Wayu 12:15 - Ala Wone Peenok Peebi Mbanak

¹⁵ Ndi, nage kagak, niyo nen kwe ti wonok nawak nduk, niyo nggwok wu'nuk nage menggi kwak, at waalo nggwok nogo ambeme nen niyo kilirogo aru nggaruk nappegerak kwe,

Wayu 12:15 ပူးပေါင်းရင်းမြစ်များ

Wakkagagerak 3:1

Ndi, at Aliku Ala nen yi mendek ndi mendek inigen mbolok kwi endekem nugu menggaarak ogobakkigireegerak nogo obeelom wonogwe iigak kwe, at waalo oone amburu ndik-ndik ari menggerak nogo nen kwe nogo yori wage logonet, “At Ala nen eyoonggen-kalenggen yabume yime yarak abok aret mbanogo noorak mage o, yokkiragaarak nogo abet ilik, lek a?”

Ndawi 18:4

Kanggwi ageele paga pirik-perek eerogo panege, Niyo wu'nuk nage logonet, Mu kale'ngga wonok nage menggi kwak An togop aret ee'nake,

Ndawi 65:7

Niyo nggwok yenggenak laut oone wo ari, Kilaarak-mogonik eerogo nippit wage, Eeke nogo abolok lek eerogo pege, Aakumi noone-koone agan nogwe ti, inoone mbanogo piige, Eereegindak o.

Yetaya 28:2

O wiya omaawi nombok-kombok warit wage logonet o mayu kumulinggen wurabit wage, O mayu lubu-lubu wangge nagaatik, niyo nggwok wu'nuk wage logonet, yi mendek ndi mendek taganit nage, Eeke menggi kwak, At ninogoba Ala nen aap ambi omaawi abu alik negen nappi woramenggerak wage logomenggerik, O kota ti, anini nen togop aret eerogo pigin mbako logonip o.

Yetaya 59:19

Aliku ALA ambe aagi wumbegetak paga niyo wu'nuk wage menggi kwak wage kenok, Aakumi oonegen kilu yi nage menggim pa'nggwe wonogwe nen Aliku ALA endage tiyanak nogo wage kenok inagabiti mbakwi, It oonegen lagi wage menggim pa'nggwe wonogwe nen at obaanggi-obaangge li'luk eekko'nok wage kenok, ayuk wukwi, Eerugun o.

Yetaya 8:7

Niyo Eparat wu'nuk wage logonet, ambet paga kilu-kilu wundit nage, Elaganggen paga linogo pit nage, Niyo mban uwe ndenit yi mendek ndi mendek taanogo pit nage, Yenggenit aakumi inenggaanok kuli ari lagangge logonet o irip-irip ndak wa'narit nage, Eeke menggi kwak, It Atiyut inowe endagembogut, Wi, ugwi iigak, eerit wage menggerak nogo nen Inogoba Imanuwen an nanggween o Yekura togop aret aan mbelenggabi unggwi woraawak nduk, nappi woraagin o,” yinuk, yo'nereegerak.

2 Korindut 11:3

Waalo oone amburu ndik-ndik kwe Kawa yoge logonet, at ambokan laganeegerak pogom, it aap alik nen inoone amburu ndik-ndik yokkirogwe iinok, “Keritut oone mban konenggo logowok o,” yinuk, abet aret miireegutak nogo mbo punuk, nomonggiren nogwe iyo, nagabiti mbake logonet, yokkirage agarik o.

Wayu 12:16

nggween nogo nen kwe nogo yeenggwaage logonet, ambe nggaganogo punuk, niyo kole nage kwak ambeme nen kilirogo nappegerak nogo, nggween ambe nggaganak me time wuppege kagarak.

Wayu 12:9

at waalo nggwok nogo awuri inom mbelenogo nggween paga mbo wuppiya wage kagarak. Wuppiya wage mbaki, waalo nggwok mbo wuppi wagaarak nogo ti, o maan nen yi aakumi ndi aakumi abok aret inambokan lagangge menggerak Ibilit nogo ti, Tile aret me, at awuri inom abok aret mbogut paga nen mbelenogo nggween paga wuppiya wogwe iigirak o.

Wayu 17:15

Yo'nege nagaarik, ambinom yo'nege logonet, “Yi niyo ndi niyo kunit wage menggim nogobak-kogobak paga kwe yawukak kwi'ndak wonage kagandak nogo ti, yi aakumi ndi aakumi inanebunu lombok inom, aakumi ugun inom, inagabolo alitak inom, inoone alitak inom, ineebe ti aret iigendak o.

Wayu 20:2

Wambi wage nagaarik, at waalo nggwok tinambe negen o maan togon aakumi inambokan lagangge menggerak Tile ti, Ibilit aret me, at pigogo mbutigeele nogo paga maappunuk, tahun seribu logowak nduk,