Wayu 2:18 - Ala Wone Peenok Peebi Mbanak

¹⁸ “Ndi, ambi at malayikat Ala apuri o Tiyatira kuwak eekwi inarum menggerak nogo nen apuri yoraawak nduk, yoriyak, yokkiri o. An nenegen kani omoonuk wunuk ari pogom logonet, mbuti tembaga kani kunik me mambugwi iinok, eyak kwindagala eerogo pegetak me, abinak pigan-pigan eeke menggi kwak, niyok togop ndak-ndak pigan-pigan eeke minggirak nogo nen,

Wayu 2:18 ပူးပေါင်းရင်းမြစ်များ

Ndawi 2:7

An nendagembogut nogo nen Aliku ALA wone lengganeegerak nogo yokkira o. “At nen an yo'nege logonet, Yogondak kat an naput age, Ndi, an kat kogoba age, Eekoorak o.

Ndaniyen 10:6

At eebe ti, yugum mee'nggen abinak pindan-pindan eeke menggi kwak eeke, enete ti, o yabok eeke kwak eeke, enegen ti, ndi wuninik kwak eeke, eenggi-iyok ti, mbuti tembaga maakwi iinok abigan pinda ari menggi kwak eeke, ndi, oone ari ti, aakumi ambik aago inoone yogo mengga kwak ari, eeke kagagirak.

Matiyut 17:5

Wone awo yoge kagak, ameraakot abinak mendek nobappiya wage kagak, enggela'me nen oone ambi yorage logonet, “An naput niniki kunik nale'nggen ee'nake nogo yi aret me, at oone kinaruk liirogon konenggo logonip o.”

Matiyut 27:54

Ndi, at yigin unde inowe inom, it Yetut arum wonogogwaarak inom, nogo nen mi nuk ari, ndi, yi eekak ndi eekak eeke, eeke nogo inigen kogo nogogwaarik, inagabiti ambik age mbareegi, “At yi, Ala aput abet aret kogo o,” yinuk, yereegwaarak.

Matiyut 3:17

Kage mbareegi, mbogut paga nen oone ari logonet, “Napuluk niniki kunik lombok at yi aret me, niniki ale'nggen ee'nake kagi o,” yinuk, ari kagagerak.

Lukat 1:35

Yoge mbareegi, malayikat nogo nen, “Aberiniki koba wambi wage kagak, at Tiyanak Lombok Menggerak omaawi nobakkabi wage mbaremenggi, kabila aret age logomenggendik, at mondok kikak nakeelik Ala ake leenak ndaremenggendak nogo, aakumi nen, Yi Ala aput aret, yogo logogun o.

Yaya 1:14

At Wone nogo, aap aret age nagagerik, ninom aret wonagagerak. Ninom logonet, oona ngginik kagak, iniki kunik nen eeppinanege, Ala ndogop menggerak o, yinuk, liirogon yo'nirage, eeke kogo logonet, at Ala aput ambolom ndarak me, ogoba nen tiyappereegerak mondok tiyanak aret kogogurak o.

Yaya 1:49

Yoge mbareegi, at Natanayen nen, “Ngguru wae. Ala aput aakumi Iterali inowe endagembogut kat aret keegi o.”

Yaya 10:36

nogoba nen leenogo panege nagagerik, nggween paga yime nappani wagagerak an nogo nen, An Ala aput aret o, yokkirage paga nonggop nduk, Kat Ala miyuk-meya eerogo pege agandik o, yinuk, yo'nogo ogotik?

Yaya 3:16

At Ala nen yi aap ndi aap abok inabuwa nggwok lombok mbareegerak me, at aput ambolom ndarak an aret nappani wogoragagerak. Togop me, it aakumi iniki noba panggombunuk, abet nombakwi iinok, lek eerogo piyaagin lek ineenik mondok-mondok aret logogun o.

Yaya 3:18

It aakumi iniki an noba panggombunuk, abet nombakwi iinok, Ala nen inowak loonogo maluk onggo inoba piyaagin lek kwe, it iniki an noba panggombunuk, abet nombaka'lek iinok perak, it iniki Ala aput ambolom ndarak an nogo noba panggombunuk, abet nombaka'lek me, muk inowak loonogo maluk onggo inoba piigerak wonogo agaarik o.

Yaya 5:25

It aap kanggo menggaarak mendek nen Ala aput an noone koneniyak eyom peebi kwe, yogondak muk panggoni wagaarak me, it aakumi nen an noone konenggwi iinok, mondok-mondok ineenik aret logogun o.

Nappiigak 16:14

Yorogogurak koneneegwaarak nogo, kwe o kota Tiyatira mendek ambi mbogoyum maa'ngga kunik kigirikwe lombok kungge menggerak endage Liriya nogo nen Ala alut eeke menggerak me, at Pawulut yoragagerak wone nogo waawak nduk nogoba nen iniki tu paarogo pereegerak.

Nappiigak 8:36

Yorit imbirak tu paga nogo logonet, niyo ambi wage me ari nogo nogogwaarik, aap nogo nen, “Niyo yi ket o. An yiime wuppaniyak meek mbaken a?” (

Oroma 1:4

Ala nen kambunuk nogo menggam nen eenik agago mippereegerak paga, at maluk eeka'lek iniki mondok abe alik leenak Ala aput ayuk warak aret menggerak nogo kin agagerak.

Oroma 8:32

At Ala aput ambolom aret kwe, ili yuulik nit abok ninake waruwak nduk wuppi wagagerak nogo nen aput wo'niragagerak nogo ndak-ndak, yi mendek ndi mendek ngginu-ngginu eerogo wo'niraagin lek nduk yogo ogotik?

Wayu 1:11

yo'nege logonet, “Eeriyak titikkege neegak, mbuku pirik-perek aago paga liiru mbangge logomenggendik, it Ala apuri o Epetut inom, Timirina inom, Peragamut inom, Tiyatira inom, Taririt inom, Pilarelipiya inom, Laworikiya inom, nggereya 7 paga kuwak eekwi nogo abok aret pekkaawak nduk, nappunu o,” yinuk, yo'nege konenggirak o.

Wayu 2:1

Yo'nege kage nagarik, wonage me, “At malayikat Ala apuri o Epetut kuwak eekwi inarum menggerak nogo nen apuri yoraawak nduk, yoriyak, yokkiri o. Neenggi abe'nggan paga laaluguragan 7 porogo logonet, ndi wuninogo pegak mbuti emas paga ogobakkigirik 7 inenggela'me nege minggirak an nogo nen

Wayu 2:24

Ndi, it ando o Tiyatira wonogwe nogo, kwe ti, oone inom, Tile eeke menggerak kote kumaarak yogo menggaarak wone nogo inom, it mugurok naga'lek mbo pereegwaarak me, an nen aaninggin mendek ambi inoba piyoorak mbarulik kwe,