Wayu 14:13 - Ala Wone Peenok Peebi Mbanak

¹³ Ti yo'nege mbaki, ti'nuk, mbogut paga nen wone ambinom yo'nege kage logonet, “Yogondak nen it aap ninowe inom kunik logonet kanggwi nogo, iniki ale'nggen aret mbako logogun o, yinuk, liiru mbanu o,” yo'nege mbaki, liiru mbangge me, Aberiniki nen, “Abet aret o. It kanggwi iinok, ineenik logonet, ta'liila eeginake kagak yabu eerit nugu nagaarak nogo, Ala nen kobak eerogo pigin lek me, iniki ale'nggen mbako logonet, tat yonggonggologo logogun o,” yinuk, ari naruk konenggirak.

Wayu 14:13 ပူးပေါင်းရင်းမြစ်များ

Ndawi 19:11

Wone ari menggendak abok aret nen An kayeloman maluk eeke nogo neenu eeppanege me, Liirogon porogo wonage neenok, Onggo mondok nggwok aret kolaagin o.

Ndawi 85:13

Waga'lek kagak, Ala woraawak nduk, Aa'nduk kiniki obeelom logonet, A'me nggelok mban eerit namonggotak paga at aru pipuk eerogo pogo logomunggup o.

Yetaya 35:10

It aap Aliku ALA nen wondet eerogo piyamenggerak nogo iname o Tiyon tu ti paga unggwi wogwe, Eeko logogun o. Unggwi wogo logonet, inale'nggen nen keekok piyanggogwe, Iniki ale'nggen mondok logorak mendek inikime nggelok ari logonet, inete yanggu aago wonogwe, Eeko logogun o. Iniki puru yogwe, iniki wakkologwe, eekwi nogo mondok lek age kagak Obaane'me inale'nggen alik negen aganake, Iniki kani moonuk negen nggelok ari, Eeke logogin o.

Ndaniyen 12:13

Ndi, kat perak, liippunuk eerit nage keegak, age wobok ari woraagin me, kiniki ugun nak o. Yonggonggologo menggam yonggonggolage logomenggendik, ti'nuk, o age yubuni wage eyom paga kat ambi eeppagarak kake punik nogo kolaamunggun nduk, mi'narumunggun o,” yinuk, yo'nege kagagirak.

Matiyut 3:17

Kage mbareegi, mbogut paga nen oone ari logonet, “Napuluk niniki kunik lombok at yi aret me, niniki ale'nggen ee'nake kagi o,” yinuk, ari kagagerak.

Lukat 16:25

Yoreegerak kwe, Abarakam nen at yoge logonet, Naput o. Kat keenik logonet, paalo aago mban wonagagindak nogo o. Ndi, Latarut yi perak, ninggin-nanggin wonagagerak nogo kiniki aberu o. Yogondak Latarut yime logonet, iniki tayok yegerak kwe, kat perak, yagan yobak-nggolak wake agandik o.

Lukat 16:9

Nggween paga mendek aakumi ineenggi warak eekkologo menggaarak nogo paga aakumi yeenggwaaranet nogo logonet, lek age kenok, o mondok obeelom menggim time nen keyage warogo wokkinabuwak nduk, nggween paga mendek nogo paga kinoreewi kinom kunik eeginabit nugu logonip o, yinuk, yokkirage agarik o.

Oroma 14:8

Ata, nineenik logorak kenok ti, ninowe ake aret wonogwe, ndi, kambuurak kenok ti, at ake mban kanggwi, eeko monggoorak me, nineenik wonogwe kenok, kanggwi kenok, ti ninowe ake mban aret o.

1 Korindut 15:18

Ndi, at Keritut eenik a'netak lek en, it Keritut inom kunik logonet kambeegwaarak nogo kunduk, kobak aago aret logonetak.

1 Korindut 15:20

Togop kwe, at Keritut kanggo menggam nen eenik agago mippulik ti lek o. Mippereegerak aret me, anggen iyaalok mbanak pogom, it kanggo menggam nen iyaalok eenik agago mippereegerak nogo ti, at aret o.

