Wayu 11:19 - Ala Wone Peenok Peebi Mbanak

¹⁹ Yogo mbaka, Ala awi wurik mbogut paga nogome tu paa'nage mbaki, Ala aloobut mbanak wone yoragagerak liiru mbanak yonggolak wonage nogo, kin ari wage kage neegak, o yabok eeke, ngguurubu ari, mi nuk ari, mayu kumulinggen mondok lubu-lubu wangge, eeke kagarak o.

Wayu 11:19 ပူးပေါင်းရင်းမြစ်များ

Ndawi 105:32

At nen iname mayu wage nogo obaane'me mayu kumulinggen wurabit wage, O kimbik iname paga pindanogo nappit wage,

Ndawi 18:12

Enaame eya ndelenak-welenak aago logonet, Ndugwi kilanogo wumbit wage, Mayu anggen wambit wage, O kimbik pindanogo nappit nage,

Yetaya 28:2

O wiya omaawi nombok-kombok warit wage logonet o mayu kumulinggen wurabit wage, O mayu lubu-lubu wangge nagaatik, niyo nggwok wu'nuk wage logonet, yi mendek ndi mendek taganit nage, Eeke menggi kwak, At ninogoba Ala nen aap ambi omaawi abu alik negen nappi woramenggerak wage logomenggerik, O kota ti, anini nen togop aret eerogo pigin mbako logonip o.

Yetaya 30:30

At Aliku ALA oone ari kenok iya mbakwi nogo it aakumi inaruk konenggwi, Ndi, mayu lubu-lubu wangge, o wiya omaawi warit wage, mayu kumulinggen wangge, eeke kagak, at anini mondok alik negen mbake, Kani iri'ngga nenet nage menggi kwak at anini togop aret age, Eeke logonet, eenggi omaawi paga aaninggin inoba kwippiya wage nogo inigen kogwe, Eeruwak nduk, Eeppiyaagin o.

Yetaya 32:19

O mayu kumulinggen nen eyoongga kunik taganogo pit nage, Inawi kota nogo langgunogo punuk kobappaga eerogo pege, Eeremenggerak kwe,

Yetikiyen 13:11

kat nen it yagat nggween nggabok anggup paga wukwi ti, yorage logonet, Aliku ALA nen, Mayu nggwok lubu-lubu wurabit wage, mayu kumulinggen wuppit wage, o wiya oone pu warit woraawak nduk, eeppege, eeke logonet, yagat ti, langgunogo pigin, yegerak, yoraamunggun o.

Yetikiyen 13:13

Togop aret me, Naliku Nitok Minggirak an ALA nen eeriyak nogo yi aret o. An nanini nen o wiya omaawi warit woraawak nduk eeppege, nanini nen mayu kumulinggen wuppit wage, mayu lubu-lubu wuppi wage, eeke logonet, yugum yagat wurik ti, yigirik-noonom eerogo pigin o.

Yetikiyen 38:22

Ndi, at inom, awuri ineegin warak inom, aakumi inanebunu ambik lombok at inom ogogwaarak nogo inom, it maluk eekwi onggo kugilingga inoba kwippiige, ineebe inoorogo piige, mayu lubu-lubu inoba wuppi wage, mayu kumulinggen inom, mayu negen kani kunik kwindagala aago inom, inoba kwippiige, eerigin o.

Linggineegwaarak 10:33

Yoge mbareegi, it aakumi Iterali nogo at Aliku ALA abuut nogo mbo pogo nogogwaarik, Aliku ALA wone yugu aloobut mbanak me yonggolak wonage nogo aa'nduk inengga loolo punuk, inawooliya wuppunuk logorak kwaarit nogo logonet, nogo kenagan yit wogogwaarak.

Linggineegwaarak 4:15

Aap Karun apuri inom nen mage menggim yi mendek ndi mendek wonage nogo li'luk eerogo pugwi, mage menggim yi eekak ndi eekak eeko menggaarak alik leenak nogo, abok aret nggerenogo pugwi, eeppunuk, it Iterali inawooliya minogo punuk, ambime noorak eekwi iinok, it Kekat mendek nen yi mendek ndi mendek wonok nawak nduk, wa ungguwak o. Wa unggwogo logonet perak, kambukwak me, yi mendek ndi mendek eekak ake leenak nogo ti, mbaanggagwaarik o. Yi mendek ndi mendek eekak ninom lambungge minggim wonage nogo, it aap Kekat mendek nen mban wonok nogo logowak o.

Linggineegwaarak 4:5

Kit kinawooliya minogo pit nanuk, ambime noorak age kenok, at Karun inom, apuri inom, nen nawooliya wurik me unggunuk, yum oolo tugunik nogo nggoorogo waganggo logomenggaarik, an noone yugu naloobut mbanak yonggolak nogo, obaga lenggenogo punuk,

Yotuwa 10:11

Inoorit nogo mbareegwa, it aap Amori mendek nogo tu Mbet-Koron paga mbaganit o Ateka ari nogwe me, at Aliku ALA nen mayu kumulinggen nggwok lombok inoba mbo wuppit wagagerak paga kambit nogogwaarak ti, ineebe ambik lombok aret o. Ndi, aakumi Iterali inawooluwak paga inooreegwaarak nogo ti, ineebe mbereeluk aret inooreegwaarak o.

