Wayu 12:10 - Ala Wone Peenok Peebi Mbanak

¹⁰ Mbelenogo wuppiya wogo mbaka, oone nggwok ambi mbogut paga nen ari logonet, “At Ala enggaanom paga ninoreewi Ala apuri ko'lu-kii'me pilit wone inoba piige menggerak nogo, muk wuppi wagaarak me, At Ala omaawi paga Tile tebenogo punuk, apuri inagap ndake, Ninogoba Ala nen it yi aakumi ndi aakumi abok at abu'me piige, Ndi, Kinowe endagembogut yi aret o, yinuk, leenogo pereegerak Keritut nogo, oone mban konenggwi, Eeke logorak eyom ari waga o.

Wayu 12:10 ပူးပေါင်းရင်းမြစ်များ

1 Mbinineegwaarak 29:11

Kaliku nogoba ALA o. Mbogut-nggween unde wonage kat aret me, Yi aap ndi aap iigak, Kat mondok iya, komaawi ambik, Kendage tiyanak, kayuk warak, Aakumi nen wiigugo agaarik o. Kaliku nogoba ALA o. Yi aap ndi aap inabu'me piinok, Wonogo menggam tebenak iigak, Kat kabu'me piinok, Wonage menggenom abu tiyanak aret o. Yi mendek ndi mendek abok tebenak iigak, Kalik mban tiyanak inarum wonage o.

Ayup 1:11

Togop aret me, at amendek abok aret keenggime woppunuk, lek eerogo pege keenok perak, pulunogo pagagin mbake logot o.”

Ayup 1:9

Yoge mbareegi, Tile nen wone onggo Aliku ALA yoge logonet, “Aap Ayup ti, we aret kayuk wuke menggerak mbake agandik ya?

Ayup 2:5

Togop me, aap Ayup eebe lombok maluk eeppege keenok perak, mondok lok togon pulunogo pagage kaamunggun o.”

Ndawi 45:6

Nogoba Ala wae. Koone lengganogo yorage menggenom ti, Mondok-mondok aret logogin o. It kabu'me menggaarak inawone mondok koonak mban mbangge menggendak ti, Mbim obate mbanak ti kwak aret me, Kat in wakkagak agan nogo logogun o.

Ndaniyen 2:44

It aap inendagembogut a'nuk wone lengganogo yorogwe ti eyom paga at mbogut unde menggerak Ala nen aap ambi aakumi abu'me piinok logowak nduk mondok-mondok omaawi lombok eerogo pigin me, aakumi nen lek eerogo pugwi, aakumi inambik nen unde eekkologwe, eerugun lek o. At abu'me piinok logowam mippemenggerak nogo nen it aakumi eegu inabu'me piinok menggam abok aret tebenogo piige, lek eerogo piige, eerigin kwe, at abu'me piinok logowam mippemenggerak ti perak, mondok aret logogin o.

Matiyut 26:64

Yoge mbareegi, at Yetut nen, “Yagandak ti aret o. Togop me, kit abok aret an ambi yokkira o. O yogondak yi kuli paga nen an aap aret nda'nagagirak yi, at Omaawi Lombok Menggerak eenggi abe'nggan kwi'ndak wonage logominggirik, mbogut paga ndugwi enggela'me wambi wage neyaamunggup o, yinuk, yokkiragi o.”

Matiyut 28:18

Yetut nogo inowagam panggo yi wage nagagerik, yorage logonet, “Ala nen mbogut paga inom, nggween paga inom, an unde logokit nduk, awone abok aret kili'nereegerak me,

Matiyut 6:10

Nit kat kabu'me logowok nduk, eeppinani mok o. Mbogut paga kat kiniki mbake menggendak eeko mengga kwak, Nit nggween paga yime togop aret eeko logowok nduk, eeppinanu o.