1 Korindut 15:58

Ti kenok, noreewi o. Kit an niniki kunik me, kiniki mondok kwi'ndak nu'lek logonet, ninowe eyabu aret eekwi kenok ti, we aanom warogo eekwi lek ambi kola noorak nduk eekwi kineenu me, kulinik-kalinik nggwiirit-nggwaarit aret eeko logonip o.

2 Korindut 5:8

Ninagabolo yi, nggonenogo mbo punuk, ninogoba wonage me, mondok-mondok ka noorak uugwe lombok mbakwi kwe, niniki kwippunuk tit ogoorik o.

Pilipi 2:17

Kit abet mba'nuk kineebe apit Ala wogo'nuk, at ake eerit nogwe nogo ti, Ala ake warogo wogogo mengga kwak aret me, ambinom eerit nogo logobagip nduk, kinake eeke neegak, ndomba warak amiya obaga kilippogo mengga kwak, “An yogondak togop eeppaniyak op aret,” mba'nuk, niniki ale'nggen mbake me, kit togon kiniki ale'nggen mbako logonip o.

1 Tetalonika 4:14

At Yetut kangge nagagerik, mi'nagagerak nogo nit abet mbakwi kenok, it aakumi Yetut inom kunik logonet, kambeegwaarak nogo at Ala nen ineenik agago mippiyaagin abet aret mbako logowok o.

1 Tetalonika 4:16

At ninowe lombok kuum ari, yonggo mbogut paga inowe nogo oone ari, Ala amendek oone nggwok eeka trompet nogo oone eeke, eeko logonet, ninowe mbogut paga nen wambi wage kagak, it aap Keritut inom kunik logonet, kambeegwaarak nogo, at Ala nen inaa'nduk mippiyaagin o.

1 Tetalonika 5:10

At ninom nineenik mondok logowok nduk, nit ninake kambeegerak me, nineenik wonogwe kenok, kanggwi kenok, op mban aret o.

1 Timotiyut 5:24

It aap mippiyoorak nduk, inabut mbangge logonet, aap ando maluk eekaatak kenom age kenok, mbo piigo menggaarak kwe, it aap ando perak, inomaluk nobarak kagak, mippiigaatak me, peebi inomaluk kenom aret age menggerak.

1 Timotiyut 5:25

It obeelom eekwi ti, togop aret iigo monggoorak. Ndi, it ando obeelom eekwi ambi nobarak wonage kenok, kumaarak togop mban logogin lek o. Kin arigin aret o.

Wayu 1:11

yo'nege logonet, “Eeriyak titikkege neegak, mbuku pirik-perek aago paga liiru mbangge logomenggendik, it Ala apuri o Epetut inom, Timirina inom, Peragamut inom, Tiyatira inom, Taririt inom, Pilarelipiya inom, Laworikiya inom, nggereya 7 paga kuwak eekwi nogo abok aret pekkaawak nduk, nappunu o,” yinuk, yo'nege konenggirak o.

Wayu 10:4

O ngguurubu ne 7 paga ari naruk konembunuk, ari nogo liiru mbanikit nduk eeke me, mbogut paga nen oone ambi yo'nege logonet, “O ngguurubu ne 7 paga ari konenggendak nogo ti, liiru mbanugun o. Ata, kinikime mban kumaapporogo logot o,” yinuk, yo'nege kagarak.

Wayu 11:15

Yo'nege mbaki, nenegen wonage me, malayikat 6 inarompet oone eeko mbaka, ambi nogo nen arompet nogo oone eeke mbaki, it mbogut paga time nen inoone nggwok yogo logonet, “O nggween paga time aakumi inabu'me piinok menggam abok aret, at ninogoba inom, at leenogo mippereegerak Keritut inom, imbirak inoone konenggo logowok nduk, inabu'me ari waga o. Ari wogwe iinok, Keritut nogo nen inowe endagembogut logonet, mondok-mondok wone lengganogo yorage logogin o,” yinuk, yogwe iigirak.

