Wayu 17:14 - Ala Wone Peenok Peebi Mbanak

¹⁴ Ndomba Aagaluk nogo tebenogo puwok nduk, inom wim nggagambunuk namburit namenggaarak kwe, Ndomba Aagaluk nogo ti, aakumi inoweewi inowe inom, ndi, yi aap ndi aap inendagembogut inowe endagembogut inom, ti, at alik aret me, apuri miirinake nagagerik, yonggo piyareegerak inom liirogon eerit nogwe nogo, inom wunggo logonet, nggeewo awuri inom tebenogo piyaagin o,” yinuk, yo'nege kagarak.

Wayu 17:14 ပူးပေါင်းရင်းမြစ်များ

Ndawi 110:5

Kogoba ti, kat keenggi abe'nggan paga wonage, At anini wungge eyom paga aap inendagembogut aan lebenogo piige,

Yeremiya 1:15

At Aliku ALA nen ari logonet, “An nen it yi aakumi ndi aakumi o omarip paga pa'nggwe wonogwe inabu'me piinok menggaarak abok aret inayonggo piyaakit nduk, eeke agarik o. Inayonggo piige neenok, wogo logomenggaarik, It wone lengganogo yorogo menggam inalitak lombok o Yerutalem tu unggwogo menggam ogobakkigirogo pit wogwe, O Yerutalem pak wurik eraanu endekem yendok-wandok ogobakkigirogo pugwi, O kota-kota Yekura wonogo menggam abok aret unde eekkolaawok nduk, eekwi, Eerugun o.

Yeremiya 1:19

It nen tebenogo pagawok nduk eeremenggaarak kwe, kat nimbirak wonage, ndi, an nen kagap ndake, eerigin me, tebenogo pagarak meek aret kaagun o,” yinuk, Aliku ALA nen yo'nereegerak o.

Yeremiya 50:44

Singa niyo Yoreran ndirok eyoongga ku'mbanak me nen wundi woraanuk, Ndomba anggenogo omaawi wurik kagak obaga mbo unggwage menggi kwak, An pilak ari logonet, it o Mbaben wonogwe nogo yini-panip wumbiyaagin o. Wumbiige logominggirik, aap ambi leenogo mippiminggirak wone lengganogo yorage logogin me, Ta nen an nimbirak ndak-ndak me, nimbirak wakkage, Kat ti, nonggop nduk eekendak o? yinuk, ta nen an yo'nege, Ndi, it ndomba ndegeninaka ambi ta nen an eeriyak mbake nogo non mbanogo pege, Eerigin mbakop? Mondok lek aret,” yegerak o.

Ndaniyen 2:44

It aap inendagembogut a'nuk wone lengganogo yorogwe ti eyom paga at mbogut unde menggerak Ala nen aap ambi aakumi abu'me piinok logowak nduk mondok-mondok omaawi lombok eerogo pigin me, aakumi nen lek eerogo pugwi, aakumi inambik nen unde eekkologwe, eerugun lek o. At abu'me piinok logowam mippemenggerak nogo nen it aakumi eegu inabu'me piinok menggam abok aret tebenogo piige, lek eerogo piige, eerigin kwe, at abu'me piinok logowam mippemenggerak ti perak, mondok aret logogin o.

Ndaniyen 2:47

Yorage mbareegi, at aap endagembogut nogo nen at Ndaniyen yoge logonet, “Wone nobarak yi, kin paga yo'negendak ti paga kat kogoba Ala ti, yi kugi ndi kugi tebenak iigak, at abu tiyanak lombok wonage, it aap inendagembogut inowe aret wonage, eeke logonet, wone abu nobarak mendek kin paga yorage menggerak ti abet aret kagi o,” yinuk, yoreegerak.

