Wayu 11:17 - Ala Wone Peenok Peebi Mbanak

¹⁷ “Kat komaawi lombok menggendak aa'nduk wonagagindak, yogondak wonage, ninogoba Ala nogo kat aret o. It aakumi abok inowe kendagembogut logonet, wone lengganogo yorage logokit nduk, unde agagindak nogo, Yogondak yi eyom paga aret eeke logokit nduk, mi'nagandak me, Wa, wa, yokkogo o.

Wayu 11:17 ပူးပေါင်းရင်းမြစ်များ

Wakkagagerak 17:1

Ti'nuk, at Abaram nogo ndarak kagak tahun 99 eeke nagagerik wonage me, at Aliku ALA nogo at owagam wage nagagerik, yoge logonet, “Nomaawi Lombok Minggirak an Ala aret me, an nenggaanom paga maluk eeka'lek obeelom mban eerit nage logot o.”

Ndawi 21:13

Togop me, Kaliku ALA wae. Kat komaawi ambik menggendak me, Kendage tiyanak aret logowak o. Kat komaawi ambik me, nit ndawi wako logonet, Kat kalut eeko logogun o.

Ndawi 57:11

Togop me, Ala wae. Kendage ti, mbogut irimbaga mondok tiyak ari, Ndi, kendage tiyanak nogo o nggween paga abok aret ndak wa'narit nage, Eeruwak o.

Yetaya 52:10

Aliku ALA nen yi aakumi ndi aakumi inenggaanom paga at eenggi abu omaawi alik leenak tiyappunuk wonage kenok, Aakumi o nggween irip-irip wonogwe abok aret ninogoba Ala ninagap ndari wage inigen kaagun o.

Ndaniyen 2:23

Ninombomini inogoba Ala wae. Niniki warak eeppanege, nomaawi logorak eeppanege, Yogondak nit ambi yo'niroorak yokkugwi niinok yo'nirage, Aap endagembogut abinggaanggo kegerak nogo yo'nirage, Eekendak me, Kat, Wa! yokkege, kendage tiyappagage, Eeke agarik o,” yinuk, yoreegerak.

Ndaniyen 6:10

Wone liiru mbanogo punuk, wumbereegerak nogo, at Ndaniyen aruk konembunuk, ame nage nagagerik, ame irimbaga ko ambi ogoorak me, pugagi ena Yerutalem pa'nggwe mbanak nogo, pugagi paarak me time nen o ne ambit wege paga ne kenagan kuli tamban eeke menggerak nogo ndak-ndak, time ari unggunuk, endobanggun yindumbunuk, tamban eeke, Ala wa yoge, eeke nagagerak.

Matiyut 11:25

O ti eyom paga Yetut nen at ogoba yoge logonet, “Mbogut-nggween unde nogoba wa! Kat eeriyak yi nogo, it aap iniki warak inom, iniki ngget inom, ineenu ogwe iyo, nobappunuk, it elege-aabologwe kwak mban paganogo yoragagindak me, wa!

Lukat 10:21

Ne ti eyom paga Aberiniki Yetut inikime mondok lik ari mbareegi, ale'nggen nen keyage wake logonet, “Mbogut nggween unde kat nogoba wa yokkege agarik o. Kat eeriyak yi nogo, it aap iniki warak inom, iniki ngget inom, ineenu ogwe iyo, nobappunuk, mbuulogwe ngget ndarak pogom paganogo yoragagindak me wa. Kinikilom mba'nuk eereegindak me, nogoba wa, yokkigi o.”

Yaya 11:41

Yoge mbareegi, yugum ponggonogo nappogo mbareegwa, Yetut nogo ena ni'nage nagagerik, “Nogoba o. Kat an noone muk konenggendak me wa yokkigi o.

2 Korindut 2:14

Yime wagagirak wonage me, Ala nen mbo panulik o. It aap wim nambuppunuk, “Wi!” iraawak nduk, aap waka'ngget awuri inom ndegen-ndegen aago kombogonak wogo mengga kwak, nit ndak-ndak ninowe Keritut eegin tiyak ari kenok ninom ndegen-ndegen aago mondok tiyanak nugwi me, Ala mondok alut eeko logowok o. Obari obeelom wiganinuk nage menggi kwak, Keritut eeke menggerak obeelom wone nit paga nen wiganinuk nage logowak nduk, Ala nen eeppinanege menggerak.

2 Korindut 9:15

Ala ninabuwa nen mondok alik negen wo'niragagerak nogo mbininogo yuurak meek me, at mban, “Wa, wa,” yogo logowok o.

