Wayu 20:11 - Ala Wone Peenok Peebi Mbanak

¹¹ Ti eekwi iige nagarik, wone lengganogo yorage menggim eyo nggwok ndoonak yanggwi lombok lan ari nogo paga aap ambi kwi'nage kagarak. Awo kwi'nage kagak, mbogut-nggween eenggi-iyok lek, lek age mbaki, ti'nuk, peebi obaane'me ari wage koolik mondok-mondok lek aret age kagarak.

Wayu 20:11 ပူးပေါင်းရင်းမြစ်များ

Wakkagagerak 18:25

Kat nen it aakumi obeelom eeko menggaarak inom, maluk eeko menggaarak inom, Ndak-ndak aret o, yinuk, abok lambuk togon inooriyak ti mage o, nogoba. Yi aakumi ndi aakumi inomaluk inom, abe inom, inowak loongga kat aret me, yiluk-yiluk inowak loongge menggerak kombarukwak me, togop eerugun o, nogoba.”

Ayup 9:6

O nggween yi, ya langgok eerogo nappege, Nggween alom yarak na'ndo-wa'ndo eeke,

Ndawi 102:26

Mbogut inom, nggween inom, ti lek arigin kwe, Kat perak, kitok mondok aret menggendak o. Yum maan yugu me nibik ari kenok, mbo pogo mengga kwak, Yum enete maluk agaatak kenok, Yuwi-mbuwi eerogo mbo punuk, Obaane'me alik ngget mendek yikkologo mengga kwak, Mbogut-nggween yi, togop aret eerigin kwe,

Ndawi 47:8

At Ala wone lengganogo yorage menggim alik leenak nogo paga kwi'ndak logonet, Yi aakumi ndi aakumi wone lengganogo yorage agaarik o.

Ndawi 89:14

Obeelom eeppiinet nage, a'me nggelok eeke, Eeke menggendak nogo Kat wone lengganogo yorage menggenom ti paga panggonak kagak, Aakumi inabuwa nen iniki kunik aganake, Yoraga'ndak li'luk eeppiinet nage, Eeke menggendak kabok nogo Aa'nduk wiganinuk nage kagak ambo'me wage menggendak o.

Ndawi 97:2

Ndugwi inom, o yumaak aago inom, At enaagan-ambokan wanggerak wonage, At nen obeelom eeppiinet nage, a'me nggelok eeke, Eeke menggerak nogo ti, At wone lengganogo yorage menggim Ti paga panggonak wonage menggerak o.

Yetaya 6:1

Aap endagembogut Utiya kambeegerak tahun ti paga at Ala abu tiyanak, “Wi,” ugwi iigak, wone lengganogo yorage menggim kwi'ndak wonage me, ayum nggorek irip nik aago nogo at awi wurik paga ndak warak wonage, eeke kagarak o.

Ndaniyen 2:35

Iyok ti, yigirogo pege nagaarik, ambulok mbuti owak paga aago inom, aanogum-omarip mbuti tembaga paga eerak inom, amiguwak-obaak mbuti perak paga aago inom, ndi, anobak mbuti emas paga ogobakkigirik inom, ambugwi aret yigirik-noonom eerogo pegerak me, gandum anggen mbanak mbelanggo menggam age paga nenenggo logonet, ameneno leenogo pugu nogo eegu-ando pegeelik o wiya nen wonok mondok lek aret eerogo pege menggi kwak, yigirik nogo ando puulik abu lek eerogo pegerak kwe, yugum yelek togon wanggerak nogo perak, puut kole eerogo pege logonet, o nggween abok aret enete lek eerogo pit nage kagandak o.

Ndaniyen 7:10

At kwi'ndak menggim time nen niyo nage menggi kwak kani wuninogo nagabit nage, Aap ineebe ambik ineenggi lingginiyak meek lombok at ake eekwi, Aap yogolik mendek aago at owagam mi'ndak wonogwe, Ndi, it aap aakumi inowak loongga nogo kwi'na'nuk, aakumi eeko nogogwaarak mbuku paga liiru mbanak nogo ponggonogo pit nogwe, Eekwi iigirak o.

