Wayu 12:2 - Ala Wone Peenok Peebi Mbanak

² Kwe nogo, abila wonage me, aagaluk ndariyak nduk enegen paganak andi nen yagan wake logonet, kwa ari kagarak.

Wayu 12:2 ပူးပေါင်းရင်းမြစ်များ

Yetaya 26:17

Kaliku ALA wae. Kwe ambi elege ndarikit nduk enegen paganak andi nen yagan wake logonet, kwa ari menggi kwak, Nit togop aret kat kenggaanom paga yagan wako nogoorak o.

Yetaya 53:11

Andi yagan wappunuk, “Aakumi obeelom eerogo piyaakit nduk, eekirak kagi,” yinuk, iniki ndonggo yigin o. “At eeppereegwaarak paga at iniki abe koonak nayeloman nogo nen, Aap abe o, yinuk, aakumi apit aret obeelom eerogo piige, Inomaluk inoba luurik wonage nogo piyangge, Eerigin o.

Yetaya 54:1

At Aliku ALA nen ari logonet, “Kwe ogonggelo nen mbo pereegerak nogo, aagalogwe ambik lombok wonage, Ndi, kwe ogonggelo warak aagalogwe mbereeluk wonage, Eekwi me, At aagaluk ndaka'lek kwe wubili ti, ndawi wake, Kwe enegen paganak yagan waka'lek ti, ale'nggen inikime nggelok ari logonet ndawi wake, Ale'nggen nen kwirabik-kwirabok ari, Eeke logowak o,” yinuk, yegerak me, yokkigi o.

Yetaya 66:6

O kota time nen noone-koone agan nogwe, Ala awi wurik me nen oone agan wage, Eekwi ti, kinaruk logonip o! Aliku ALA inom ogoorak nogo eekaarak onggo ndak-ndak eeppiige logonet, oone ari ti aret o.

Mika 4:9

Kit nonggop nduk, kinoone nggwok paga le yogo ogotik? Aap endagembogut eebe kinenggela'me wonage lek nduk, yogo ogotik ya? Ndi, kit panggombinagarak lek kenok, kwe aagaluk enegen paganak yagan wake menggi kwak, o yogondak andi nen kinoone nggwok paga yogo ogotik ya?

Mika 5:3

It Iterali inarum logorak woraagin nogo ti, mi'naremenggerak Aliku ALA omaawi eeppege kagak At ogoba Aliku Ala endage mondok iya abu abe me, ayuk wuke logonet, Ndomba ndegeninako mengga kwak, at apuri ndegeninake logogin o. At endage tiyanak menggerak nogo wiganinuk, o irip-irip time ari nagin me, apuri iniki ugun nu'lek aret logogun o.

Matiyut 24:8

it kumi elege ndaruwok nduk aa'nduk enegen paganak yagan wako mengga kwak, togop ndak-ndak aa'nduk kinoba aaninggin-paaninggin eeppinagage kaamunggup o.

Yaya 16:21

Kwe ambi aagaluk ndariyak eyom panggoni wagaatak paga enegen pagak ari kenok, andi kage menggerak kwe, nda'nage kenok perak, Naagaluk muk nda'nagaarak o, yinuk, ale'nggen mbake logonet, andi kegetak nogo mari age menggerak.

Nggalatiya 4:19

Ai, napuri, kit an niniki kunik me, kumi elege enegen paganak yagan wako mengga kwak, kit Ala apuri arubagip nduk, an kinake yagan wake aret wonagagirak kwe, yogondak kit Keritut obaabut ndak-ndak arubagip nduk, ambinom yagan wake agarik o.

Nggalatiya 4:27

Ala wone mbanak paga nen ari logonet, “Kwe ogonggelo nen mbo pereegerak nogo aagalogwe ambik lombok wonage, Ndi, kwe ogonggelo warak aagalogwe mbereeluk wonage, eekwi me, At aagaluk ndaka'lek kwe wubili ti, iniki ale'nggen mbake, Kwe enegen paganak yagan waka'lek ti, ale'nggen inikime nggelok ari logonet, keyage wake, Eeke logowak o,” yinuk, yereegerak liiru mbanak nogo ti, nit abet mbakwi apit ninowogolo kwe Tara aret o.

Wayu 12:4

At waalo nogo age paga laaluguragan mbogut paga wonage nogo ando iigak, ando sepertiga nogo pelenogo nggween paga mbo wuppit wage kagarak. Kage nagarik, waalo nggwok nogo nen, “Kwe nogo aagaluk ndake kenok, naakit o,” yinuk, kwe nogo owagam enaarak wonage kagak,