Wayu 14:17 - Ala Wone Peenok Peebi Mbanak

¹⁷ Wangge mbaki, mbogut paga Ala awi wurik nogome nen malayikat alik ambi wundi wage nagaarik, at kunduk, paloowi yomonak ngget ambik eenggime wonage kagarak.

Wayu 14:17 ပူးပေါင်းရင်းမြစ်များ

Wayu 11:19

Yogo mbaka, Ala awi wurik mbogut paga nogome tu paa'nage mbaki, Ala aloobut mbanak wone yoragagerak liiru mbanak yonggolak wonage nogo, kin ari wage kage neegak, o yabok eeke, ngguurubu ari, mi nuk ari, mayu kumulinggen mondok lubu-lubu wangge, eeke kagarak o.

Wayu 14:16

yoge mbaki, at ndugwi paga kwi'ndak wonage nogo nen abaloowi yomonak nogo paga o nggween paga time anggen yugu abu kole agaarak nogo, abok aret mbani wangge kagarak.

Wayu 14:18

Ti'nuk, malayikat alik ambi Ala ake warogo kani kungge menggerak unde nogo kani kungge menggim nogome nen wundi wage nagaarik, at malayikat obaloowi yomonak ngget ambik aa'nduk eenggime wundi wagaarak nogo, yoge logonet, “O nggween paga ogu time anggur anggen yugu nogo, abu kole agaarak me, kobaloowi ngget ambik ti paga mbanogo yonggoli wambu o,” yinuk,

Wayu 16:1

Ti eeke kage nagarik, Ala awi wurik me nen oone nggwok ambi it malayikat ineebe 7 nogo yorage logonet, “Ala anini togolowak 7 paga toolak ti, wonok, aakumi nggween paga wonogwe ti, inoba kilirogo wuppiya nanip o,” yinuk, yorage konenggirak.

Wayu 16:17

Malayikat ineebe 6 nogo nen Ala anini inarologowa'na toolak nogo abu kilirogo wuppogo mbaka, ambi nen arologowa'na toolak nogo o oolo yayi kilirogo wuppege mbaki, Ala wone lengganogo yorage menggim Ala awi wurik me nen oone nggwok ambi ari logonet, “Abu age yobok togon aret eeki o,” yinuk, ari kagarak.