Wayu 11:13

Awo pi wogonakwi iigak, mi nggwok nuk-nuk eeke kagak, o kota time aakumi inawi ambik wurik nogo ando teppege, ando sepersepuluh langgu-langgu nage, eeke logonet, aakumi apit ineebe tujuh ribu aret aambeleninake mbaki, it ando teppiigerak nogo inagabiti nen at mbogut paga menggerak Ala nogo mondok tiyappugwi iigirak.

Wayu 11:15

Yo'nege mbaki, nenegen wonage me, malayikat 6 inarompet oone eeko mbaka, ambi nogo nen arompet nogo oone eeke mbaki, it mbogut paga time nen inoone nggwok yogo logonet, “O nggween paga time aakumi inabu'me piinok menggam abok aret, at ninogoba inom, at leenogo mippereegerak Keritut inom, imbirak inoone konenggo logowok nduk, inabu'me ari waga o. Ari wogwe iinok, Keritut nogo nen inowe endagembogut logonet, mondok-mondok wone lengganogo yorage logogin o,” yinuk, yogwe iigirak.

Wayu 12:1

Eeke kage nagarik, mbogut paga time eerubok mendek mondok iya lombok ambi eeke kagarak. Kage logonet, kwe ambi tut eebe paga mi'ndak wonage me, ambogoyum negen ti, oonegen aret yirik, ndi, anobak paga nggare-nggare mendaarak enggela'me laaluguragan 12 nabenak wonage kagarak.

Wayu 16:1

Ti eeke kage nagarik, Ala awi wurik me nen oone nggwok ambi it malayikat ineebe 7 nogo yorage logonet, “Ala anini togolowak 7 paga toolak ti, wonok, aakumi nggween paga wonogwe ti, inoba kilirogo wuppiya nanip o,” yinuk, yorage konenggirak.

Wayu 16:18

Ari mbaki, o yabok mondok kunik-kunik eeke, o ngguurubu ari, ndi, maan aakumi wakkagagerak kuli nen, nok, yogondak kuli paga togop eekeelik kwe, o mi mondok alik negen nuk eerit wage logonet, nggween mondok abut laganak-mbaganak eeke, eeke kagarak.

Wayu 16:21

o mayu kumulinggen yo'nggok lombok aaninggin wakkage logonet, 40 kilo negen mbogut paga nen aakumi inoba wuppit wage mbaki, mondok iya tit kambit nogo logonet, “Ala anini nen mayu kumulinggen paga ninooke yi, nineebi a,” yinuk, inanini agaket yogwi iigirak o.

Wayu 19:11

Yo'nege kage nagarik, mbogut paga tungga paarak wonage kagak, aap ambi endage Abet Mban Ari, Liirogon Eeke, Eeka nogo, kuda yanggwi negen amborowak paga kwi'ndak wage kagarak. Wage nagaarik, liirogon inowak loonogo a'me nggelok mban onggo wogorage, wim liirogon aret nambuke, eerit nage kagarak.

Wayu 4:1

Ti yo'nege mbaki, nabinggaanggo ambi kage logonet, o mbogut paga time tungga ambi paarak kage neegak, nogome nen aap ambi nen oone nggwok eeka trompet oone nggwok ari pogom aa'nduk yo'nege konenggirak nogo ambinom yo'nege logonet, “Yogondak eeriyak kagandak nogo eeppunuk, peebi eeriyak nogo titikkirikit nduk lagi mok o,” yinuk,

Wayu 4:5

At wone lengganogo yorage menggim time nen o kimbik pindanggage kagak, oone ngguurubu agan wundi wage kagarak. Ndi, wone lengganogo yorage menggim enaame nggwe taati ndi 7 wuninik wonage kagarak. Ndi 7 nogo ti, Ala Aberiniki eeke menggerak alom 7 nogo aret o.

Wayu 7:15

Wone lengganogo yorage menggim Ala enggaanom time logonet, Ko'lu-kii'me Ala awi wurik me ake eekwi iigak, At wone lengganogo yorage menggim eyo ndoonak paga kwi'ndak wonage ninogoba Ala nogo nen maluk inoba age kero, abu'me piirogo wonage agaarik o.

Wayu 8:5

Nogo eeke kage neegak, obari abe kaga togolowa'na toolak wonagagerak nogo, kani kungge menggim nogome nen kani kunik anggen wagangge nagaarik, togolowa'na nogome mambunuk, mbo nggween paga wuppi wage mbaki, o ngguurubu oone ari, o kimbik pindanggage, eeke kagak, mi nggwok nuk-nuk eeke kagarak.

Wayu 8:7

Oone nggwok eeka trompet porogo wonogwe nogo, ambi aa'nduk arompet oone eeke mbaki, mayu kumulinggen inom, kani inom, amiya inom, nenggelak-kenggelak eerogo punuk, o nggween paga mbo wuppit wage mbaki, nggween inom, eyo inom, ando mogonogo teppunuk, ando mogonogo sepertiga nogo kani nengge logonet, iri'ngga-kale'ngga ki wonage nogo tigitogon nenet nage kagarak.