Wayu 14:7 - Ala Wone Peenok Peebi Mbanak

⁷ ari nagaarik, “Mbogut inom, nggween inom, niyo nggwok yenggenak laut inom, niyo eneeri wundit nage menggim inom, at Ala nen mban wakkagagerak me, yogondak Ala nen kinowak loongginaburak eyom abu koorok panggo yegerak me, kinagabiti nen at Ala mban ayuk wuko logonet, at abu'me tebe yinuk, endage tiyappogo logonip o,” yinuk, oone nggwok paga agan nage kagarak.

Wayu 14:7 ပူးပေါင်းရင်းမြစ်များ

Wakkagagerak 22:12

Yoge mbareegi, at Ala yonggo malayikat nogo nen, “Wulaga ti warugun o. Kaput ambolom ambit aret kwe, ili yuulik an nake mondok nggaruk togon aret wo'negendak ti paga kat abet aret Ala kagabiti mbake keegirak me, kaput ti, oba andi-pandi eeppugun o,” yinuk, yoreegerak.

Nekemiya 9:6

Kaliku ALA kalik aret menggendak o. Kat nen mbogut inom, mbogut ta'mbanak irimbaga inom, laaluguragan abinak kwindagala eeke nogo inom, o nggween inom, yi mendek ndi mendek nggween paga wonage inom, niyo yenggenak laut inom, niyo yenggenak laut inikime menggaarak inom, abok aret ogobakkigirogo pit nagagindak o. Yi mendek ndi mendek abok aret ki logowak nduk, eerogo piige, nit aakumi nineenik logowok nduk, eerogo pinanege, eeke menggendak me, it mbogut paga menggaarak abok aret inendobanggun yindumbunuk kalut eeko menggaarak o.

Ndawi 115:15

Mbogut-nggween wakkagagerak Aliku ALA nen ale'nggen kinoba pinagage, Eeke logowak o.

Ndawi 124:8

Mbogut-nggween wakkagagerak Aliku ALA endage kunogo yogwi niinok, At nen yeenggwa nirage menggerak o.

Ndawi 33:6

At Aliku ALA oone ari kagak, Mbogut-nggween aret age, At ambe aagi wungge kagak, Laaluguragan ninggirogo piinet nage,

Ndawi 36:1

It maluk eeka nen maluk eerit nugwi nogo o. Ninikime lombok menggerak nogo Ambi yuurak mbakirak me, mbininogo yi o. It aap maluk eeka nogo ti, Ala inagabiti mbakwi ambi mondok lek aret o.

Ndawi 89:7

It kapuri alik leenak kuwak aago nen kat kayuk ambik wukwi, Kenaagan-ambokan wonogwe nogo nen iya kombakwi kwe, Kat keenok, “Mondok iya,” yinuk, Inagabiti lombok kombakwi, Eeko menggaarak o.

Ndawi 95:5

Niyo nggwok yenggenak laut nogo ti, At aret wakkagagerak me, at aret unde wonage, Ndi, nggween kunduk, at eenggi paga ogobakkigirogo pereegerak me, at nen koonogo pege, Eeke menggerak o.

Wundeegwaarak 20:11

Naliku an ALA nen mbogut-nggween inom, niyo inom, yi mendek ndi mendek abok aret wakkage neegak, ne 6 wonagagirik, ko'lu paga yonggonggolagagirak me, ko'lu ti, Naliku ALA nale'nggen mbake logonet, nake leenogo pateegirak o.

Yetaya 40:3

At ambi kuum ari logonet, “Karume aakumi lek me Aliku ALA woroorak aru koonogo yakwi, Karume aakumi lek me ninogoba Ala woroorak aru nggwok koonogo yakwi,

Yetaya 40:6

At ambi nen oone ari logonet, “Koone nggwok yu o!” Ari mbaki, an nen, “Noone nggwok paga ngge yoraagin?” ari mbaki, “Aakumi abok aret ti, iri'ngga kwak aret wonogwe, Ndi, aakumi iya inombakwi nogo ti, iri'ngga karume mili lagangge nagaatik, ti'nuk, mbuk age menggi kwak wonogwe, Eerak aret menggaarak o.

Yetaya 40:9

Wone obeelom wone wonok nega kit Tiyon mendek yi wae. Puut nggorek paga lagi nogwe, Wone obeelom wone wonok nega kit Yerutalem mendek yi wae. Kinoone mondok omaawi yorogwe, Kinagabiti mbaka'lek kuum-keek yorogwe, “Kinogoba Ala ti kaanip o,” yinuk, it kota-kota Yekura wonogwe nogo yorogwe, Eeko logonip o.

