Wayu 12:14 - Ala Wone Peenok Peebi Mbanak

¹⁴ wake kero, o at logowam ogobakkigirogo pereegim karume nogome nawak nduk, Ala nen towe wu a'naabit kokwak, kwe nogo, a'naabit warak eeppege mbaki, wuga agan o nogome namenggerak wonage me, Ala nen arum wonage kagak, tahun kenagan eeppunuk, ambi oolo eeruwak nduk, nage kagarak.

Wayu 12:14 ပူးပေါင်းရင်းမြစ်များ

Ndawi 55:6

Togop ee'nake kenok, an nen ari logonet, “Towe kurona wiganinuk nege menggi kwak, An na'naabit warak eeppunuk, Wiganinuk o abolok lek menggim nage,

Wundeegwaarak 19:4

An nen it aakumi Metit mendek eerogo piyareegirak nogo inom, ndi, towe wu aagaluk a'naabit paga kwippunuk, wonok nage menggi kwak an nen nonggop negen agago inaani wogoren yime piya wagarak nogo inom, ti muk neegaarak o.

Yetaya 40:31

It aap, “Aliku ALA nen eeppinani woraawak o,” yinuk, iniki lunik wonogwe nogo perak, Inomaawi lek aremenggerak nogo inomaawi eekkologo logomenggaarik, Towe nggindooni a'naabit omaawi paga wiganinuk nege menggi kwak, we negen nugwi, Inomaawi lek aga'lek tu mbe agan nogwe, Iniki lek aga'lek op aret nogwe, Eeko logogun o.

Ndaniyen 12:7

Yoge mbaki, at ayum yawenak yirik niyo eneerime pa'nggwe mi'ndak wonage nogo, eenggi peenok-peenok imbirak mbogut paga nippunuk, at mondok-mondok eenik menggerak endage kumbunuk, kumbuk mbangge logonet, “Ti eerigin nogo ti, ne ambi eyom eeke, ti'nuk, ne mbere eyom eeke, eeppunuk, ne ambi eyom oolo eeke ti paga aret arigin o. It aakumi alik leenak inomaawi wonogwe nogo aaninggin-paaninggin inoba piyamenggaarak paga inomaawi lek ari nage eyom iya tit eeriyak ti abok aret a'me nggelok yi woraagin o,” yoge konenggirak.

Ndaniyen 7:25

At nen at Tiyanak Lombok Menggerak nogo meek eerogo pege, at apuri alik leenak nogo aaninggin-paaninggin eerogo piige, eeke logonet, Ndi eyom paga ndogop eeriyak, wone yugu inom, eeko logorak wone yugu inom, mbo punuk, alik koongge logowak nduk wakkage, eeremenggerak me, at Tiyanak Lombok Menggerak apuri alik leenak nogo, eenggime piyamenggerak wonogwe iigak, tahun kenagan eeppunuk, ambi oolo aret eerigin o.

Ndaniyen 8:14

Nabi paga yo'nege kage mbareegi, at nen onggo an yo'nege logonet, “Ko'lu-kii'me kubondendok nen lingginit kiyoma ari nage ne lambunik ti, dua ribu tiga ratus arigin o. Ti age logomenggerik, at alut eeke menggim alik leenak nogo aa'nduk obeelom wonagagi kwak aret arigin o,” yinuk, yo'nege kagagirak.

Wayu 12:6

Pi lagangge mbaki, agalo nogo, logowam Ala nen ogobakkigirogo pereegim karume aakumi lek me time kole nagaarak wonage me, Ala nen arum wonage kagak, nogo seribu dua ratus enam puluh yit nage kagarak o.

Wayu 17:3

Kage nagarik, wonage me, Aberiniki ninikime lik ari mbaki, malayikat nen wo'neren karume aakumi lek me time pani nagaarak wonage me, nggeewo nggwok anini warak ambi eeruwak maa'ngga kunik, ndi, anobak 7, ndi, aruk alom me eyak 10 wonage nogo, amborowak paga kwe ambi kwi'ndak wonage kagarak. Ala miyuk-meya eerogo pogo logonet, yogo menggaarak abok aret nggeewo eebe nogo paga liiru mbanak kuurik lek aago wonage kagarak.