Wayu 11:6 - Ala Wone Peenok Peebi Mbanak

⁶ It aap ineebe mbere nogo ti, iniki koombunuk, “O kibi paga wone yorogo logowam mayu woraagun o,” yinuk, yogwi iinok, mayu waga'lek puk wonage, “Niyo yi, amiya aru o,” yogwi iinok, amiya aret age, ndi, “O nggween paga yime kugi lengga ndi wu'naru o,” yogwi iinok, kugi lengga ndi wu'nage, togop aret eerit nogo logowak nduk, Ala nen unde eeppiige kagarak o.

Wayu 11:6 ပူးပေါင်းရင်းမြစ်များ

1 Endagembogut 17:1

Aap awi o Nggileyat yaga'lelo Titebe mendek Eliya nogo nen aap Akap yoge logonet, “An yaga'lek neegak yi tahun ndi tahun paga mayu wage, miinanggen luurogo pege, eeka'lek aret kaamunggun o, yinuk, at ake eeke minggirak Aliku Iterali inogoba Ala eenik menggerak endage kumbunuk, yokkigi o,” yoreegerak

Lukat 4:25

Aap Eliya wonage eyom paga mayu waga'lek me, yi awi ndi awi apit mbi noogelo aganabeegerak kagak, tahun kenagan eeppunuk, ambi eeke oolo paga Iterali iname time kumi togwe ineebe ambik wonogogwaarak kwe,

Wayu 11:3

Ndi, it aap ineebe mbere noone yorogo logowak nduk, nappiyaminggirak nogo nen aakumi iniki puru yogo logonet, inayum nibinik maluk mendek yiko mengga kwak yirik logonet, an noone yorogwe iigak, nogo seribu dua ratus enam puluh yogo logogun o,” yinuk, yo'nege kagarak.

Wayu 16:3

Malayikat nen Ala anini arologowa'na toolak nogo kilirogo wuppege mbaki, ore ambi nen arologowa'na toolak nogo niyo nggwok yenggenak laut nogo paga kilirogo wuppege mbaki, niyo nogo aakumi inookaatak inamiya negen age logonet, niyo inikime nugu menggaarak nogo mendek abok aret kambit nogwe iigirak.

Wayu 16:4

Malayikat mbere nogo nen Ala anini inarologowa'na toolak nogo, abu kilirogo wuppogo mbaka, ambi arologowa'na toolak nogo wonok niyo nage paga inom, eneeri wundit nage paga inom, kilirogo wuppege mbaki, niyo ti abok aret aakumi inamiya pogom age mbaki,

Wayu 8:8

Malayikat ambi oone nggwok eeka arompet nogo, oone eeke mbaki, ti'nuk, inore ambi nen arompet eeke kagak, puut nggwok ambi kani wunuk agan yi nggwok yenggenak laut nogo paga kwi'nari wangge mbaki, yi nggwok yenggenak ando mogonogo teppege logonet, ando sepertiga nogo amiya eerogo pegerak me,

1 Tamuwen 4:8

It inagugi omaawi mondok iya me, ineenggime nen ta nen ninagap ndarigin o. It aakumi Metit mendek o karume aaninggin-paaninggin inoba piyareegerak kambit nogo nogogwaarak nogo, inagugi ti nen aret inooke nagagerak me,