Wayu 18:20 - Ala Wone Peenok Peebi Mbanak

²⁰ Eekwi iigak, at oone yo'nege nogo ambinom yo'nege logonet, “Kat mbogut yi, wae. Kale'nggen mbake, Kit Ala apuri ake leenak inom, obeelom wone yoranet nugu nogogutak nappiigak inom, Ala nen yokkirage kagak yoraga inom, Kit abok aret kwe yawukak nogo pogom o Mbaben yi nen eeppinagage nagagerak nogo onggo Ala nen aret eeppege me, kiniki ale'nggen mbakwi, Eeko logonip o,” yinuk, ari naruk konenggirak.

Wayu 18:20 ပူးပေါင်းရင်းမြစ်များ

Ndawi 107:42

Ti eeppiige mbareegi, aap iniki abe koonak nen Inigen pegiinok, inale'nggen mbakwi, Ndi, it aap maluk mendek abok aret inoone lek ogwe, Eereegwaarak.

Ndawi 109:28

It nen pulunogo panugwi iigak kwe, Kat kale'nggen noba panege, It nen nooriyak eekwi iigak kwe, Inenggali aruwak nduk eeppiige, Eeke keegak kwe, An kayeloman perak, nale'nggen mbake logogin o.

Ndawi 18:47

It an nookwi nogo onggo inooke, It aakumi inanebunu lombok nabu'me piya wage,

Ndawi 48:11

Eekaatak onggo ndak-ndak eeppiige paga Puut Tiyon nen ale'nggen mbake, O Yekura yi yaga'lelo ndi yaga'lelo Inale'nggen nen ndawi lubuk yogwe, Eeko agaarik o.

Ndawi 58:10

Aap iniki abe koonak nogo nen Maluk eeppiigaarak onggo eeppiige nogo inigen iigwi, It aap maluk mendek inamiya paga iniyok kookkologwe, Eeko logonet, Inale'nggen mbako logogun o.

Ndawi 94:1

Kaliku ALA wae. Maluk eekwi onggo eeppiiga kat Ala aret o. Maluk eekwi onggo eeppiiga Ala wae. Kin paga ari mok o.

Kini Wuppiige 11:10

It iniki abe koonak obeelom mban wonogwe paga o kota wonogwe abok aret inale'nggen mbakwi kwe, Aap maluk mendek kanggwi iinok, “Op kangga,” yinuk, inale'nggen nen keekok yogo menggaarak.

Yetaya 44:23

At Aliku ALA nen eerogo piigerak ti paga Kat mbogut yi wae. Kiniki ale'nggen nen ndawi wake, Kat nggween kiiniki yi wae. Kale'nggen nen keekok ari, Eeko logonip o. Aliku ALA nen it Yakup mendek wondet eerogo piige nagaarik, it Iterali mendek inigen kaawak nduk, Inenggela'me eeke nogo ti, Aliku ALA nen aret eeke me, Kit puut-puut inom, yi eyoongga ndi eyoongga inom, yi eyo ndi eyo inom, kit abok aret yi wae. Kiniki ale'nggen nggelok ari logonet, keekok piyanggogo logonip o.

Yetaya 49:13

Aliku ALA nen at apuri iniki eyak wappiige, At apuri aaninggin inoba wonogwe nogo inabuwa mbake, Eerigin me, Kat mbogut yi wae. Kale'nggen mbake, Kat nggween yi wae. Keekok piyanggage, Ndi, kit puut-puut yi wae. Kiniki ale'nggen nen ndawi lubuk yogwe, Eeko logonip o.

Epetut 2:20

O wuruwok nduk, o eyak aa'nduk wurabak kwak ti, Keritut Yetut aret o. Ndi, o eebe wurit laganggo logonet, abena pugu kwak ti, it nappiyareegerak mendek inom, it aap Ala wone yoraga mendek inom, nogo it aret. Ndi, ogumbaga pugwi kwak ti, nit abet mbareegurak Ala apuri nit nineebe aret o.