Wayu 11:19

Yogo mbaka, Ala awi wurik mbogut paga nogome tu paa'nage mbaki, Ala aloobut mbanak wone yoragagerak liiru mbanak yonggolak wonage nogo, kin ari wage kage neegak, o yabok eeke, ngguurubu ari, mi nuk ari, mayu kumulinggen mondok lubu-lubu wangge, eeke kagarak o.

Wayu 16:17

Malayikat ineebe 6 nogo nen Ala anini inarologowa'na toolak nogo abu kilirogo wuppogo mbaka, ambi nen arologowa'na toolak nogo o oolo yayi kilirogo wuppege mbaki, Ala wone lengganogo yorage menggim Ala awi wurik me nen oone nggwok ambi ari logonet, “Abu age yobok togon aret eeki o,” yinuk, ari kagarak.

Wayu 19:9

Kage mbaki, malayikat nogo nen an yo'nege logonet, “Ndomba Aagaluk akwe lambumbogo logonet, abugo larak inom nawak nduk, yonggo piyareegerak nogo, iniki ale'nggen mbako logowak o,” yinuk, yo'nege nagaarik, ambinom yo'nege logonet, “Wone ti, Ala nen abet aret yegerak me, liiru mbanu o,” yinuk, yo'negerak.

Wayu 2:1

Yo'nege kage nagarik, wonage me, “At malayikat Ala apuri o Epetut kuwak eekwi inarum menggerak nogo nen apuri yoraawak nduk, yoriyak, yokkiri o. Neenggi abe'nggan paga laaluguragan 7 porogo logonet, ndi wuninogo pegak mbuti emas paga ogobakkigirik 7 inenggela'me nege minggirak an nogo nen

Wayu 2:7

Aberiniki nen Ala apuri yi awi ndi awi kuwak eeko menggaarak yorage nogo ti, inaruk wonage kenok, liirogon aret konenggo logowak o. Ndi, it Ala wone mbo pega'lek, iniki nu'lek porogo logonet, liirogon mugurok nogwe iinok, eyoonggen aakumi ineenik eeginake menggerak Ala eyabu me wonage nogo, It noorak op aret yoraagin o, yinuk, wone yi yagarak nogo abok aret at malayikat Ala apuri o Epetut kuwak eekwi inarum menggerak nogo nen apuri yoraawak nduk, liiru mbanogo nappu o.”

Wayu 20:6

It inaa'nduk ineenik agago mippiyamenggerak nogo, maluk eeka'lek Ala ake leenak logonet, iniki ale'nggen nggwok aret logogun o. It aa'nduk muk kambeegwaarak me, peebi kambugun lek o. It ti, Ala unde a'nuk, Keritut Ala imbirak inake eerit nugwi, ndi, Keritut inom tiyanak logonet, wone lengganogo yorogwe, eekwi iigak, tahun seribu aret age kagarak.

Wayu 21:5

Ari naruk konembunuk, wonage me, at wone lengganogo yorage menggim eyo ndoonak paga kwi'ndak wonage nogo nen an yo'nege logonet, “Wone yi, liirogon karuk konengge logot o. An nen yi mendek ndi mendek abok aret ngget ogobakkigirogo pege yi, abet aret a'me nggelok yigin me, liiru mbanu o.”

Wayu 22:17

Yo'nege mbaki, malayikat nogo nen ambi yo'nege logonet, “It aakumi niyo abu aganake kenok, niyo ineenik aganaka nogo mendek onggo lek we aret tookkola woraawak nduk, Aberiniki inom, Ndomba Aagaluk akwe nogo inom, imbirak nen, Wa'nip o, yinuk, muk yorogo agaarik o. Ndi, it wone yi, konembunuk abet mbakwi iinok, Na wa'nip o, yinuk, wiirogo logowak nduk, yoret o,” yinuk, yo'nege kagarak.

Wayu 6:11

“Lek o. Kit kinowe-kinawot inom, it kinom Ala wone mondok liippunuk mugurok nogwe inom, kit kinooreegwaarak kokwak inookwi iinok perak, kinane'me ambugwi lambuk togon inoorigin aret me, we ne ambiriluk puk logomunggup o,” yinuk, mbogoyum nggorek yanggwi negen inalitak lombok yippiige kagarak o.