Wayu 12:9 - Ala Wone Peenok Peebi Mbanak

⁹ at waalo nggwok nogo awuri inom mbelenogo nggween paga mbo wuppiya wage kagarak. Wuppiya wage mbaki, waalo nggwok mbo wuppi wagaarak nogo ti, o maan nen yi aakumi ndi aakumi abok aret inambokan lagangge menggerak Ibilit nogo ti, Tile aret me, at awuri inom abok aret mbogut paga nen mbelenogo nggween paga wuppiya wogwe iigirak o.

Wayu 12:9 ပူးပေါင်းရင်းမြစ်များ

Wakkagagerak 3:1

Ndi, at Aliku Ala nen yi mendek ndi mendek inigen mbolok kwi endekem nugu menggaarak ogobakkigireegerak nogo obeelom wonogwe iigak kwe, at waalo oone amburu ndik-ndik ari menggerak nogo nen kwe nogo yori wage logonet, “At Ala nen eyoonggen-kalenggen yabume yime yarak abok aret mbanogo noorak mage o, yokkiragaarak nogo abet ilik, lek a?”

Wakkagagerak 3:13

Yoge mbareegi, at Aliku Ala nen kwe nogo yoge, “Kat nonggop nduk togop eekendak?” Yoge mbareegi, at kwe nogo nen, “At waalo nen nambokan laganogo yo'nege mbaki, mbanogo ninggirak o,” yoreegerak.

1 Mbinineegwaarak 21:1

At Ibilit nen it aakumi Iterali mendek naalop-kaalop eerogo piyaakit nduk, mi'nage nagagerik, at Ndawut nen it Iterali ineebe eenggi linggininabuwak nduk, inikime manake mbareegi,

2 Mbinineegwaarak 18:21

Yoge mbaki, at kugi nogo nen, At eeriyak wone aap endagembogut yoga nogo nen pilit wone yogo logowak nduk, an wambi nage logominggirik, inikime lik yit nagin o. Yoge mbaki, Aliku ALA nen, Togop eeke keenok, nduk-nduk irit namunggun aret me, eeri nak, yoge kagarak o.

Ndawi 109:6

At eebi nombaka nogo owak loonuwak nduk, aap maluk mendek ambi mippu o. At wone liirit yoge nogo eenggi abe'nggan mi'nage,

Yetaya 14:12

O weege kagak ndowan lan eerogo pega yi, wae. Oonegen komeninuk lagi wage aagaluk wulaga yi, wae. Mbogut paga nen ye agan wambi wagandak me, iya! Aa'nduk yi aakumi ndi aakumi tebenogo piinet nage nagagindak kwe, Yogondak perak, kat aret tebenogo nggween paga wuppagagerak wonage agandik o!

Yetaya 27:1

Ne ti eyom paga Aliku ALA ambuti wooluwak paga maluk onggo eeppiige, Ambuti wooluwak mondok nggorek ngget penak maarak omaawi mendek nogo wonok wage logomenggerik, At waalo kole Lewiyatan tu agan nage, Waalo nggwok komaarak tuk togon nage, Eeke menggerak Niyo nggwok laut paga menggerak abu ogole warak nogo, warogo pege, eerigin o.

Yetaya 65:25

Nggeewo owo nogo ndomba aagaluk imbirak lambunna'nuk inambi nunggwi, It singa nogo tapi iri'ngga mbanogo nenet nogo mengga kwak nenet nugwi, Ndi, waalo ti, liirubu aa'ngga aret nenet nogwe, Eeko logogun o. Nabuut alik leenak nogome abok aret at ambi nen at ambi maluk eerogo pege, at ambi nen at ambi warogo pege, Eeko logogun lek o,” yinuk, Aliku ALA nen aret yegerak o.

