Wayu 19:1 - Ala Wone Peenok Peebi Mbanak

¹ Ti konengge nagarik, wonage me, o mbogut paga time aakumi ambik abu alik negen komaarak inoone nggwok ambugwi yogo mengga kwak yogo logonet, “Kat kalik komaawi ambik ninagap ndaka kendage mondok tiyanak, ninogoba Ala wa.

Wayu 19:1 ပူးပေါင်းရင်းမြစ်များ

1 Mbinineegwaarak 29:11

Kaliku nogoba ALA o. Mbogut-nggween unde wonage kat aret me, Yi aap ndi aap iigak, Kat mondok iya, komaawi ambik, Kendage tiyanak, kayuk warak, Aakumi nen wiigugo agaarik o. Kaliku nogoba ALA o. Yi aap ndi aap inabu'me piinok, Wonogo menggam tebenak iigak, Kat kabu'me piinok, Wonage menggenom abu tiyanak aret o. Yi mendek ndi mendek abok tebenak iigak, Kalik mban tiyanak inarum wonage o.

Ndawi 104:35

It aap maluk eeko menggaarak nogo perak, O nggween paga yime nen inenggaawak lek ogwe, It aap maluk eeka nogo ineebe lek ogwe, Eeko logowak o. Niniki yi wae. At Aliku ALA tiyappege logot o. Aliku ALA tiyappogo logowok o.

Ndawi 106:1

At Aliku ALA tiyappogo logowok o! At Aliku ALA obeelom mban menggerak me, “Wa,” yogo logonip o. Aakumi inabuwa nen iniki kunik aganake nogo ti, Lek ageelik mondok aret wonage menggerak o.

Ndawi 111:1

At Aliku ALA tiyappogo logowok o. Aakumi iniki abe koonak apit kuwak aago inenggela'me Niniki abu ambit eeppunuk, Aliku ALA, “Wa,” lombok yoge logogin o.

Ndawi 115:18

Aliku ALA alut eekwi ti, Nit nineenik wonogwe nen aret eekwi, O yogondak nen nok, peebi mondok-mondok at tiyappugwi, Eeko logogun o. At Aliku ALA tiyappogo logowok o.

Ndawi 146:1

At Aliku ALA tiyappogo logowok o. Niniki yi wae. Aliku ALA tiyappege logot o.

Ndawi 148:1

Aliku ALA tiyappogo logowok o. Kit mbogut paga monggotak nen Aliku ALA tiyappogo logonip o. Kit o abu tiyanak menggim wonogwe nen at tiyappugwi,

Ndawi 149:1

Aliku ALA tiyappogo logowok o. Aliku ALA ale'nggen kaawak nduk, Ndawi ngget pugu wakwi, Apuri ake leenak kuwak eerak inenggela'me nen at tiyappugwi, Eeko logowak o.

Ndawi 150:1

At Aliku ALA tiyappogo logowok o. Ala alik leenak menggim wonage me tiyappugwi, O mbogut eraanu at omaawi eerit nage menggim wonage me tiyappugwi,

Ndawi 3:8

Kaliku ALA ninagap ndari wage menggendak me, Kale'nggen kapuri ninoba pinanege logot o.

Ndawi 62:11

At Ala wone ne ambit ari kagak, An nen wone mbere ari konenggirak nogo ti, Ambi, “Ala wae. Kat mondok komaawi aret wonage,”

Yeremiya 51:48

It aap o maluk eerogo pega o omarip paga pa'nggwe nen wogo logomenggaarik, O Mbaben lek eerogo pugwi ti eyom mbogut inom, nggween inom, yi mendek ndi mendek it paga wonogwe nogo inom, abok aret nen, O Mbaben nogo lek aga o, yinuk, inale'nggen nen keekok yogo logogun o,” yinuk, Aliku ALA nen aret yegerak o.

Yunut 2:9

An perak, Wa! yokkege logonet, kake warogo wokkege, An ndogop eeke logogin o, yinuk, kumbuk mbanggirak nogo ndak-ndak aret eeke, Eerigin o. Ninagap ndaka nogo ti, Kaliku ALA kat aret o,” yinuk, tamban eereegerak.

Matiyut 6:13

Ninabut mbanuwak nduk, pinani nagun o. Ndi, at abu maluk mendek nogo nen maluk ee'ninake kero, ninagap ndaru o. (Kabu'me piinok menggenom arum wonage, Komaawi ambik lombok wonage, Kat mondok tiyanak wonage, Eerak menggendak me, Yogondak inom, peebi inom, lek arigin lek mondok-mondok aret logogin o. Amin.) yinuk, yogo logonip o.

Wayu 11:15

Yo'nege mbaki, nenegen wonage me, malayikat 6 inarompet oone eeko mbaka, ambi nogo nen arompet nogo oone eeke mbaki, it mbogut paga time nen inoone nggwok yogo logonet, “O nggween paga time aakumi inabu'me piinok menggam abok aret, at ninogoba inom, at leenogo mippereegerak Keritut inom, imbirak inoone konenggo logowok nduk, inabu'me ari waga o. Ari wogwe iinok, Keritut nogo nen inowe endagembogut logonet, mondok-mondok wone lengganogo yorage logogin o,” yinuk, yogwe iigirak.

Wayu 12:10

Mbelenogo wuppiya wogo mbaka, oone nggwok ambi mbogut paga nen ari logonet, “At Ala enggaanom paga ninoreewi Ala apuri ko'lu-kii'me pilit wone inoba piige menggerak nogo, muk wuppi wagaarak me, At Ala omaawi paga Tile tebenogo punuk, apuri inagap ndake, Ninogoba Ala nen it yi aakumi ndi aakumi abok at abu'me piige, Ndi, Kinowe endagembogut yi aret o, yinuk, leenogo pereegerak Keritut nogo, oone mban konenggwi, Eeke logorak eyom ari waga o.

Wayu 19:6

niyoraakut nggwok oonebu ari, o ngguurubu alik negen ari, it yi aakumi ndi aakumi ambik kuwak eerak ambugwi inoone nggwok yogwe, eeko mengga kwak, yogo logonet, “At Omaawi Lombok Menggerak ninogoba Ala nogo, Yi aap ndi aap inowe endagembogut logokit nduk, mi'nagagerak wonage me, Ninogoba Wa, yinuk, alut eeruwok o.