Ndaniyen 7:21

kage neegak, eyak ti nogo nen it Ala apuri alik leenak nogo inom wim eeke logonet, tebenogo piige me,

Takariya 2:8

At Omaawi Lombok Menggerak Aliku ALA nen yegerak nogo yi aret. “Aakumi nen it an napuri mbaaniigwi iinok, an nenegen aret ndaganggwi, yegerak me, at Abu Tiyanak Menggerak nogoba nen it yi aakumi ndi aakumi tebenogo pinagareegwaarak nogo, maluk eerogo piyaakit nduk, nappani wagaarak o.

Matiyut 22:14

Aakumi ambik inayonggo piige menggerak kwe, mbuuluk mban miirogo leeninake menggerak kagi o,” yinuk, yoragagerak.

Matiyut 25:40

Yo'nogo mbaremengga, an nendagembogut nogo nen it nogo yorage logonet, Lek o. Kit nen an nawuri maluk-malak eeginabeegutak nogo ti, an aret ee'nabeegutak o, yinuk, abet aret yokkiragi, yoraagin o.

Matiyut 28:18

Yetut nogo inowagam panggo yi wage nagagerik, yorage logonet, “Ala nen mbogut paga inom, nggween paga inom, an unde logokit nduk, awone abok aret kili'nereegerak me,

Yaya 15:16

Kit nen an mii'nabulik o. Ata, an nen aret kit miikkinake nagagirik, kit anggen ambik mondok logorak mendek yi'nogo logobagip nduk, leenogo pinagareegirak o. Ti eerit nugu logonet, Ti mendek wo'niraawak o, yinuk, an nendage kumbunuk nogoba nggino yogwi kiinok, at nen wokkiraagin aret o.

Oroma 1:6

Kit Oroma mendek togon at Yetut Keritut apuri arubagip nduk, miirogo pinagareegerak o.

Oroma 8:30

Nit nda'naga'lek niigak mii'ninake nagagerik, leenogo pinaneegerak nogo aret ninayonggo pereegerak. Ndi, ninayonggo pereegerak nogo aret obeelom agago pinaneegerak. Ndi, obeelom agago pinaneegerak nogo aret at ninom tiyappinaneegerak.

Oroma 8:37

Ti abok aret eeppinanit wogwe iigak, Keritut ninom kunik lombok wonogwe ti paga, inawim tebenogo piinok, ineegin tiyak ari ti, iya negen kwe, nit perak, waka'ngget mondok tiyanak aret wonogo ogoorik o.

1 Korindut 15:24

Mippinanege kenok, o age yobok paga ariyak nogo aret ari woraagin me, at Ala nen, “It ninom ogoorak wonogwe nogo tebenogo piiga'lek kagak, Keritut mban tiyanak logowak o,” yinuk, kooneegerak me, yi kugi ndi kugi inom, aap yo'nggok aakumi inarum menggaarak inom, inayuk warak menggaarak inom, it Ala inom ogoorak menggaarak mendek abok aret tebenogo piige logomenggerik, nit at Ala abu'me logowok nduk, at apuri ee'ninabeegerak nogo mban wo'niren Ala abu'me pinani nagin o.

Pelaareegerak 10:17

Ndi, at Aliku kinogoba Ala ti, yi kugi ndi kugi at obaane'me punuk, alut eekwi nogo abok aret at abu'me iigak, at Ala alik aret irimbaga wonage o. Ndi, yi aap ndi aap yo'nggok tebenak iigak, at Aliku ALA alik tiyanak aret wonage o. At mondok tiyanak omaawi ambik mondok iya lombok me, at ambi iya, ambi meek mbake, ndi, at ambi eeppinanuwak nduk, wu wogogwi iinok wagangge, eekeelik o.

1 Timotiyut 6:15

Ala nen ninowe Yetut Keritut, “Ndiyom paga kin eeppi woroorak,” koonogo pereegerak nogo ndak-ndak aret kin eeppi woraagin o. Nit alut eeko monggoorak mondok alik omaawi menggerak ti, Ala aret o. Aakumi inoweewi inogoba at aret. Yi aap ndi aap inendage warak inowe endagembogut ti, at mban aret o.