Yetaya 42:12

It o irip-irip nggween ku'mbanak me wonogwe nogo abok aret Aliku ALA endage tiyappugwi, It wonogo menggam nogome Aliku ALA endage tiyanak me, yoranet nugwi, Eeko logowak o.

Yetaya 44:23

At Aliku ALA nen eerogo piigerak ti paga Kat mbogut yi wae. Kiniki ale'nggen nen ndawi wake, Kat nggween kiiniki yi wae. Kale'nggen nen keekok ari, Eeko logonip o. Aliku ALA nen it Yakup mendek wondet eerogo piige nagaarik, it Iterali mendek inigen kaawak nduk, Inenggela'me eeke nogo ti, Aliku ALA nen aret eeke me, Kit puut-puut inom, yi eyoongga ndi eyoongga inom, yi eyo ndi eyo inom, kit abok aret yi wae. Kiniki ale'nggen nggelok ari logonet, keekok piyanggogo logonip o.

Yetaya 58:1

At Aliku ALA nen ari logonet, “Eeppiyoorak wone yokkege yi, koone mbuuluk paga ari mage o. Ata, koone mondok nggwok paga ari, Oone nggwok eeka trompet oone eeke menggi kwak koone ari, Aliku ALA nen yokkirage nogo, Eeriyak nineebi, yogwe ti, nonggop nduk yogwe o? yinuk, an napuri yorage, Kit maluk ndogop aret eeko ogotik o, yinuk, it Yakup paga wiganak nogo yorage, Eeke logot o.

Yeremiya 10:10

Kaliku ALA perak, kalik Ala aret! Kat kanggeelik mondok keenik wonage, Kendagembogut kitok mondok wonage, Eeke menggendak o. Kanini mbake keenok, nggween yi nuk-nuk ari, Kanini yi aakumi ndi aakumi inoba piige keenok, ko wappunuk, wonaga'lek iniki ma'nogwe, Eeko menggaarak.

Yetikiyen 7:2

“Aakumi nen ndarak yi wae. Naliku Nitok Minggirak an ALA nen it Iterali inanggween yoriyak nogo yi aret. Age yobok yi waga o. Inanggween irip agi-ogu, aru-ogwe, eeppuurak nogo muk panggoni waga o.

Yetikiyen 7:6

It eeppiyoorak eyom ari wage, it eeppiyoorak eyom panggoni wage, it tebenogo piyoorak eyom muk kin age, abu aret wage, eekerak o.

Ndaniyen 8:19

Mippanege nagagerik, an yo'nege logonet, “Kabi kagandak nogo ti, age yobok eeriyak koonak nogo aret kagandak me, peebi Ala anini nen eeppiyoorak eyom paga eeriyak nogo yokkiri o.

Oteya 8:1

“Yi punu eeke kagi, mbaruwak nduk, oone nggwok eeka trompet nogo oone pu eeruwak o. It an napuri eeriyak wone ninom abuk nggaruk togon koonogo pereegirak nogo taganogo mbo pugwi, Eeko logorak wone nogo eeriyak ineebi mbakwi, Eereegwaarak me, Towe nggindooni wiga agan Naliku ALA nawi wurik paga nari wagaarak wonage agaarik o.

Maleyaki 2:2

It nen wone an yorage yi, konenggwi, ndi, Endage tiyappogo logonet, ayuk wuko logowok o, yinuk, koonggwi, eekwi lek iinok, it an neebe unde menggaarak nogo pulunogo piige, nale'nggen paga wogorage neenok, waganggwi nogo, non mbanogo pege, eerigin o. It nen, At Aliku ninogoba Ala endage tiyappogo logonet, ayuk wuko logowok o, yinuk, iniki nggaruk togon koongga'lek me, muk pulunik aret agaarik o,” yinuk, at Omaawi Lombok Menggerak Aliku ALA nen aret yegerak me, kit at eebe unde nogo aret yokkiragi o.

Matiyut 25:13

Yorage nagagerik, at Yetut nen, “O ndi eyom paga woroorak inom, oonegen mande paga woroorak inom, nogo kit kineenggo'lek me, kiniki tum wako logonip o,” yinuk, yoragagerak.

Lukat 17:18

It ando nogo lek aap nggiru yi mban Ala endage wogoppuurak nduk, iyok paga yungguninuk wagaarak ya?”

