Wayu 13:6 - Ala Wone Peenok Peebi Mbanak

⁶ Awone kilirege mbaki, nggeewo nogo nen at Ala eebe inom, at endage inom, at menggim inom, ndi, it mbogut paga menggaarak inom, it abok aret at oone paga miyuk-meya eerogo piinet nage kagarak.

Wayu 13:6 ပူးပေါင်းရင်းမြစ်များ

Ayup 3:1

Ti'nuk, at Ayup nogo oone lek wonagagerak nogo, wone ari logonet, ne nda'nagagerak pulunogo pereegerak nogo yi aret o.

Ndawi 73:9

It inoone paga nen At mbogut paga menggerak nogo meek eerogo pugwi, Inamili irip paga it o nggween paga wonogwe nogo inabok mbanit nugwi, Eeko menggaarak o.

Ndaniyen 11:36

At aap endagembogut ti nen eeriyak iniki mbake nogo mban eerit nage logonet, iniki wogoppake, Kugi abok tebenak iigak, an abu iya, mban mbake, it aakumi nen alut eeko menggaarak abok aret inogoba Ala meek mbake logonet, oone ari kogolik mendek ari, eerigin o. At Ala eeriyak koonogo pereegerak nogo a'me nggelok yi nagin me, Ala anini eeppiinet nage logorak eyom awo age yubuni naga'lek kagak, aap ti, oone ugun-ugun agan nage logowak nduk teppigin o.

Ndaniyen 7:25

At nen at Tiyanak Lombok Menggerak nogo meek eerogo pege, at apuri alik leenak nogo aaninggin-paaninggin eerogo piige, eeke logonet, Ndi eyom paga ndogop eeriyak, wone yugu inom, eeko logorak wone yugu inom, mbo punuk, alik koongge logowak nduk wakkage, eeremenggerak me, at Tiyanak Lombok Menggerak apuri alik leenak nogo, eenggime piyamenggerak wonogwe iigak, tahun kenagan eeppunuk, ambi oolo aret eerigin o.

Ndaniyen 7:8

Eyak 10 nogo ti, nonggoti o? yinuk, awo liippit unggwage neegak, eyak 10 ti, enggela'me nen eyak mbuuluk ambi wungge logonet, eyak kenagan aa'nduk mendek nogo kinogo wumbege kagarak. Eyak mbuuluk ti, aakumi inigen negen wonage, ndi, ambe paga yi wone ndi wone ambik lombok ari logonet wogoppake, eeke kagarak o.

Matiyut 12:34

Waalo aakumi inooka kuwak eerak pogom kit aret o. Ninikime uum kilu-kilu wungge logonet, ninambe paga yogo monggoorak me, kit abu maluk logonet, kinoone paga nonggop togon wone obeelom yuurak? Meek o.

Matiyut 15:19

Kinikime maluk eeriyak koonggwi inom, aap wakwi inom, kumi kundugume wurinakwi inom, komologwe tawe wurinakwi inom, yogoot waganggwi inom, pilit wone inoba piigwi inom, miyuk-meya eerogo piigwi inom, nogo ti, kinikime nen aret wungge menggerak me,

Yaya 1:14

At Wone nogo, aap aret age nagagerik, ninom aret wonagagerak. Ninom logonet, oona ngginik kagak, iniki kunik nen eeppinanege, Ala ndogop menggerak o, yinuk, liirogon yo'nirage, eeke kogo logonet, at Ala aput ambolom ndarak me, ogoba nen tiyappereegerak mondok tiyanak aret kogogurak o.

Oroma 3:13

Inale'lok ti, aakumi nggween taanak ambe paga ari menggi kwak wonogwe, Ndi, inoone ti, pilit mban pugunit nugwi, Waalo muuru eyak inooketak kanggo mengga kwak wone agan nugwi,

Kolote 1:19

At Ala nen, “An neebe nitok li'luk aago minggi kwak, naput mondok ndak-ndak aret logowak o,” yinuk, inikilom mbake logonet,

Kolote 2:9

At Ala eebe itok li'luk aago menggerak nogo abok aret, Keritut oba lenggenak logonet, aakumi aret nda'nage nagagerik, nege nagagerak.

Iberani 9:2

Ala unde nen eeko logowam ooliya negen wuko logonet, ko mbere ogooreegwaarak. Ko endekenggwe ogoorak ti, “Mage Menggim,” yogo nogogwaarak me, ndi wuninogo pegak ogobakkigirik inom, roti Ala ake pogo nogogwaarak eyo ndoonak inom, time aret wonagagerak.