Yetikiyen 28:16

At yi o ndi o amindik-amendek paga onggo-onggo eerit nege logonet, Anini lombok arit unggwage paga maluk eereegerak. Maluk eeke mbareegi, endage maluk agagerak paga an Ala nabuut paga nen mbo wumbege, At malayikat negen kerub logonet neyabu eerak arum waka ti, Yugum kani wuninik kwak abinak pindan-pindan aago enggela'me nen wumbege, Eereegirak o.

Matiyut 13:39

At aap imbirak ogoorak logonet, awi maluk mendek yumbuneegerak nogo ti, Ibilit aret. Anggen mbaniyak eyom nogo ti, o age yobok aret. Ndi, it anggen mbanggo menggaarak nogo ti, it malayikat nogo aret me,

Matiyut 24:24

It ando nen we piliret, Keritut nogo an aret o, ndi, Ala nen yo'nege kagak yokkiraga mendek ti, an aret o, yinuk, agan wogo logomenggaarik, it aakumi ugun iniki nomoninakwi, ndi, it Ala apuri miirogo leeninabeegerak nogo, iniki nomoninaburak op kaamun ilik? yinuk, nomoninakwi, eeruwok nduk, inagabiti warak mendek inom, eerubok mendek inom, eeremenggaarak kwe, it agan woraagun ti, kiniki abet mbarubok o.

Matiyut 25:41

Yorage logominggirik, ti'nuk, it neenggi kwaare'nggan piyaminggirak nogo yorage logonet, Kit Ala nen pulunogo pinagareegerak yi, an mbi abu ee'nake me, mbi wo'nugwi, yi abu ee'nake me, yi too'niri nogwe, aap nggiru me, wo'nakwi, nayum yirik lek me, nayum yippanugwi, andi warak keele maarak me, pe'neya nogwe, ee'nako logolik me, yime nen wundi nogo logomonggotik, at Ibilit inom, at awuri apit inom, kani omoonuk wunuk mban ari menggim an nogoba nen ogobakkigirogo piyareegim nogome aret nanip o, yinuk, yoraagin o.

Matiyut 4:1

Kage mbareegi, ti'nuk, Ibilit nen Yetut abut mbanuwak nduk, Aberiniki nen Yetut wonok karume aakumi lek me nagagerak.

Matiyut 4:10

Yoge mbareegi, Yetut nen at yoge logonet, “An kinogoba Ala mban nayuk wuko logonet, nalut eekwi, an ari neenok mban liippunuk, eerit nogwe, eeko logonip o, yinuk, Ala yereegerak liiru mbanak wonage me, kat Ibilit yi, nak o.”

Matiyut 4:5

Yoge mbareegi, at Ibilit nen Yetut wonok o kota Ala ake leenak menggim nogome nage nagagerik, Ala awi wurik kirin paga pi lagangge nagagerik,

Matiyut 4:8

Yoge mbareegi, at Ibilit nogo nen Yetut wonok puurom mondok nggorek paga lagangge nagagerik, nggween paga yime yi aap ndi aap inendagembogut inabu'me piigo menggam mondok obeelom aret me, aakumi, “Wi!” ugwi nogo abok aret titigege nagagerik, yoge logonet,

Lukat 10:18

Yogo mbareegwa, at Yetut nen, “At Ibilit o yabok eeke nogo pogom mbogut paga nen wangge kagagirak o.

Lukat 13:16

Ndi, ti kenok, Abarakam ombooluk kwe yi, Ibilit nen keele maarogo porogo wonage kagak, tahun 18 eereegerak me, kit tamban eekwi paga piinogo teppuurak ti, mage me nduk, yogo ogotik?”

Lukat 22:3

Koonit nugwi iigak, at Ibilit nen it aap 12 ambi endage Yurat Ikariyot inikime unggwagagerak.

