Wayu 19:2 - Ala Wone Peenok Peebi Mbanak

² Kwe yawukak mondok iya eerit nage nogo nen, Ee'nabi woraanip o, ari kenok, Yi aap ndi aap abok aret eeppi unggwagak eekwi paga o nggween paga time maluk eerogo pege nagagerak nogo onggo kwe nogo oba kwippege, Ndi, kwe nogo nen kat kayeloman mini inooreegerak inane'me wake, Eekendak me, Kat kalik mondok obeelom irip-kunduk eerogo aakumi liirogon inowak loongge logonet, Kwe nogo owak loonogo maluk onggo eeppegendak me, Wa!” yinuk,

Wayu 19:2 ပူးပေါင်းရင်းမြစ်များ

2 Endagembogut 9:7

Ndi, Aliku ALA nen wone ambi ari logonet, Aap Yeku mippigirak me, at ogoba Akap inom, at paga wiganak inom, abok aret inoorogo piyaawak o. Ti eeke kenok, an nayeloman mini Ala nen yorage kagak yoraga inamiya wunabeegerak inom, Naliku ALA nayeloman mini kwe Iteben nen inooreegerak inom, Inamee'nggo abu aret waganggi, mba'nuk, niniki tayok yigin o.

Ndawi 19:9

Aap Kaliku ALA inagabiti mbakwi nogo ti, Kikak naka'lek abu obeelom aret me, Mondok-mondok aret logogin o. Alik eekwi niinok Kaliku ALA nen Onggo eeppinaniyak kawone yugu nogo ti, Ndak-ndak eeppinaniyak nduk wonage, A'me lik togon eeppinaniyak nduk wonage, Eeke menggerak.

Yetaya 25:1

Kaliku ALA wae. Kat nogoba Ala aret o. Yoraga'ndak mondok a'me liirogon eeke logonet, Eerubok mendek iya eeriyak maan aa'nduk nen koonogo pereegindak nogo muk aret eekendak me, Kalut eeke, kendage tiyappege, eeke agarik o.

Ndaniyen 7:26

Togop eerigin kwe, it aakumi inowak loongga nogo kwi'na'nuk, at owak loonggo logonet, at ayuk warak nen wone lengganogo yorage logowak nduk unde eeppereegerak amunggat nogo, nggoorogo waganggwi, abu'me piinok logowam nogo mondok lek aret eerogo pugwi, eerugun o.

Pelaareegerak 32:43

Togop aret yereegerak me, Ala nen at ayeloman mini inamee'nggo wagangge, Inom wim mbanak nen eeppiyareegwaarak inikime aberak nogo onggo inooke, At apuri inom, inanggween inom, obeelom eerogo piige, Eerigin me, Kit aakumi kinanebunu lombok yi wae. Kiniki ale'nggen nen at apuri kinom keyage wako logonip o.” yinuk, ndawi pereegerak, nogo ti aret.

Wayu 15:3

ndi, Ala ayeloman Muta endawi inom, Ndomba Aagaluk nogo endawi inom, wakwi, eeko logonet, “Komaawi lombok menggendak ninogoba Ala kat aret o. Kat eeke menggendak nogo ti, eerubok mendek mondok iya lombok eeke menggendak o. Yi aakumi ndi aakumi aa'nduk wonogogwaarak, yogondak wonogwe, peebi logogun abok inowe kendagembogut kat aret o. Kat eeke menggendak nogo ti, mondok a'me nggelok abe mban eeke menggendak o.

Wayu 18:20

Eekwi iigak, at oone yo'nege nogo ambinom yo'nege logonet, “Kat mbogut yi, wae. Kale'nggen mbake, Kit Ala apuri ake leenak inom, obeelom wone yoranet nugu nogogutak nappiigak inom, Ala nen yokkirage kagak yoraga inom, Kit abok aret kwe yawukak nogo pogom o Mbaben yi nen eeppinagage nagagerak nogo onggo Ala nen aret eeppege me, kiniki ale'nggen mbakwi, Eeko logonip o,” yinuk, ari naruk konenggirak.

Wayu 6:10

It nogo nen inoone nggwok yogo logonet, “Ninogoba Kaliku Ala wae. Kat kalik mondok nggwok alik leenak menggendak me, it aakumi o nggween paga wonogwe nen ninooreegwaarak ninamiya wambit nagagerak nogo, inowak loonogo ninane'me inooka'lek keegak, ne mande arigin o,” yinuk, yogo mbaka,