Wayu 11:2 - Ala Wone Peenok Peebi Mbanak

² Eerit nage logonet, Ala awi wurik me oore'nggam endekem nogo wakkaagun o. It aakumi endekem mendek nen o kota abe alik leenak menggim nogome iniyok aambele eerogo pit nogo logonet, Ala awi wurik me oore'nggam endekem time inom aambele eerogo pit nogwe iigak, tut 42 peneniyak koonak me, wakkoorak mage o.

Wayu 11:2 ပူးပေါင်းရင်းမြစ်များ

Ndawi 79:1

Ala wae. Keyate kanggween wo'niragaginom nogome Aakumi inanebunu lombok nen tebenggola unggwogwe, Kawi wurik abu abe alik leenak nogo maluk eerogo pugwi, O Yerutalem yigirik-noonom eerogo pugwi,

Yetaya 5:5

Neyabu anggur yarak eeriyak nogo ti, yora o. Neyabu anggur yarak eyagat wurik nogo minogo pege neenok, lek eerogo nunggwi, Yugum yagat wurik langgunogo pege neenok, nggwiya unggunuk, iniyok aan lebenogo pit nogwe, Eerugun o.

Yetaya 52:1

O Tiyon yi wae. Pilak yu o. Pilak yu o! Yum yiko mengga kwak komaawi eekkolage, O kota abe alik leenak Yerutalem yi wae. Kayum abe yirik keenok, “Wi,” kugwi nogo aret yikkolage, Eeke logot o. It aap inagabolo mbanak lek maluk inoba lenggenak wonogwe nogo nen kinikime ambinom unggwi woraagun lek aret o.

Leendawi 1:10

Awim nen amendek obeelom iniki kundugu nogo waganeegwaarak o. Kaliku ALA nen, “Nawi wurik abu leenak nogome aakumi ugun ungguurak lek an napuri nen mban unggwi nogo logorak,” yereegindak kagak, Yi aakumi ndi aakumi endekem mendek nen unggwi nogwe enegen iyareegerak o.

Yetikiyen 4:6

Ti abu aret eeke keenok, keeben abe'nggan paga winna'nuk wonage keegak, it Yekura mendek inomaluk onggo eeppiyoorak wakkagak koba pagaminggirak wonage kagak, nogo ambit yuurak ti, tahun ambit paga inomaluk onggo eeppiige logorak kwak aret koonogo pereegirak me, nogo 40 aret yit nage logomunggun o.

Yetikiyen 42:20

Ambe agi-ogu, aru-ogwe wakkagagerak. Alik leenak inom, alik leenak lek inom, ogoorak logowak nduk, yugum yagat wurogo pit nagagerak irip nggorek ti, waanggun wakkagak paga lima ratus wakkage, ambe wiganak waanggun wakkagak paga lima ratus mban wakkage, eeke kagagirak.

Ndaniyen 12:7

Yoge mbaki, at ayum yawenak yirik niyo eneerime pa'nggwe mi'ndak wonage nogo, eenggi peenok-peenok imbirak mbogut paga nippunuk, at mondok-mondok eenik menggerak endage kumbunuk, kumbuk mbangge logonet, “Ti eerigin nogo ti, ne ambi eyom eeke, ti'nuk, ne mbere eyom eeke, eeppunuk, ne ambi eyom oolo eeke ti paga aret arigin o. It aakumi alik leenak inomaawi wonogwe nogo aaninggin-paaninggin inoba piyamenggaarak paga inomaawi lek ari nage eyom iya tit eeriyak ti abok aret a'me nggelok yi woraagin o,” yoge konenggirak.

Ndaniyen 7:19

Yo'nege mbaki, nggwiya ineebe kenagan nogo lek ogwe iigak, ambi abu alik, ayilik warak lombok eyak mbutimanggen kunik, iyogobit mbuti tembaga aago linik, eerak me, at noorak mbaketak nogo, eyak ti paga yigirik-noonom eerogo nengge logonet, ando yumbunogo pege nogo, iyok paga aan lebenogo pit nage kagarak nogo ti, alom liirogon yo'niruwak nduk yoge,

Ndaniyen 7:25

At nen at Tiyanak Lombok Menggerak nogo meek eerogo pege, at apuri alik leenak nogo aaninggin-paaninggin eerogo piige, eeke logonet, Ndi eyom paga ndogop eeriyak, wone yugu inom, eeko logorak wone yugu inom, mbo punuk, alik koongge logowak nduk wakkage, eeremenggerak me, at Tiyanak Lombok Menggerak apuri alik leenak nogo, eenggime piyamenggerak wonogwe iigak, tahun kenagan eeppunuk, ambi oolo aret eerigin o.

Ndaniyen 8:10

Eyak ti, mondok nggwok arit it mbogut paga ineegin warak menggam ari laganuk, it laaluguragan negen mbogut paga menggaarak ando nogo ti, nggween paga mbo wuppiya wa'nuk, iyok paga aan mbiranogo piinet nage kagagirak.

Ndaniyen 8:13

Ti'nuk, at alik leenak ambi nogo nen wone ari mbareegi, at alik leenak ambi nen onggo yoge logonet, “Ko'lu-kii'me ake warogo wogogwi nogo lek age, Ala ambinom mugurok noorak nineebi o, yinuk, inenggaawak lek eerogo pakwi, ndi, at alut eeko menggam alik leenak wonage nogo maluk eerogo pugwi, at mbogut paga menggerak awuri ineegin warak tebenogo piinok, iniyok aan lebenogo piigwi, eekwi kabinggaanggo paga kagandak nogo, eekwi iigak ne mande ari nagin mbaken o?” yinuk, nabi paga yo'nege kagagirak.