Lukat 22:31

Yorage nagagerik, “Timon wae! Karuk logot o. Gandum eebe leennaruwak nduk, ameneno ndegenggo mengga kwak, at Ibilit nen kat togop aret eeppagawak nduk, Ala yoge mbaki, E o, yegerak kwe,

Lukat 8:12

Tu paga wambit nagagerak nogo ti, aakumi nen Ala wone konembunuk, waganggwi iinok, Ibilit nen wage nagaatik, wone inikime waganggaatak nogo abet mbakwi paga inagap ndake kero, ndininuk wonok nggarek ari menggerak.

Yaya 12:31

It aakumi o nggween paga yime menggaarak inowak loonogo maluk inoba piyoorak nogo, o yogondak yi aret o. At o nggween paga yime unde menggerak nogo tebenogo puurak yogondak aret o.

Yaya 14:30

It aakumi o nggween paga menggaarak inowe nogo wage aret me, wone ambinom nggorek yokkiraagin lek o. At wage logomenggerik, at nen wone ambiriluk ambi an yo'nirigin mondok lek o.

Yaya 16:11

Ndi, Ala nen maluk inoba piyoorak nogo ti, at o nggween paga yime unde menggerak nogo, muk maluk oba pereegerak o, yinuk, paganogo ineenu eeppiige logogin o.

Yaya 8:44

Kit yi, kinogoba Ibilit aret me, at eeriyak mbake menggerak nogo mban, Eeruwok, mbako monggotak. At o aa'nduk nen nok, yogondak kuli aakumi inooka aret menggerak o. Ala ndogop menggerak wone nogo at inikime wonage lek me, Ala ari menggerak nogo at mondok eeka'lek aret agaarik o. At pilit pugungge menggerak itok aret me, pilit pugungga iyagalo at aret logonet, at iniki nen wone ugun-ugun koombunuk, pilit-pilit pugunit nege menggerak.

Nappiigak 26:18

It o apit negen wonogwe nogo mbo punuk eya me unggwage, ndi, at Ibilit abu'me piyareegim nen wundi nanuk, Ala abu'me piige menggim unggwogwe, Eeruwok o, yinuk, yuwak nduk, nappagagin o. It nogo iniki noba panggombunuk abet nombakwi iinok, inomaluk Ala nen lek agago piinok, at apuri leenogo piyareegim nogome inom nabenogo piyaawak nduk, nappagagin o, yinuk, yo'nereegerak o,” yoragagerak.

Nappiigak 5:3

Eeke mbareegi, at Peterut nen, “Ananiyat wae. Nggween onggo wokkegaarak ando mogonogo teppakendak nogo ti, kat nonggop nduk Ibilit kinikime lik yi unggwage mbaki, Aberiniki ambokan laganggendak?

Oroma 16:18

It aap togop eerit nugu menggaarak mendek nogo ti, ninowe Keritut ayeloman logonet, ake eerit nugwi lek o. Ata, inaanogum ake mban kwaarit nogo logonet, “Yogop eeruwok, ndogop eeruwok,” yinuk, inoone yanggorogon amburu ndik-ndik paga pilit pugunogo it aap iniki ugun mendek nogo inambokan laganit nogo menggaarak me, kinom ogoorak aret logonip o.

Oroma 16:20

Nit niniki ugun tayenak obeelom logowok nduk, eeppinanege menggerak Ala nogo nen Ibilit kinabu'me tebenak logowak nduk, mbet-mbet aan lebenogo pigin o. Ninowe Yetut iniki kunik nen obeelom eeppinanege menggerak me, kinarum aret logogin o.

2 Korindut 11:14

At Ibilit kunduk, malayikat etenggen abinak kwindagala aago menggerak nogo ndak-ndak kumbunuk, eerit nage menggerak me, it ti eekwi iinok, “Wi!” yugup o.

2 Korindut 11:3

Waalo oone amburu ndik-ndik kwe Kawa yoge logonet, at ambokan laganeegerak pogom, it aap alik nen inoone amburu ndik-ndik yokkirogwe iinok, “Keritut oone mban konenggo logowok o,” yinuk, abet aret miireegutak nogo mbo punuk, nomonggiren nogwe iyo, nagabiti mbake logonet, yokkirage agarik o.

