Wayu 20:9 - Ala Wone Peenok Peebi Mbanak

⁹ Iige nagarik, o kobak nonggologo pereegim time aakumi mbini negen togop aret kuwak eeppunuk, it abet mbareegwaarak Ala apuri nogo inookwi, ndi, o kota Ala inikilom mbake menggim nogo lek eerogo pugwi, eeruwok nduk, oo'nggut panggeko mbaka, kani mbogut paga nen wunuk agan wambi wage logonet, aakumi nogo tigitogon nenet nage kagarak.

Wayu 20:9 ပူးပေါင်းရင်းမြစ်များ

Wakkagagerak 19:24

Unggwi nagagerak kagak, at Aliku ALA mbogut paga nen mayu negen kani kunik omoonuk kwindagala agago ugun abera'lek me, o Torom Nggomora nogome aret wuppi wagagerak.

2 Endagembogut 6:15

aap Ala wone liirogon eeka ayeloman nogo nen o kuubondendok eenik a'nuk, wundi nage nagagerik, aap wim eeka inom, kuda inom, nggweendo wim eeka inom, abok aret o kota wanggeppunuk wonogwe enegen iige nagagerik, Elita yoge logonet, “Nogoba o. Nit abu maluk eeppinaniyak nduk eekwi me nonggop eeruwi o?”

Ayup 38:18

O nggween yi, ambe ngge kuli wonage nogo liippege, Eereegindak ilik lek a? Ti abok aret keenu kenok, mbininogo an yo'niru o.

Ndawi 106:18

It inom ogogwaarak nogo kani inoba wunuk ari, It aap maluk mendek ti, kani nen ineebe nenet nage, Eereegerak.

Ndawi 87:2

Aliku Ala nen it Yakup mendek wonogo menggam inikilom mbake kwe, Kota Tiyon tu unggwogo menggam perak, Iniki kundugu lombok mbake menggerak o.

Ndawi 97:3

At awo nage kagak, Kani omoonuk wunuk togon aa'nduk nage logonet, At awim enaagan-ambokan wanggerak wonogwe nogo, Lek eerogo piinet nage,

Yetaya 30:33

At aap endagembogut Atiyut mendek nogo kani kuniyak ake aa'nduk muk pipuk eerogo pereegerak wonage o. Ti eerogo pereegim nogome inikime teberogon kabunik wonage, ambe wiganak lombok wonage, Kani wurik mban yagabit aago wonage, eerak me, kani kunik kwindagala eerogo nagake menggi kwak, Aliku ALA ambe aagi nappemenggerak paga kani logonak nogo abok aret wunuk yigin o.

Yetaya 37:36

Yoge mbareegi, ti eyom paga aret it Atiyut mendek nogo inawooliyana wonogwe me, at Aliku ALA ayonggo malayikat nogo wage nagagerik, aap wim eeka ineebe seratus delapan puluh lima ribu inoorogo piyareegerak me, ko'lu kuuben ineebe inoorak yumbunik-telenak aago wonogwe iyareegwaarak.

Yetikiyen 38:16

Napuri Iterali tebenogo piyaawak nduk, o iyaagi nggween enete kuurik lek eerogo pege menggi kwak, togop aret eerit woraagun o. Ndi, peebi ne ambi paga at Nggok nogo ti, napuri nanggween paga wonogwe nogo tebenogo piyaawak nduk, an nen wonok woraagin me, yi aakumi ndi aakumi inigen iigak, at eeppege paga, Aliku ALA kikak nakeelik alik leenak menggerak kogo o, yinuk, an neebe ineenu arugun o,” yinuk, yegerak me, yokkigi o, yoreegirak.

Yetikiyen 38:22

Ndi, at inom, awuri ineegin warak inom, aakumi inanebunu ambik lombok at inom ogogwaarak nogo inom, it maluk eekwi onggo kugilingga inoba kwippiige, ineebe inoorogo piige, mayu lubu-lubu inoba wuppi wage, mayu kumulinggen inom, mayu negen kani kunik kwindagala aago inom, inoba kwippiige, eerigin o.

Yetikiyen 38:9

at inom, at awuri ineegin warak aago inom, it aakumi inanebunu lombok ambik aret inom, at inom a'nuk, o wiya nabuninuk warit wage menggi kwak o ti, tebeni unggwogo logonet, o iyaagi apit eerak menggi kwak o nggween ti paga etenggen kuurik lek eeppunuk, logogun,” yokkigi o, yinuk, an yo'negerak o.