Ndaniyen 8:14

Nabi paga yo'nege kage mbareegi, at nen onggo an yo'nege logonet, “Ko'lu-kii'me kubondendok nen lingginit kiyoma ari nage ne lambunik ti, dua ribu tiga ratus arigin o. Ti age logomenggerik, at alut eeke menggim alik leenak nogo aa'nduk obeelom wonagagi kwak aret arigin o,” yinuk, yo'nege kagagirak.

Linggineegwaarak 14:34

O inigen yombooni nogwe iigak, nogo 40 aret yegaarak nogo ti, nogo ambit yegaarak ti, tahun ambit eeriyak kwak aret me, an nambot iige ineenu aruwak nduk, inomaluk onggo inoba piyaminggirak aaninggin piyaninuk nugwi iigak, tahun 40 aret eerigin o.

Matiyut 27:53

ndoome nen wundit wogogwaarak. Ndi, at Yetut eenik a'nuk, mi'nage mbareegi, it nogo o kota Ala ake leenak menggim nogome unggwogo mbareegwa, aakumi ambik nen inigen iyareegwaarak.

Matiyut 4:5

Yoge mbareegi, at Ibilit nen Yetut wonok o kota Ala ake leenak menggim nogome nage nagagerik, Ala awi wurik kirin paga pi lagangge nagagerik,

Matiyut 5:13

Wone ambinom yorage logonet, “O nggween paga yime mayu andi warak wurik pogom ti, kit aret kwe, mayu andi lek wurik kenok, nonggop agago andi warak eerogo puurak mbakop? Andi wonage nen, ambi eeriyak op aret kwe, andi lek kenok, mbo pegaatak me, aakumi inigen kogo nagaatik, Yi abe lek me, yinuk, iniyok paga pelenogo nappit nogo menggaarak aret o.

Lukat 21:24

Ando tege wooluwak paga inookwi iinok kanggwi, ando keele maarogo yi aakumi ndi aakumi inawi lombok time piya nogwe, eerugun o. Ndi, at Ala nen, It aakumi endekem mendek unde iigak, Tahun ndogop eeko logogun o, mbareegerak nogo a'me lik yega'lek kagak, it aakumi endekem mendek nen o Yerutalem iniyok aan lebenogo pit nogo logogun o,” yinuk, yoragagerak.

Iberani 10:29

Togop aret eeko menggaarak me, nit Ala wone koonogo yo'niragagerak nogo, abet mbako logonet, at apuri inomaluk lek eerogo punuk, ake leenak logowak nduk, amiya wundeegerak nogo, aap ambi nen, “Wone ti, abe lek o,” yinuk, Ala aput iyok kenden aambele eerogo negen pege, ndi, at iniki kunik en obeelom eeppinanege menggerak Aberiniki nogo inom miyuk-meya eerogo pege, eeke kenok, at teppigin mbakop? Mondok lek o. Ala nen maluk onggo mondok alik negen at oba kwippege kaamunggup o.

Wayu 11:11

Kage nagarik, nenegen neegak, nogo kenagan yippunuk, o ambi weegerak liingge paga Ala nen ambebubu aap mbere nogo inikime mambiige mbaki, it apit inigen iigak, ineenik a'nuk, mi'nogo mbaka, mbogut paga nen oone nggwok ari logonet, “Lagi wa'nip o,” yorage mbaki, inaruk konembunuk, “It op kangga o,” yinuk, inale'nggen mbakwi nogo inigen iigak, ndugwi enggela'me mbogut paga laganggwi iinok, aakumi nogo nen, “Ia!” yinuk, iniki ma'nogo logonet, inagabiti ambik ogwe iigirak.

Wayu 11:3

Ndi, it aap ineebe mbere noone yorogo logowak nduk, nappiyaminggirak nogo nen aakumi iniki puru yogo logonet, inayum nibinik maluk mendek yiko mengga kwak yirik logonet, an noone yorogwe iigak, nogo seribu dua ratus enam puluh yogo logogun o,” yinuk, yo'nege kagarak.

Wayu 12:6

Pi lagangge mbaki, agalo nogo, logowam Ala nen ogobakkigirogo pereegim karume aakumi lek me time kole nagaarak wonage me, Ala nen arum wonage kagak, nogo seribu dua ratus enam puluh yit nage kagarak o.

Wayu 21:10

Yo'nege nagaarik, Aberiniki ninikime lik ari mbaki, neebe wo'neren puut nggwok tiyarogon nogo paga pani lagangge nagaarik, o kota abu alik leenak Yerutalem ngget ogobakkigirik Ala wonage me mbogut paga nen wambi wage, “Ti ket o,” yinuk, yo'negerak.

Wayu 21:2

Kage nagarik, kwe ambi ogonggelo kolaakit nduk, amindik-amendek li'luk eekko'nok wage menggi kwak, o kota abu alik leenak Yerutalem ngget ogobakkigirik nogo, Ala wonage me mbogut paga nen wambi wage kagarak.

Wayu 22:19

Ndi, at Ala nen, Ineenik aganaka anggen nunggwi, o kota obeelom alik leenak nogome unggwi nogwe, eeko logorak o, yinuk, yereegerak mbuku yi paga liiru mbanak wonage kwe, peebi eeriyak wone yokkege neegak liiru mbanggendak yi, aakumi nen konembunuk, ando waganggo logonet, Ando ti woorak lek o, yinuk, mbo pugwi iinok, at Ala nen it aap ti, anggen nogo nunggwi, ndi, o kota nogome unggwi nogwe, eerugun lek, Kit endekem aret logonip o, yinuk, yoraagin.