Matiyut 11:22

Peebi kinowak looniyak eyom paga it aakumi o Tut Tiron mendek nogo, aaninggin mbuuluk negen eeppiige logonet, kit perak, aani-nggin mondok nggwok lombok eep-pinagagin me, kinabuwa o, yinuk, yokkiragi o.

Matiyut 24:35

Mbogut-nggween yi, lek arigin aret kwe, an noone ti perak, lek arigin lek mondok aret logogin o,” yoragagerak.

Matiyut 25:31

Yetut wone ambinom yorage logonet, “An aap aret nda'nagagirak nobanggi-nobangge li'luk eekko'nok, it malayikat abok aret ninom wage logominggirik, an wone lengganinake minggim tiyanak nogome neegak,

Oroma 2:5

Ala iniki togop mbake kwe, kiniki omaawi kinogogumbuk wonogwe kiinok, Ala anini nen onggo maluk liirogombo eeppiige ti eyom paga abunuk nggwok togon eekkinaburak nduk eekkolagak mban eekwi kiigi o.

2 Peterut 3:7

Ndi, yogondak mbogut-nggween ninigen kogo monggoorak yi nogo ti, peebi it aakumi Ala ineebi mba'nuk, maluk eeko menggaarak nogo inawone amburu mbanogo inowak loombunuk, ineebe lek eerogo piyoorak eyom nogo paga, o yi, kani pikit nduk, at oone paga porogo wonage wone nogo, it kobak logonet agan nugwi me, peebi age yobok paga eeke kaagun o.

Wayu 12:8

Nambuko logonet, it nen waalo nggwok nogo awuri inom tebenogo piigo nagaarik, “O mbogut paga yime logorak lek o,” yinuk,

Wayu 16:20

Wuppege kagak, niyo nggwok yenggenak nggween oolo kup mbanak inom, puut-puut inom, abok aret eenggi-iyok lek, lek age kagak,

Wayu 19:11

Yo'nege kage nagarik, mbogut paga tungga paarak wonage kagak, aap ambi endage Abet Mban Ari, Liirogon Eeke, Eeka nogo, kuda yanggwi negen amborowak paga kwi'ndak wage kagarak. Wage nagaarik, liirogon inowak loonogo a'me nggelok mban onggo wogorage, wim liirogon aret nambuke, eerit nage kagarak.

Wayu 20:2

Wambi wage nagaarik, at waalo nggwok tinambe negen o maan togon aakumi inambokan lagangge menggerak Tile ti, Ibilit aret me, at pigogo mbutigeele nogo paga maappunuk, tahun seribu logowak nduk,

Wayu 21:1

Ti eeke kage nagarik, wonage me, mbogut-nggween aa'nduk wakkagagerak nogo inom, yi nggwok yenggenak laut nogo inom, lek age kagak, obaane'me mbogut-nggween ngget ogobakkigirik nogo ari wage kagarak.

Wayu 21:5

Ari naruk konembunuk, wonage me, at wone lengganogo yorage menggim eyo ndoonak paga kwi'ndak wonage nogo nen an yo'nege logonet, “Wone yi, liirogon karuk konengge logot o. An nen yi mendek ndi mendek abok aret ngget ogobakkigirogo pege yi, abet aret a'me nggelok yigin me, liiru mbanu o.”

Wayu 4:2

awo aret yo'nege kagak, Aberiniki ninikime lik ari nagaarik, wo'neren pani laganggerak mban kagarak. Pani laganggerak wonage me, mbogut paga time wone lengganogo yorage menggim eyo ndoonak nogo paga, aap ambi kwi'ndak wonage kagarak.

Wayu 6:14

mbuku pirik-perek eeko mengga kwak mbogut nggoguk ari logonet, pirik-perek arit nage, ndi, puut inom, niyo inikime nggween kup mbanak inom, abok aret wo'narok ambi me ari nagak eeke, eeke kagarak.