2 Korindut 12:7

Alik tam warak aakumi kogolik mendek nenegen kagagirak nogo paga, “An iya o,” yinuk, wogoppatit nage neyo, Ala nen andi ambi nagabolo paga alok negen ngguurogo paneegerak ti paga Ibilit awot ambi wage nagagerik, wogoppake neyo, nenggali wappanegak mban eeke menggerak o.

2 Korindut 4:4

At Ala etenggen ndak-ndak mondok tiyanak aakumi, “Wi!” ugwi Keritut eeke nagagerak obeelom wone nogo, it aakumi abet mbaka'lek mendek nen yelok kogo logokwak, at o yogondak unde menggerak Ibilit nogo nen iniki apit eerogo piyareegerak me, yelok kaga'lek aret wonogo agaarik o.

Epetut 4:14

Togop me, noreewi o. Yi kilaarak-mogonik eeke logonet, yi mendek ndi mendek piyanogo nippege, o wiya nen yi mendek ndi mendek wonok nage, eeke menggi kwak, elege-aabologwe ti, togop aret wonogwe me, kit kunduk togop logonet, it aakumi pilit wone yogo menggaarak nogo nen aakumi inambo'me laganuwok nduk, iniki koombunuk, inoone amburu paga nomoniren nawok nduk, agan nugwi wone ti mendek kit ugun konenggo logorak mage o. Ata, Keritut iniki mondok kole menggi kwak, nit togop aret niniki kole eeppinanit wundi wage kenok, nit elege-aabologwe togop ti ndak-ndak logogun lek o.

2 Tetalonika 2:3

It aakumi pilit togop agan wogo logonet, kinambokan laganukwak, liippiigo logonip o. Ninowe woroorak nogo ti, aakumi nen Ala wone, “Nineebi o,” yinuk, mbo pugwi, ndi, at mondok maluk eeka lek eerogo puurak ake lengganak nogo, kin ari wage, eeka'lek iigak, woraagin lek o.

2 Timotiyut 3:13

Togop aret kwe, it aakumi maluk eeka inom, pilit pugungga inom, maluk ambinom nggwok eerit nugu logonet, it mban-mban inambokan laganggologo logogun kwe,

Iberani 2:14

At Yetut ti, aap a'nuk kambemenggerak paga, at kanggwi alom unde menggerak Tile nogo omaawi lek eerogo punuk, it kambuurak inagabiti nen, “Nabelan-kabelan aruwok lak piriguru agan wagagerak yi, ao,” yinuk, iniki mondok aaninggin ndugu agan koonit nugu logonet, iniki wakko'net nugwi nogo, teeluk eerogo piyaakit nduk, nit at apuri nineebe nggween paga kanggo monggoorak mendek ndak-ndak aret eekkolagagerak.

1 Peterut 5:8

Kit kinom ogoorak monggotak Tile nogo nen maluk eekkinabikit nduk, nggeewo anini warak pogom nibingginaburak eyak nde agan kwaakkinabit nege me, kit mondok kiniki warak a'nuk, kinagaket paga logonet, tum wakkologo logonip o.

1 Yaya 5:19

Yi aakumi ndi aakumi maluk eeko menggaarak nogo abok aret at maluk eeka Tile nogo abu'me wonogwe nineenu kwe, nit perak, Ala apuri aret ogoorik o.

Yurat 1:9

Muta kangge mbareegi, at yonggo mbogut paga nugu menggaarak inowe Mikayen Tile imbirak, “Eebe an koloorak kat koloorak,” nili-kili yogo logonet, at Mikayen nen, “Kat abu maluk lombok me, kambu o,” yinuk, Tile yoriyak op aret kwe, agabiti nen, “Nogoba nen mban mbekkirigin o,” yinuk, yoreegerak kwe,

Wayu 12:12

Kat mbogut inom, kit mbogut paga monggotak inom, kiniki ale'nggen mbako logonip o. It nggween paga wonogwe nogo inom, niyo nggwok yenggenak laut paga wonogwe nogo inom, nogo perak, Inenggela'me at Tile wuppi wagaarak nogo nen, An ne mbereeluk logonuk, nenggaawak lek arigin kagi, mba'nuk, Anini nen aakumi lale-pale eerogo piyaakit nduk, wambi nagaarak wonage me, inabuwa o,” yinuk, ari kagarak.

