Wayu 2:2 - Ala Wone Peenok Peebi Mbanak

² Ala apuri o Epetut eerit nogo menggaarak nogo an neenu aret o. It ndeyak aganake kagak mbo pega'lek mondok nabenak mban eerit nogwe, It aap maluk mendek nit ninenggela'me yime logorak mondok lek o, yinuk, ineebi mbakwi, it aap ando nappiigak mendek lek kwe, wogo nagaatik, Ala nen nappinani wagaarak o, yinuk, yorogwe iinok, inabut mbambunuk, Yi pilit agan wagaarak o, yinuk, mbo piigwi,

Wayu 2:2 ပူးပေါင်းရင်းမြစ်များ

Ndawi 1:6

It aap iniki abe koonak nen eerit nogwe nogo, Aliku ALA nen enegen wogonake menggerak kwe, It aap maluk eeka nen eerit nogwe nogo, Lek eerogo piige menggim time aret nogo menggaarak o.

Matiyut 7:23

Yo'niremenggaarak kwe, an nen it yorage logonet, Kit maluk eeko monggotak yi, an mondok neenggo'lek me, an wonage me nen mbaganinip o, yinuk, yoraagin o,” yoragagerak.

Yaya 6:6

Ti yoreegerak nogo ti, at eeriyak eenu logonet kwe, Piliput abut mbanikit nduk, yoreegerak.

Nggalatiya 1:7

Wone obeelom wone alik ambi inom wonage lek aret kwe, it aap ando nen Keritut eeke nagagerak obeelom wone nogo, “Abut laganuwok o,” yinuk, wone alik ambi inom nabenogo agan nugwi ti paga, kit kiniki naalop-kaalop eerogo pinagagwi iigirak me nduk, yokkiragi o.

Epetut 4:14

Togop me, noreewi o. Yi kilaarak-mogonik eeke logonet, yi mendek ndi mendek piyanogo nippege, o wiya nen yi mendek ndi mendek wonok nage, eeke menggi kwak, elege-aabologwe ti, togop aret wonogwe me, kit kunduk togop logonet, it aakumi pilit wone yogo menggaarak nogo nen aakumi inambo'me laganuwok nduk, iniki koombunuk, inoone amburu paga nomoniren nawok nduk, agan nugwi wone ti mendek kit ugun konenggo logorak mage o. Ata, Keritut iniki mondok kole menggi kwak, nit togop aret niniki kole eeppinanit wundi wage kenok, nit elege-aabologwe togop ti ndak-ndak logogun lek o.

1 Tetalonika 1:3

Kit abet mba'nuk eerit nugwi, aakumi kiniki kunik nen nggwiirit-nggwaarit obeelom eeppiinet nugwi, ndi, ninowe Yetut Keritut paga kiniki lunik wonogwe me, aaninggin kinoba age kagak kinogogumbuk logonet waganggwi, eekwi nogo ti, aberak logonet, ninogoba Ala yogo monggoorak o.

1 Tetalonika 5:21

Yi wone ndi wone yogwe nogo abok aret abut mbambunuk, abe kenok mban nggirik-nggerok agago porogo logonip o.

2 Timotiyut 2:19

o wurik ili agago liiru mbanogo pogo mengga kwak, Ala eeriyak kooneegerak nogo, “Mondok logogin,” mbaruwak nduk, ari logonet, “An napuri kenok ti, neenu aret minggirak o.” Ndi, ambi, “Yi aap ndi aap abok aret, An Ala aput aret o, yogwe iinok, It maluk eekwi nogo mbo pogo logowak o,” yinuk, yereegerak me, it aap ti togop aret eeko menggaarak kwe, Ala nen, “Eeriyak,” kooneegerak ti, o eyak wurabak nu'lek menggi kwak, mondok nu'lek aret logogin o.

Iberani 6:10

Kit kinogoba Ala a'me nggelok eeke menggerak me, at eyabu eerit nogo logonet, at endage tiyappuwak nduk, “Ao,” mba'nuk, kinoreewi Ala apuri yeenggwaarogo nogogutak inom, yogondak awo yeenggwaarogwe wonogwe inom, at mari eerogo pigin lek o.

1 Yaya 4:1

Noreewi niniki kunik yi wae. “Aberiniki nen yo'nirage kenok, yokkira wogo o,” yogwe iinok, inoone abet mba'nuk ugun woorak mage o. It pilit wone yoraga nogo nen yi awi ndi awi abok aret yoranet nugwi me, “At Ala nen abet aret nappiya wagaarak agan wogwe ilik, it iniki koombunuk nen agan wogwe a?” yinuk, inabut mbambunuk inoone konenggo logomunggup o.

Wayu 2:5

It aa'nduk an ninom kunik logonet, iniki aganggen paga noone mugurok nogo nogogwaarak nogo mbo punuk, yogondak mondok alik eerit nogwe nogo, liippatinuk, inomaluk mbo pogo logomenggaarik, yungguninuk iniyok paga woraanuk, aa'nduk eeko nogogwaarak nogo ndak-ndak eerit nogo logowak o. It iniki koombunuk inomaluk mbo pugwi lek iinok perak, an wage logominggirik, ndi wuninogo pegak inenggela'me wonage nogo nggiginogo mbo wumbi woraagin o.

Wayu 2:6

Ndi, ambi op negen eekwi iigirak nogo ti, it aap Nikolawut oone mugurok nogo logonet, eerit nogo menggaarak ti, an neebi lombok mbake minggirak nogo, it ndak-ndak ineebi mbakwi iigirak me op aret o.

Wayu 2:9

it Ala apuri o Timirina eerit nogo menggaarak nogo, an neenu aret o. It aaninggin-paaninggin inoba age logonet, ineenggi lek age kwe, agi mendek paga ineenggi warak negen wonogwe nogo an neenu aret o. Ndi, it Yakuri mendek lek Ibilit eeke menggerak ndak-ndak eeruwok nduk kuwak eeko menggaarak nogo mendek kagak, we piliret, Nit Yakuri mendek aret o, yinuk, Ala apuri o Timirina mendek inoone miyuk-meya eerogo piigwi ti, neenu mban.

Wayu 3:1

“Ndi, ambi, at malayikat Ala apuri o Taririt kuwak eekwi inarum menggerak nogo nen apuri yoraawak nduk, yoriyak, yokkiri o. Laaluguragan 7 neenggime porogo logonet, Ala Aberiniki eeke menggerak alom 7 unde minggirak nen, Ala apuri o Taririt eerit nogo menggaarak ti, an neenu aret o. It abu ndeyak kambak negen aret wonogwe iigak kwe, aakumi nen, Lek o. Aap eenik omaawi nege menggi kwak, it Ala apuri nggereya ti paga kuwak eekwi nogo mondok inomaawi aret wonogwe iigo o, yinuk, yogwe nogo neenu aret kwe,

Wayu 3:15

it Ala apuri o Laworikiya eerit nogo menggaarak nogo an neenu aret o. Iniki miin lek aganggen togon lek we niyo tarom ombat negen wonogwe iigirak me, iniki aganggen logorak mbakwi kenok, aganggen aret wonogwe, ndi, iniki miin logorak mbakwi kenok, miin aret wonogwe, eeko logorak op aret mbake kwe,

Wayu 3:8

it Ala apuri o Pilarelipiya eerit nogo menggaarak nogo an neenu aret o. Neenu aret me, it an nendage mbo pega'lek porogo logonet, inomaawi mbuuluk wonage nogo paga an noone mugurok nogo menggaarak me, it ambi eeko logowak nduk, tu paarogo piyareegirak nogo, aakumi nen narogo piyoorak mondok meek aret o.