganogo yorage menggim eyo ndoonak abu'me taati pugagi abu abe tabak lombok yilaa'nggun kole yenggenak kibu-kibu pege nogo pogom wonage kagarak. Ndi, aakumi nen iigulik mendek ineebe 4 enaagan-ambokan inigen abok wonage me, wone lengganogo yorage menggim oolo taati wanggerak wonogwe iigirak.