Epetut 3:5

Wone ti, it aakumi aa'nduk nda'narit wundi wogo nogogwaarak nogo, paganogo yoraga'lek aret wonagagerak kwe, yogondak perak, Ala nen at Aberiniki nappi wagagerak nogo paga nen it aap Ala ake leenak nappiigak inom, it aap Ala wone yoraga inom, abok aret ineenu eeppiyareegerak.

Epetut 4:11

At nogo nen it ando nappiigak logowak nduk unde eeppiige, ando Ala wone yorogo logowak nduk unde eeppiige, ando obeelom wone yi awi ndi awi ambime yoragak nugu logowak nduk unde eeppiige, ando o ambit me Ala apuri liirogon inarum logowak nduk, eeppiige, ndi, ando Ala wone mamunirogo logowak nduk eeppiige, eereegerak.

Pelaareegerak 32:42

Amburu ndonggok togon nenok kumili aganake menggi kwak, It aakumi inoorak inamiya inom, keele maarak inamiya inom, nomaale nen nengge kagak, Nobaloowi paga inoweewi wim wone mbangga inenggaanok mbanogo piige logogin o, yinuk, Nalik mondok neenik minggirak nen abet aret yagi o, yinuk, Yereegerak me, yokkiragi o.

2 Peterut 3:2

It maan aa'nduk Ala nen aap at oone yorogo logowak nduk, leenogo piyareegerak wone yorogo nogogwaarak nogo inom, ndi, ninagap ndaka ninowe nen, “Yogop eeko logowak o,” yinuk, it aap nappiigak mendek yorage kagak, yokkirogo nogogwaarak nogo inom, kit abeko logobagip nduk, liiru yi mbanggiragi o.

Yurat 1:17

Togop kwe, noreewi o. Kit an niniki kunik wonogwe me, wone ambi yokkira o. At ninowe Yetut Keritut nen nappiigak mendek agago mippiyareegerak nogo nen wone aa'nduk yokkirogo nogogwaarak nogo abeko logonip o.

Wayu 12:12

Kat mbogut inom, kit mbogut paga monggotak inom, kiniki ale'nggen mbako logonip o. It nggween paga wonogwe nogo inom, niyo nggwok yenggenak laut paga wonogwe nogo inom, nogo perak, Inenggela'me at Tile wuppi wagaarak nogo nen, An ne mbereeluk logonuk, nenggaawak lek arigin kagi, mba'nuk, Anini nen aakumi lale-pale eerogo piyaakit nduk, wambi nagaarak wonage me, inabuwa o,” yinuk, ari kagarak.

Wayu 18:6

O Mbaben nen kit aakumi eeppinagage nagagerak nogo, yogondak kit nen at onggo ndak-ndak eeppugwi, Ndi, o Mbaben nen kit maluk eerit nogo nogogutak onggo ne ambit paga maluk kinoba pinagareegerak kwe, Yogondak kit nen at maluk eeke onggo ne mbere paga at oba pugwi, Ndi, at kinom ogoorak wonage logonet, anini yi toolak kwak ne ambit kinoba kilirogo pinagareegerak kwe, Yogondak onggo kit kinanini at oba pogo logonet, ne mbere paga kilirogo pugwi, Eeko logonip o.

Wayu 6:10

It nogo nen inoone nggwok yogo logonet, “Ninogoba Kaliku Ala wae. Kat kalik mondok nggwok alik leenak menggendak me, it aakumi o nggween paga wonogwe nen ninooreegwaarak ninamiya wambit nagagerak nogo, inowak loonogo ninane'me inooka'lek keegak, ne mande arigin o,” yinuk, yogo mbaka,

Owak Loongga 5:31

Togop aret me, Kaliku nogoba ALA wae. Kawim togop aret lek eerugun kwe, Oonegen komeninuk lagi wage kenok, Ia! yinuk, pi wakwi kwak, Kat kinom kiniki kunik nogo, togop aret logowak o.” Yinuk, ndawi pege nagagerik, wonogwe iigak, o nogo abolok lek wonage kagak, tahun 40 aret eereegerak o.