Wayu 16:2 - Ala Wone Peenok Peebi Mbanak

² Yorage mbaki, at malayikat ambi nen Ala anini arologowa'na toolak nogo, wonok nggween paga kilirogo wuppege mbaki, it aakumi nggeewo endage inenggaawak paga liiru mbanak wonogwe nogo inom, at ogut wakkagak ogobakkigirik alut eekwi nogo inom, abok aret inawin maaluget inoba nik ari mbaki, aakumi nen ogole ambik yogwe iigirak.

Wayu 16:2 ပူးပေါင်းရင်းမြစ်များ

2 Mbinineegwaarak 21:15

kat kalik kaanagale andi eekkabigin me, Naanagale andi o. Naanagale andi o, mban ari logonet, kaanagale kiluk togon aret keebe kambumunggun o,” yinuk, yoreegerak nogo liiru eebe mbanak ti aret.

2 Mbinineegwaarak 21:18

Nogwe iigak, Aliku ALA nen at Yekoram nogo aanagale andi lek ariyak lek nogo mendek yagan wake logowak nduk andi oba kwippereegerak

Ndawi 78:26

Oonegen lagi wage menggim pa'nggwe mbogut paga nen Wiya nabuninuk woraawak nduk teppege, At omaawi lombok paga wiya o ame pa'nggwe nen nappi wage,

Yetaya 3:17

Inogoba an Ala nen it kumi Tiyon mendek inanobak paga yigani telek eerogo piige, Naliku ALA nen inerali mbanogo piige, Eerigin,” yegerak o.

Yetaya 3:24

Obari abe eeka inoba aago nogo lek age kagak inanggoloppari ndi wuke, Inambilak inomarip paga eerak obaane'me tali akun mbanak yirik nugwi, Ineeruwak mbinuk-mbenak eerak obaane'me inanobak puluk ko aago nugwi, Inambogoyum kigirikwe yirik nogo obaane'me inayum nibinik maluk mendek yirippunuk nugwi, Kumi inete kigirikwe obaane'me inete maluk aremenggerak inenggali mbakak nugwi, Eeko logogun o.

Nappiigak 12:23

Keekok piyanggogo mbareegwa, at nen Ala wogoppuulik, “An iya neenok, yaga,” yinuk, wogoppake mbareegi, Ala yonggo nappiya wage menggerak malayikat ambi abera'lek me wage nagagerik, warogo nggimbereegerak. Warogo nggimbege mbareegi, puuron nen inikime nggebenogo nunggwi iigak, kambeegerak.

Pelaareegerak 28:27

At Aliku ALA nen aakumi Metit mendek inagabolo paga piirik-kunik eeginabeegerak nogo mendek eekkinake, yigani kunogo pinagage, kinawin kinamok kila eerogo pinagage, kinagabolo paga kineenggabit nggibi-nggibi eeko logobagip nduk ane'nep eerogo pinagage, eerogo pinagaremenggerak me, lek aga'lek itok kundugu tit logogin o.

Pelaareegerak 28:35

At Aliku ALA nen piirik-kunik lek ariyak lek nogo mendek kiniyok ogut paga nen kinambulok paga nugwa agi kinanobak kirin paga eerogo pinagagin o.

Pelaareegerak 7:15

Ndi, at Aliku ALA nen kit andi-pandi abok aret kinoba age kero, lek eerogo pege logogin o. Andi abu maluk at ambi oba agak eeke menggerak o Metit paga eeppiige kinigen kogogutak nogo mendek ambi kit kinoba pinagagin lek kwe, it aakumi ineebi kinombako menggaarak nogo perak, inoba piige logogin o.

Wayu 13:12

Nggeewo aa'nduk niyo yenggenak me nen lagi wagaarak awone kiliregerak nogo li'luk eerogo wagangge nagaarik, it aakumi nggween paga wonogwe abok aret yorage logonet, “Kit nen nggeewo aa'nduk lagi wagaarak anobak ambi wako mbaka, kambuurak nduk eekerak kwe, lek agaarak nogo mban alut eeko logonip o,” yinuk, oone omaawi paga nabek togon yorage kagarak.

Wayu 14:16

yoge mbaki, at ndugwi paga kwi'ndak wonage nogo nen abaloowi yomonak nogo paga o nggween paga time anggen yugu abu kole agaarak nogo, abok aret mbani wangge kagarak.

Wayu 14:9

It malayikat mbere nogo wone ti, yorogo mbaka, alik ambi wage nagaarik, oone nggwok paga ari logonet, “It aakumi nen nggeewo nogo inom, at ogut wakkagak kugiwak ogobakkigirik nogo inom, inalut eeko logonet, it inapuri yelok logowak nduk, ineenggi paga ilik, inenggaawak paga a, nggeewo endage liiru mbanak wonage kenok,

Wayu 16:1

Ti eeke kage nagarik, Ala awi wurik me nen oone nggwok ambi it malayikat ineebe 7 nogo yorage logonet, “Ala anini togolowak 7 paga toolak ti, wonok, aakumi nggween paga wonogwe ti, inoba kilirogo wuppiya nanip o,” yinuk, yorage konenggirak.

Wayu 8:7

Oone nggwok eeka trompet porogo wonogwe nogo, ambi aa'nduk arompet oone eeke mbaki, mayu kumulinggen inom, kani inom, amiya inom, nenggelak-kenggelak eerogo punuk, o nggween paga mbo wuppit wage mbaki, nggween inom, eyo inom, ando mogonogo teppunuk, ando mogonogo sepertiga nogo kani nengge logonet, iri'ngga-kale'ngga ki wonage nogo tigitogon nenet nage kagarak.

1 Tamuwen 5:6

Ndi, at Aliku ALA nen aakumi Atorot mendek inom, inawi inaagan-ambokan wonogwe nogome inom, abok aret aaninggin inoba piige logonet, inawin ineebe paga piirik-kunik eerogo piige, inawi paga maluk mendek eerogo pege, eeke nagagerak.

1 Tamuwen 5:9

Pi nogo mbareegwa, at Aliku ALA nen aakumi o Nggat mendek aaninggin-paaninggin inoba piige logonet, wologwe-mbuulogwe nen nok, aap koleewak kuli, inawin piirik-kunik eerogo piyareegerak paga it aakumi time mendek nen, “Nano nen ee'ninake, ia!” yinuk, noone-koone agan nogo nogogwaarak.