Wayu 12:3

Kwa ari mbaki, mbogut paga time inagabiti warak mendek alik ambi eeke kagarak. Kage logonet, waalo nggwok tinambe pogom agabolo maa'ngga kunik me, eebe ambit aret kwe, anobak 7, ndi, anobak nogo paga eyak 10, ndi, anobak 7 nogo paga nggare-nggare mendaarak abok aret yirik kagarak.

Wayu 12:7

Ti eeke kage nagarik, at Mikayen awuri malayikat mendek inom nen at waalo nggwok tinambe pogom nogo, awuri inom mbogut paga time wim nambukwi iigirak.

Wayu 12:8

Nambuko logonet, it nen waalo nggwok nogo awuri inom tebenogo piigo nagaarik, “O mbogut paga yime logorak lek o,” yinuk,

Wayu 13:14

At nggeewo aa'nduk lagi wagaarak oone kiliregerak paga, eerubok mendek iya tit eerit nage logonet, “Nggeewo negen ambi mbuti tege paga wakaarak kwe, eenik agaarak nogo, ogut wakkagak ambi ogobakkigirogo punuk, at mban alut eeko logonip o,” yinuk, it aakumi nggween paga wonogwe nogo inambokan lagangge logonet, yorage kagarak.

Wayu 16:14

It inambeme nen wundi wagaarak nogo ti, kugi Tile awuri aret me, At Omaawi Lombok Menggerak Ala mondok iya eeppiyoorak eyom nogo paga it yi aap ndi aap inendagembogut o nggween paga menggaarak abok aret at Ala nogo inom wim namburiyak kuwak eeri woraawak nduk, it ogolem pogom nogo nen yonggo nogo logonet, aakumi abet mbaruwak nduk, eerubok mendek eerit nogwe iigirak.

Wayu 18:2

Wambi wage nagaarik, oone mondok omaawi paga ari logonet, “O kota nggwok Mbaben nogo, mondok lek eerogo pigi o. Lek eerogo pigi o. It o kota Mbaben menggaarak nogo ti, kwe yawukak pogom me, Kwe nogo nen iniki nengge kenok, Ee'nabi woraanip o, ari kenok, Yi aap ndi aap inanebunu lombok abok aret, anggur amburu nenok, kumili-kumili agan nugu mengga kwak, ugun-ugun kwe nogo eeppi wogwe, Yi aap ndi aap inoweewi inendagembogut o nggween paga menggaarak abok aret kwe nogo eeri unggwogwe, Ndi, kwe nogo nen aap iniki nengge kenok, eeppi unggwagak eekwi paga It aakumi yi awi ndi awi kunggo menggam unde menggaarak nogo, ineenggi warak eekkologwe, eekwi iinok, O Mbaben nogo pup eerogo pegerak me, Yogondak yi kugi ndi kugi inom, it kambeegwaarak inogoma inom, yi towe ndi towe nen aakumi kanggaatak nunggwi iinok inogole yogo menggaarak inom, Abok aret inawi eekkola unggwa-ga o,” yinuk, oone nggwok paga ari naruk konenggirak.

Wayu 19:20

Ti eekwi iigak kwe, at nggeewo anini warak aa'nduk lagi wagaarak eebe nogo inom, ndi, it aakumi inenggaawak paga nggeewo aa'nduk lagi wagaarak endage liiru mbanak wonok nugwi, at ogut eerak nogo alut eekwi, eeruwak nduk, awone kilirik paga inagabiti warak mendek eerit nage logonet, inambokan lagangge menggerak nggeewo peebi lagi wagaarak eebe nogo inom, imbirak ineenik ngge-ngge pigogo kani omoonuk wunuk mban ari menggim nogome nappiige kagarak.