2 Timotiyut 2:4

Aap ambi nen, “Nowe wim mamunnegerak inikilom nombaruwak o,” yinuk, yi mendek ndi mendek eeriyak mbo punuk, wim eeriyak mban iniki lunik logonet eerit nage menggerak nogo o.

1 Peterut 2:9

kit perak, o apit me wonogwe nogo mbo punuk, o eya iya lombok kenok, aakumi nen, “Wi!” ugo menggam nogome logobagip nduk, Ala nen kinayonggo pereegerak nogo at eeke menggerak mendek paganogo yorogo logobagip nduk, “Kit an mendek aret o,” yinuk, miirogo pinagage, “Kinendagembogut logonet, an neebe unde logorak kit aret o,” yinuk, mippinagage, “Kit an napuri maluk eeka'lek nake leenak logomunggup o,” yinuk, leenogo pinagage, ndi, “Kit an napuri lombok aret o,” yinuk, eekkinake, eereegerak o.

Wayu 11:7

Kage mbaki, at wone yo'nege nogo nen ambinom yo'nege logonet, “Wone yorogo logowak nduk, nappiyamenggerak nogo age yobok togon yorogo mbaremengga, nggwiya nggwok lombok Kambunuk Nogo Menggam mbuun ambena nen lagi wage logomenggerik, aap ineebe mbere nogo nggugiraanet muguren nage logonet, nibininake kenok, kanggo mbaremengga,

Wayu 16:14

It inambeme nen wundi wagaarak nogo ti, kugi Tile awuri aret me, At Omaawi Lombok Menggerak Ala mondok iya eeppiyoorak eyom nogo paga it yi aap ndi aap inendagembogut o nggween paga menggaarak abok aret at Ala nogo inom wim namburiyak kuwak eeri woraawak nduk, it ogolem pogom nogo nen yonggo nogo logonet, aakumi abet mbaruwak nduk, eerubok mendek eerit nogwe iigirak.

Wayu 2:10

Togop eeppiigwi iigak kwe, it Ala apuri eeppiyoorak koonak wonage nogo ti, lek aga'lek awo aret wonage me, inagabiti mbakwi iyo, apuri yoraawak nduk, yoriyak, yokkigi o. Tile nen ari logonet, An aaninggin-paaninggin inoba piige neenok, nonggop eekwi iyaamun? yinuk, inabut mbanikit nduk, aakumi iniki nggagangge mbaremenggi, it Ala apuri o Timirina ineebe keele maarogo o mbuuluk me mambiyamenggaarak wonogwe iigak, nogo aap ambit eenggi aret yugun o. It nogo nen, Eeppinanugwi iigak, kambi noorak kuli ariyak op aret o, yinuk, mondok inogogumbuk logonet, waganggwi iinok, mondok-mondok ineenik logorak mendek nggare-nggare mendaarak nogo yippiyaagin o.

Wayu 2:13

it an napuri o Peragamut time nggeeme wonogwe nogo an neenu o. It Ibilit oone konenggo menggam inenggela'me inom time aret menggaarak kwe, naput ambi noone liirogon woppunuk ko'lu-kii'me yoranet nege nagagerak Andipat nogo, it inenggela'me Tile wonage menggim inagota time aret wako mbareegwa, it iniki abet mba'nuk, an noone waganeegwaarak nogo, Mugurok noorak nineebi o, yinuk, yuurak kwe, kagak, Lek o. Nit ninowe Keritut aret me, at oone waganggoorak nogo ti, mondok aret porogo logowok o, yinuk, yogwe iigirak o.

Wayu 3:21

Ndi, it an noone mbo pega'lek mondok nu'lek porogo logonet mugurok nogwe iinok, an nogoba yo'nereegerak nogo abu worok togon eeppunuk, at wone lengganogo yorage menggim nimbirak kwi'ndak wonage nogo ndak-ndak, it kunduk an noone lengganogo yorage minggim ninom kwi'ndak logowok nduk, Neya woraanip o, yinuk, yoraagin o.