Lukat 11:2

Yoge mbareegi, at Yetut nen, “Kit tamban yogobi eeko logonip o. Ninogoba o! Kat kendage abu abe alik leenak menggendak me, tiyappagago ogoorik o. Nit kat kabu'me logowok nduk, eeppinani mok o.

Lukat 22:31

Yorage nagagerik, “Timon wae! Karuk logot o. Gandum eebe leennaruwak nduk, ameneno ndegenggo mengga kwak, at Ibilit nen kat togop aret eeppagawak nduk, Ala yoge mbaki, E o, yegerak kwe,

1 Korindut 5:4

wumbubagip nduk, ninowe Yetut endage paga yokkiragi o. Ne ambi paga kit Ala apuri kuwak eekwi me, neebe kinom wonage lek kwe, niniki kinom aret kuwak eekwi me, aap ti yogo logonet,

2 Korindut 12:9

Ala nen an yo'nege logonet, “Aaninggin-paaninggin inoba age kenok, an nomaawi mondok iya lombok minggirak kin kaawak nduk eeppiige me, aaninggin kat koba agaarak nogo, Nogoba Ala nabuwa nen omaawi ndak-ndak eeppanege logogin, mbake logot o,” yinuk, yo'nereegerak me, Keritut omaawi eeppanege kaakit nduk, andi ee'nake nogo ti, niniki ale'nggen ambik mbake logonet, “Op eeppanigi,” mbake minggirak.

Titut 2:3

It kumi inanggok ti, it eeko menggaarak liippunuk, Ala ayuk wuko logonet, eeko logowak nduk, aap inanggok yoroorak yokkigirak nogo ndak-ndak aret yorage logot o. Inambe irip paga wonok nugwi, amburu kumili aganake mendek ndonggorogon nunggwi, ti eeko logorak lek o. Ata, wone abe wone kenok mban mamunirogo logowak nduk, yorage logot o.

1 Peterut 5:8

Kit kinom ogoorak monggotak Tile nogo nen maluk eekkinabikit nduk, nggeewo anini warak pogom nibingginaburak eyak nde agan kwaakkinabit nege me, kit mondok kiniki warak a'nuk, kinagaket paga logonet, tum wakkologo logonip o.

Wayu 11:15

Yo'nege mbaki, nenegen wonage me, malayikat 6 inarompet oone eeko mbaka, ambi nogo nen arompet nogo oone eeke mbaki, it mbogut paga time nen inoone nggwok yogo logonet, “O nggween paga time aakumi inabu'me piinok menggam abok aret, at ninogoba inom, at leenogo mippereegerak Keritut inom, imbirak inoone konenggo logowok nduk, inabu'me ari waga o. Ari wogwe iinok, Keritut nogo nen inowe endagembogut logonet, mondok-mondok wone lengganogo yorage logogin o,” yinuk, yogwe iigirak.

Wayu 2:26

It Ala wone mbo pega'lek mondok nu'lek porogo logonet, an eeriyak mbake minggirak nogo eerit nogwe iigak, o age yobok ari wage kenok, an nogoba nen aakumi inanebunu lombok inarum logokit nduk, mippaneegerak nogo kokwak, it togop aret, yi aakumi ndi aakumi inabu'me piinok, wone lengganogo yorogo logowak nduk, mippiyaagin o. Ala nen ari logonet, Mbim obate mbanak eenggime logonet, Oone omaawi paga wone lengganogo yorage, Ndi, yi mendek ndi mendek nggween nggabok paga ogobakkigirik nogo, Telenogo pogo mengga kwak, eerogo piige, Eerigin o, yinuk, yereegerak nogo ndak-ndak eeko logogun o.

Wayu 7:10

inoone nggwok yogo logonet, “Wone lengganogo yorage menggenom kwi'ndak wonage kat ninogoba Ala nogo inom, Kat Ndomba Aagaluk inom, Kimbirak nen ninagap ndareegutak me, wa,” yinuk, yorogwe iigak,