Iberani 9:24

Togop me, Keritut nogo ti, o abe wurik kagak ogut wakkagak Mage Menggim aakumi nen wureegwam nogome unggulik o. Ata, at mbogut paga lombok unggwi nage nagagerik, Ala enggaanom paga ko'lu-kii'me ninake eeke agaarik o.

Wayu 12:12

Kat mbogut inom, kit mbogut paga monggotak inom, kiniki ale'nggen mbako logonip o. It nggween paga wonogwe nogo inom, niyo nggwok yenggenak laut paga wonogwe nogo inom, nogo perak, Inenggela'me at Tile wuppi wagaarak nogo nen, An ne mbereeluk logonuk, nenggaawak lek arigin kagi, mba'nuk, Anini nen aakumi lale-pale eerogo piyaakit nduk, wambi nagaarak wonage me, inabuwa o,” yinuk, ari kagarak.

Wayu 15:5

Ti wakwi iige nagarik, Ala ninom wonage mbaruwak nduk, Ala awooliya wurik mbogut paga wonage nogo, tu paarak kage nagarik,

Wayu 18:20

Eekwi iigak, at oone yo'nege nogo ambinom yo'nege logonet, “Kat mbogut yi, wae. Kale'nggen mbake, Kit Ala apuri ake leenak inom, obeelom wone yoranet nugu nogogutak nappiigak inom, Ala nen yokkirage kagak yoraga inom, Kit abok aret kwe yawukak nogo pogom o Mbaben yi nen eeppinagage nagagerak nogo onggo Ala nen aret eeppege me, kiniki ale'nggen mbakwi, Eeko logonip o,” yinuk, ari naruk konenggirak.

Wayu 21:3

Wambi wage mbaki, wone lengganogo yorage menggim time nen oone nggwok ambi ari logonet, “Ala at apuri inenggela'me logowam nogome logokit nduk, eebe wambi wage ti, kaanip o. At eebe nogo apuri inom logonet, it nen, Kat ninogoba Ala aret o, yinuk, yogwi, ndi, at nen, Kit an napuri aret o, yinuk, yorage, eeko logogun o.

Wayu 4:1

Ti yo'nege mbaki, nabinggaanggo ambi kage logonet, o mbogut paga time tungga ambi paarak kage neegak, nogome nen aap ambi nen oone nggwok eeka trompet oone nggwok ari pogom aa'nduk yo'nege konenggirak nogo ambinom yo'nege logonet, “Yogondak eeriyak kagandak nogo eeppunuk, peebi eeriyak nogo titikkirikit nduk lagi mok o,” yinuk,

Wayu 4:4

it mbogut paga wonogwe inoweewi ineebe 24 nen inayum yanggwi negen yirikwi, mbuti emas paga nggare-nggare mendaarak inanobak paga yirikwi, eeppunuk, wone lengganogo yorage menggim oolo kagak, it wone lengganogo yorogo menggam eyo ndoonak 24 wanggerak wonage nogo paga inoweewi 24 nogo ti paga kwi'ndak wonogwe iigirak.

Wayu 5:13

it mbogut paga wonogwe inom, nggween paga wonogwe inom, nggween abu'na wonogwe inom, yi nggwok yenggenak laut inikime nugwi inom, Ala nen ogobakkigireegerak yi mendek ndi mendek yi aakumi ndi aakumi abok aret inoone nggwok paga ndawi wako logonet, “Nit abok aret, at wone lengganogo yo'nirage menggim kwi'ndak wonage nogo inom, Ndomba Aagaluk nogo inom, kimbirak obeelom aret o, yinuk, Inabu'me tebe yinuk, inalut eekwi, inendage tiyappiigwi, eeko logonet, inoone mondok-mondok konenggo logogun o,” yinuk, yogwe iigak,

Wayu 7:15

Wone lengganogo yorage menggim Ala enggaanom time logonet, Ko'lu-kii'me Ala awi wurik me ake eekwi iigak, At wone lengganogo yorage menggim eyo ndoonak paga kwi'ndak wonage ninogoba Ala nogo nen maluk inoba age kero, abu'me piirogo wonage agaarik o.

Wayu 7:9

Ti eeke kage nagarik, it aakumi inanebunu inalitak lombok inom, inoone alitak inom, inagabolo alitak inom, inenggela'me nen ambitak nggigik kuwak eereegwaarak nogo ti, ineebe ambik ineenggi lingginiyak abu meek iigirak. It aakumi ti, inambogoyum nggorek yanggwi negen yippunuk eyoongga kalenak wik-wik eeko logonet, at wone lengganogo yorage menggim eyo ndoonak paga kwi'ndak wonage nogo inom, Ndomba Aagaluk nogo inom, imbirak inabu'me mi'na'nuk,