Nappiigak 14:15

“Wologo wae. Nit kit kokwak abe aakumi aret me, kit nonggop nduk yogop eeko ogotik? Kit yi eekak ndi eekak aanom warogo eeko monggotak yi, mbo punuk, at mbogut inom, nggween inom, yi nggwok yenggenak laut inom, yi mendek ndi mendek abok wakkagagerak Ala eenik menggerak nogo wone waabagip nduk, obeelom wone wonok yokkira wogoorak kagak kwe, eeko ogotik o.

Yotuwa 7:19

Oba age mbareegi, at Yotuwa nen at Akan nogo yoge logonet, “Kat eekendak nogo kumaapporogo logorak ti abu mage o. Ata, at Aliku Iterali inogoba Ala enggaanom paga ayuk wuke logonet, kat eekendak nogo paganogo yo'niru o, naput.”

1 Peterut 4:7

O age yobok paga eeriyak abu koorok panggo yi wagaarak me, tamban eeko logobagip nduk, kiniki kwi'ndak nu'lek logonet, kinagaket paga logonip o.

Wayu 11:13

Awo pi wogonakwi iigak, mi nggwok nuk-nuk eeke kagak, o kota time aakumi inawi ambik wurik nogo ando teppege, ando sepersepuluh langgu-langgu nage, eeke logonet, aakumi apit ineebe tujuh ribu aret aambeleninake mbaki, it ando teppiigerak nogo inagabiti nen at mbogut paga menggerak Ala nogo mondok tiyappugwi iigirak.

Wayu 11:18

Yi aakumi ndi aakumi abok inanini kombako logonet, At ninowe endagembogut logorak nineebi o, yinuk, agan nogwe nogo, Kanini inoba piige, it kambit nogogwaarak nogo inawone amburu mbanogo inowak loonogo piige, It kayeloman mini yorage keegak yoraga inom, kapuri kake leenak nogo inom, it kayuk wuko menggaarak inom, inendage lek inendage warak abok aret obeelom eekwi iinok onggo wogorage, Ndi, it o nggween paga time maluk eerogo pugwi nogo pup eerogo piige, Eeriyak eyom abu panggo yi wagaarak me, wa,” yinuk, yogwi iigirak.

Wayu 15:4

Ninogoba o. It taani nen kayuk wukwi, kendage tiyappagagwi, eeka'lek logogun mbaken? Lek aret o. Kat maluk eekeelik kalik leenak obeelom mban menggendak o. Kat mondok a'me nggelok mban inowak loongge menggendak ineenu me, It aakumi inanebunu lombok abok aret kowagam tebe yi wogo logomenggaarik, kalut eeko logogun o,” yinuk, ndawi wakwi iigirak.

Wayu 16:9

Eeppege mbaki, aakumi yaganinabit nage kenok, it nen yogo logonet, “Andi-pandi yogobi eeppinanege me, ninomaluk mbo punuk, Ala endage tiyappogo logowok o,” yinuk, yuurak op aret kwe, kagak, inomaluk iniki kundugu patogo logonet, at andi-pandi eeppiiga unde menggerak Ala nogo endage miyuk-meya eerogo pit nogwe iigirak.

Wayu 18:19

wun inanobak paga yumbunogo wuppako logonet, “O kota nggwok abe menggendak yi, kabuwa o. Aakumi inanebunu lombok abok aret inamindik-inamendek yi awi ndi awi nen yiiro paga wonok wogwe iinok, Kunggologo logonet, ineenggi warak eeppiige nagandak kwe, Ne ambit 1 jam paga aret lek agandak me, kabuwa o,” yinuk, ale yogwe, aleenggu maakwi, eekwi iigirak.

Wayu 19:5

Yogwi naruk konengge nagarik, wonage me, wone lengganogo yorage menggim nen oone ambi ari logonet, “Kit Ala ayeloman mini nen at ayuk wuko monggotak kinendage warak inom, kinendage lek inom, abok aret ninogoba Ala mban alut eeko logonip o,” yinuk, ari mbaki,

Wayu 4:9

at mondok-mondok eenik menggerak wone lengganogo yorage menggim kwi'ndak wonage nogo, “Wa,” yinuk, alut eekwi, endage tiyappugwi, eekwi iigak,

Wayu 8:10

Malayikat mbere oone nggwok eeka inarompet nogo, oone eeko mbaka, ti'nuk, at ambi nen arompet oone eeke kagak, laaluguragan nggwok ambi ndi wunuk ari nogo pogom mbogut paga nen wunuk agan wambi wage nagaarik, niyo nage inom, eneeri wungge menggim inom, abok aret ando mogonogo teppege logonet, ando sepertiga nogo ale eerogo pit nage kagarak.