Wayu 2:13

it an napuri o Peragamut time nggeeme wonogwe nogo an neenu o. It Ibilit oone konenggo menggam inenggela'me inom time aret menggaarak kwe, naput ambi noone liirogon woppunuk ko'lu-kii'me yoranet nege nagagerak Andipat nogo, it inenggela'me Tile wonage menggim inagota time aret wako mbareegwa, it iniki abet mba'nuk, an noone waganeegwaarak nogo, Mugurok noorak nineebi o, yinuk, yuurak kwe, kagak, Lek o. Nit ninowe Keritut aret me, at oone waganggoorak nogo ti, mondok aret porogo logowok o, yinuk, yogwe iigirak o.

Wayu 2:24

Ndi, it ando o Tiyatira wonogwe nogo, kwe ti, oone inom, Tile eeke menggerak kote kumaarak yogo menggaarak wone nogo inom, it mugurok naga'lek mbo pereegwaarak me, an nen aaninggin mendek ambi inoba piyoorak mbarulik kwe,

Wayu 2:9

it Ala apuri o Timirina eerit nogo menggaarak nogo, an neenu aret o. It aaninggin-paaninggin inoba age logonet, ineenggi lek age kwe, agi mendek paga ineenggi warak negen wonogwe nogo an neenu aret o. Ndi, it Yakuri mendek lek Ibilit eeke menggerak ndak-ndak eeruwok nduk kuwak eeko menggaarak nogo mendek kagak, we piliret, Nit Yakuri mendek aret o, yinuk, Ala apuri o Timirina mendek inoone miyuk-meya eerogo piigwi ti, neenu mban.

Wayu 20:10

Ndi, at aakumi inambokan lagangga Tile nogo, pigogo kani omoonuk wunuk mban ari menggim at nggeewo anini warak aa'nduk lagi wagaarak inom, at ore peebi lagi wagaarak pilit wone agan nege nagaarak nogo inom, imbirak wonogwe me nogome mbo nappege mbaki, liingge-kiyoma kani eyak andi nen mondok-mondok yagan yobak-nggolak wakwi iigirak.

Wayu 3:9

It aap Tile eeke menggerak ndak-ndak eeko logowok nduk, kuwak eeko menggaarak nogo, it Yakuri mendek lek kagak we piliret, Nit Yakuri mendek aret o, yinuk, yogo menggaarak nogo nen, Yi Ala apuri inom iniki abe kunik wonogwe iigo o, yinuk, it Ala apuri o Pilarelipiya mendek inabu'me tebe yi wa'nuk inoone konenggo logowak nduk, eeppiige neyaagun o.

Wayu 9:1

Konengge nagarik, wonage me, malayikat ineebe 4 oone nggwok eeka inarompet nogo oone eeko mbaka, ti'nuk, at ambi nen arompet eeke kagak, laaluguragan ambi mbogut paga nen nggween paga wambi wage kagarak. Wambi wagaarak nogo nen Kambunuk Nogo Menggam mbuun ambena ogu kiiniki paga lombok tu paaruwak nduk, kunci wogoge kagarak o.

Wayu 9:20

It ando andi nen kambulik teppiigerak ineenik wonogwe nogo nen, “Nit togop aret kambit nogwe niyo, ninagugiwak nogo ti, yi mendek ndi mendek inigen kogwe, ninoone inaruk konenggwi, tu nogwe, eekulik kagak we aanom warogo mbuti emas paga, mbuti perak nogo paga, mbuti tembaga etenggen kunik negen nogo paga, yugum paga, eyo paga, ogobakkigirogo punuk, alut eekwi, kugi inendage tiyappiigwi,