Wayu 18:21 - Ala Wone Peenok Peebi Mbanak

²¹ Konengge nagarik, nenegen neegak, malayikat alilaakwi ambi wage nagaarik, yugum nggwok gandum yigika nogo pogom waganogo niyo nggwok yenggenak me mbo wuppege logonet, “Nanini paga yugum mbo wuppigirak yi kwak, o Mbaben togop aret yigirik-noonom eerogo pege neenok, o ngga wurik wonagaarak negen kobak aret arigin o.

Wayu 18:21 ပူးပေါင်းရင်းမြစ်များ

Nekemiya 9:11

Kapuri wunda woraawak nduk, niyo mogonogo agi-ogu eerogo pereegindak kagak, nggween woloonak paga wunda wogwe iigak, it inambo'me muguret wogogwaarak nogo niyo omaawi ambik kagak yugum inikime mbo pegaatak yobok togon lek age menggi kwak, it togop aret eeginabeegindak o.

Ayup 20:8

Inabi kagaatak lek age menggi kwak, Ineebe togop aret ineenggi-iniyok lek, lek ogwe, Oonikiya inabinggaanggo kagaatak lek age kwak, It togop aret lek ogwe, Eekwi iinok,

Ndawi 37:36

Enggaawak lek agaarak kage nagarik, Kwaarit eekirak kwe, eebe kwaakkoolik o.

Wundeegwaarak 15:5

Yi yenggenak alobok ambik me yobok togon wanggwi, Yugum niyoome tabuk yi wangge menggi kwak, Tabuk yi wanggwi, Eekaarak o.

Yetikiyen 26:21

At wonage logorak kuli irip paga inamineeri ne agan noorak mendek eerogo pigin me, eebe lek aret kaagun o. Eebe kwaarit namenggaarak kwe, eebe mondok-mondok lek aret kaagun o,” yinuk, Aliku Itok Menggerak ALA nen aret yegerak me, kat o Tirut aret yokkigi o, yinuk, yoreegirak.

Ndaniyen 11:19

Ti'nuk, at aap nogo ena lagak ari logonet, at anggween unde logowam eegu kota-kota yugum pak wuremenggaarak at ineebi mbakwi nogo, Tebenogo piya naakit, yinuk, eerit wage me, at aret tebenogo pugwi iinok, at endage ambi yogo logogun lek o.

Wayu 10:1

Eekwi nogo iige nagarik, ti'nuk, malayikat alilaakwi ambi, ndugwi nogo ayum negen pirik-perek eerak mbogut paga nen wambi wage kagarak. Anobak paga liware negen nggare-nggare yirik logonet, etenggen ti, oonegen pogom, ndi, iyok ti, eyo yinik paga kani wunuk ari nogo pogom logonet,

Wayu 12:8

Nambuko logonet, it nen waalo nggwok nogo awuri inom tebenogo piigo nagaarik, “O mbogut paga yime logorak lek o,” yinuk,

Wayu 16:20

Wuppege kagak, niyo nggwok yenggenak nggween oolo kup mbanak inom, puut-puut inom, abok aret eenggi-iyok lek, lek age kagak,

Wayu 18:22

Kit o Mbaben monggotak yi, It aakumi inanebunu lombok abok aret iya kinombaruwak nduk, tili paganit nogo logonet, nomoniren nogwe, Ndi it Ala apuri alik leenak inom, Ala nen yorage kagak yoraga inom, nogo inamiya nunggwi, Yi aakumi ndi aakumi nggween paga menggaarak abok aret inoorogo piinok, inamiya nunggwi, Eekwi nogo, Ala nen kiyareegerak me, Mbuti luu'ngget inom, nggawiiwak luu'ngget inom, nggitat inom, oone nggwok eeka trompet inom, O kota time nen oone eerit nogwe konenggo nogotak nogo ambinom konenggwi, Yi aap ndi aap nen yi mendek ndi mendek ineenggi paalo eerogo patit nugwi, Gandum yigiko logonet, inale'nggen paga inoone agan nugwi, Kwe amili lako logonet, inale'nggen nen noone-koone yogwe, Eerit nogo logonet, inoone konenggwi, Eekwi nogo abok aret ambinom eerit nogo logogun mondok lek o. Ndi, o kota nggwok me, ndi ambik wunuk agan nage nagaarak nogo yogondak ambiriluk ambi wunuk agan nage kogo logogun mondok lek o,” yinuk, ari naruk konenggirak.

Wayu 20:11

Ti eekwi iige nagarik, wone lengganogo yorage menggim eyo nggwok ndoonak yanggwi lombok lan ari nogo paga aap ambi kwi'nage kagarak. Awo kwi'nage kagak, mbogut-nggween eenggi-iyok lek, lek age mbaki, ti'nuk, peebi obaane'me ari wage koolik mondok-mondok lek aret age kagarak.

Wayu 5:2

Kage neegak, malayikat alilaakwi ambi nen oone nggwok ari logonet, “Mbuku mbanak pirik-perek eerak yi, aap ta nen keele piinogo pekkoorak op o?”