Wayu 16:1 - Ala Wone Peenok Peebi Mbanak

¹ Ti eeke kage nagarik, Ala awi wurik me nen oone nggwok ambi it malayikat ineebe 7 nogo yorage logonet, “Ala anini togolowak 7 paga toolak ti, wonok, aakumi nggween paga wonogwe ti, inoba kilirogo wuppiya nanip o,” yinuk, yorage konenggirak.

Wayu 16:1 ပူးပေါင်းရင်းမြစ်များ

Ndawi 79:6

Yi aakumi ndi aakumi nen kat liippagagwi, Yi aap ndi aap inabu'me piinok menggaarak nen, “Ninogoba Ala aret o,” yinuk, kendage tiyappugwi, Eekulik nogo nen Nit Yakup paga wiganak inambeme yonggo'ninakwi, Nit wonogo monggom o wogo logowak nduk, ninawi kani mbilak-mbalak eerogo pugwi, Eekaarak me, Kat kanini it aap ti, inoba kwippiyet o.

Yeremiya 10:25

It yi aakumi ndi aakumi nen Yakup paga wiganak nogo inambeme yonggorinakwi, Ineebe mondok lek eerogo inambeme yonggorinabit nogwe, Inawi alom lek eerogo pugwi, Eereegwaarak me, It yi aakumi ndi aakumi, Ninogoba Ala aret o, yinuk, yogolik nogo inom, It aakumi inanebunu lombok kendage kunogo yogolik nogo inom, kanini inoba piige logot o.

Yetikiyen 10:2

Kage neegak, Aliku ALA nen aap ayum abu yawenak yirik nogo yoge logonet, “It malayikat negen kerub iniyok pugume wuru iyok kwak perek-parek naga wonogwe inenggela'me time unggunuk, it kerub wonogwe me time kani anggen kere ari keenggime kabelogo wagangge logomenggendik, o kota ti paga yumbunogo wuppit nak o.” Yoge mbareegi, nenegen neegak, yogim time unggwi nage kagagirak.

Yetikiyen 22:31

Lek aret kagagirak me, nanini nggwik togon it inoba piige, nanini kani kunik negen eeke logonet ineebe lek eerogo piige, eeke logonet, eerit nugu nogogwaarak onggo inoba lombok kwippiyaagin o,” yinuk, Aliku Itok Menggerak ALA nen aret yo'negerak me, yokkiragi o, yoragagirak.

Tepaniya 3:8

Aliku ALA nen ari logonet, “Togop eekwi me, an nen yi aakumi ndi aakumi abok aret kuwak eerogo piya wage, It aakumi inabu'me piinok menggam nen kuwak eerogo piya wage, Eeppiinok, Nanini inoba piige, An nanini kani kunik negen eeppiige, Eeriyak koonogo pereegirak nogo eeke logonet, An mban mu'neren woraawak lak, it alik mugurok nogwe yi, neebi a, yinuk, Aakumi o nggween paga wonogwe abok aret nanini kani wunuk ari kwak ineebe pup eerogo nawak nduk, eeppiyaagin me, An mi'nage logominggirik, Kit togop eekwi kiigirak o, yinuk, yoroorak eyom ari woraawak nduk, to'neego logowak o.

Wayu 11:19

Yogo mbaka, Ala awi wurik mbogut paga nogome tu paa'nage mbaki, Ala aloobut mbanak wone yoragagerak liiru mbanak yonggolak wonage nogo, kin ari wage kage neegak, o yabok eeke, ngguurubu ari, mi nuk ari, mayu kumulinggen mondok lubu-lubu wangge, eeke kagarak o.

Wayu 14:15

Kage mbaki, ti'nuk, malayikat alik ambi Ala awi wurik me nen wundi wage nagaarik, oone nggwok paga at ndugwi paga kwi'ndak wonage nogo yoge logonet, “O nggween paga ogu time anggen yugu abu kole agaarak mbaniyak eyom agaarak me, kobaloowi woppunuk, mbet-mbet mbani wambu o,” yinuk,

Wayu 14:18

Ti'nuk, malayikat alik ambi Ala ake warogo kani kungge menggerak unde nogo kani kungge menggim nogome nen wundi wage nagaarik, at malayikat obaloowi yomonak ngget ambik aa'nduk eenggime wundi wagaarak nogo, yoge logonet, “O nggween paga ogu time anggur anggen yugu nogo, abu kole agaarak me, kobaloowi ngget ambik ti paga mbanogo yonggoli wambu o,” yinuk,

Wayu 15:1

Ti'nuk, peebi mbogut paga time inagabiti warak mondok iya tam warak negen eeke kage logonet, malayikat ineebe 7 nen irip paga aakumi andi aganabuwak nduk, kugi alom 7 unde wonogwe iigirak. It malayikat 7 yi nen aakumi andi aganabuwak nduk, kugi 7 nogo inoba piya woramenggaarak andi aganabit nogwe iinok, Ala anini mbake nogo lek age logomenggerik, iniki yanggo yigin me, irip paga eeppiyoorak nogo unde wonogwe iigirak.

Wayu 16:17

Malayikat ineebe 6 nogo nen Ala anini inarologowa'na toolak nogo abu kilirogo wuppogo mbaka, ambi nen arologowa'na toolak nogo o oolo yayi kilirogo wuppege mbaki, Ala wone lengganogo yorage menggim Ala awi wurik me nen oone nggwok ambi ari logonet, “Abu age yobok togon aret eeki o,” yinuk, ari kagarak.

1 Tamuwen 15:18

Amburu eerogo mippagago mbareegwa, Aliku ALA nen kat yokkege logonet, It aakumi Amalek inobaabut maluk mendek ti, kinom wim nambuke logonet, ineebe mondok pup eerogo inoori nak o, yinuk, nappagagerak nogo lek a?

1 Tamuwen 15:3

it Amalek mendek tebenogo piinok, inamindik-inamendek wonage nogo, abok aret yigirik-noonom eerogo punuk, aap inom, kumi inom, inapurilogwe inom, awo ngget ndarak inom, inaanggumi tapi-ndomba inom, unta-keledai inom, ambiriluk ambi teppuurak lek tigitogon aret inoorogo piyaawak, yegerak o.”