Yetikiyen 39:6

An nen kani kunik o Magok oba pege, yi aap ndi aap o niyo aa'nggi paga iniki ugun tayenak wonogwe nogo inoba kwippiige, eerigin me, eeke neenok, it nen Naliku ALA an aret ineenu arugun o.

Mika 2:13

Aap yugum pak langgungga nogo kwak a'nuk, naa'nduk tu pak langgunogo punuk, wundi nage, Inowe nendagembogut Naliku ALA naa'nduk a'nuk nage neegak, nawuri nambokan wogwe, Eerugun o,” yinuk, Aliku ALA nen aret yegerak me, yokkiragi o, yoragagirak.

Abakuk 1:6

Ti eerigin nogo ti, inogogumbuk worokot nogo nen it inanggween lek kwe, Unde eeppatinuk logowak nduk, o nggween yi abok aret it mban tebeni nogwe aakumi Mbaben mendek aret mippiyaagin o.

Linggineegwaarak 11:1

Ne ambi paga it aakumi Iterali mendek nogo nen, “Nonggop eekkoloobok,” eeginake mbareegi, iniki piirik logonet, at Aliku ALA ineebi-ineeba yogo nogogwaarak. Yogwi nogo Aliku ALA konembunuk, anini mi'nage nagagerik, kani mbogut paga nen it Iterali wonogwe me wuppi wagagerak wunuk agan nage logonet, inawooliya ambet paga taa'nogo kani nenet nagagerak.

Linggineegwaarak 16:35

Mbaganit nogwe iigak, at Aliku ALA nen it aakumi ineebe dua ratus lima puluh obari abe kaga kani kunggwi nogo ne ambit ti eyom paga aret kani omoonuk paga lek eerogo piyareegerak.

Lukat 17:29

aap Lot o Torom nen wundi nage mbareegi, Ala mbogut paga nen yugum anggen kani inom wuppit wage logonet, it ineebe abok aret pup eerogo piyareegerak nogo o.

Lukat 19:43

Ala yi eyom aret neya wagaarak o, yinuk, yelok koolik me, kame nen wundi nage keyo, it kinom wim mbanak nen yagat wurogo pagagwi, wanggekkakwi, agi-ogu nen, iru-ogwe nen, yigikkabuwok nduk, panggo yi wogwe, eeko logonet,

Lukat 21:20

“It aakumi ineegin warak apit aago o Yerutalem wanggerak wonogwe iigo logomonggotik, O Yerutalem pup eerogo puurak eyom abu panggoni wagaarak kagi, mbarumunggup o.

Lukat 9:54

It togop mbakwi at oone waganggwi Yakobut Yaya imbirak iigo nogogwaarik, “Ninogoba wae! Kani mbogut paga nen kuninabi wambi woraawak nduk, yoruwi ilik?”

Pelaareegerak 23:14

At Aliku kinogoba Ala unde wokkinake, kinawim tebenogo piinok, kineegin tiyak ari, eeruwak nduk, kinawooliya wurik enggela'me nege menggerak me, nege logonet, obari warak nogo mendek ambi enegen kage kenok, melak togon mbo pinagukwak, kinoore'nggam abu koorak ndigik-ndegek aago aret logowak o,” yoragagerak.

2 Tetalonika 1:8

it aakumi Ala ineenggo'lek obeelom wone ninowe Yetut eeke nagagerak wone nogo wagangga'lek iinok, maluk onggo wogora woraagin eyom nogo paga niniki tayenogo pinanigin o.

Iberani 13:13

Togop me, at o kota endekem ninake kambikit nduk nage kagak miyuk-meya eerogo pogo nogogwaarak nogo kokwak, nit kunduk ti ndak-ndak miyuk-meya eerogo pinanugwi iigak, at mugurok o kota endekem aret wundi nawok o.

Wayu 11:5

It aap mbere ti, inambeme nen kani wunuk agan wundi wage logonet, it inom ogoorak wonogwe nogo inooko menggaarak me, “Aap mbere ti, inooruwi o,” yinuk, inooriyak nduk eekwi iigak, it inambeme nen kani wunuk agan wundi wage logonet, it inooriyak eekwi ineebe nogo kani wunuk togon nunggwi iigirak o.

Wayu 13:13

Ndi, nggeewo peebi nggween enoona lagi wagaarak nogo nen eerubok mendek iya tit eerit nage logonet, aakumi abok inenggaanom paga kani kunik mbogut paga nen nggween paga wuppi wage kagarak.