1 Timotiyut 1:12

An nomaawi eeppanege menggerak nowe Keritut Yetut nogo nen, “Aap yi, ambi eeke logowak nduk, unde eeppege neenok, liirogon aret eeke logogin,” nombake nagagerik, an yabu ambi eeke logokit nduk, unde eeppaneegerak me, “Wa,” yoge minggirak.

Wayu 1:4

An Yaya nen kit Ala apuri o Atiya nggereya 7 paga kuwak eerit nogo monggotak nogo, keyage wappinagi o. Aa'nduk wonagagerak, yogondak wonage, peebi logogin mondok itok menggerak Ala inom, ndi, Ala wone lengganogo yorage menggim abu'me menggaarak Aberiniki eeke menggerak alom 7 nogo inom, ndi, eeruwak nduk nappi wagagerak mondok liippunuk yubuk togon eeke nagagerik, kambunuk nogo menggam inenggela'me nen at aa'nduk mi'nage nagagerik, yogondak it aap nggween paga mendek inoweewi nagawan-nagawan abok inowe endagembogut agagerak at Yetut Keritut nogo inom, it abok aret iniki kunik en wokkirogwe, ndi, kiniki ugun tayenak ale'nggen logobagip nduk, eeppinagagwi, eeko logowak o. At Yetut Keritut ninabuwa nen iniki kunik ee'ninake, amiya paga ninomaluk koorogo pinanege,

Wayu 1:8

Aa'nduk wonagagerak, yogondak wonage, peebi logogin at omaawi lombok menggerak ninogoba Ala nen ari logonet, “O maan aa'nduk togon wonagagirak Alpa inom, ndi, peebi irip paga mondok logorak Omega inom, ti an aret o,” yinuk, ari menggerak o.

Wayu 11:15

Yo'nege mbaki, nenegen wonage me, malayikat 6 inarompet oone eeko mbaka, ambi nogo nen arompet nogo oone eeke mbaki, it mbogut paga time nen inoone nggwok yogo logonet, “O nggween paga time aakumi inabu'me piinok menggam abok aret, at ninogoba inom, at leenogo mippereegerak Keritut inom, imbirak inoone konenggo logowok nduk, inabu'me ari waga o. Ari wogwe iinok, Keritut nogo nen inowe endagembogut logonet, mondok-mondok wone lengganogo yorage logogin o,” yinuk, yogwe iigirak.

Wayu 15:3

ndi, Ala ayeloman Muta endawi inom, Ndomba Aagaluk nogo endawi inom, wakwi, eeko logonet, “Komaawi lombok menggendak ninogoba Ala kat aret o. Kat eeke menggendak nogo ti, eerubok mendek mondok iya lombok eeke menggendak o. Yi aakumi ndi aakumi aa'nduk wonogogwaarak, yogondak wonogwe, peebi logogun abok inowe kendagembogut kat aret o. Kat eeke menggendak nogo ti, mondok a'me nggelok abe mban eeke menggendak o.

Wayu 16:14

It inambeme nen wundi wagaarak nogo ti, kugi Tile awuri aret me, At Omaawi Lombok Menggerak Ala mondok iya eeppiyoorak eyom nogo paga it yi aap ndi aap inendagembogut o nggween paga menggaarak abok aret at Ala nogo inom wim namburiyak kuwak eeri woraawak nduk, it ogolem pogom nogo nen yonggo nogo logonet, aakumi abet mbaruwak nduk, eerubok mendek eerit nogwe iigirak.

Wayu 16:5

at malayikat niyo ti, unde menggerak nogo nen ari logonet, “Aa'nduk wonagagindak yogondak wonage kat nogoba Ala kalik leenak kitok obeelom logonet, a'me nggelok mban eeke menggendak me, It maluk eekaarak onggo kanini inoba piige yi ti, op aret eeke keegi o.

Wayu 16:7

Yoge mbaki, Ala ake warogo kani kunggo menggam nogome nen oone ari logonet, “Wone ti, abet aret yigi o. Komaawi lombok menggendak ninogoba Ala kat aret o. Aakumi eekwi onggo mondok ndak-ndak a'me nggelok mban eeppiige menggendak me, abet aret yigi o,” yinuk, ari naruk konenggirak.

Wayu 18:8

At eerit nage menggerak awone amburu mbanogo owak loonigin ninogoba Ala nogo ti, omaawi ambik me, At wogoppatit nege onggo ne ambit liingge aaninggin oba age logonet, mbi abu age, andi nen aagalogwe kambit nogwe iinok, iniki wakkolage, eeke logonet, Le ari kagak, eebe waganogo kani kumbugun o,” yinuk, yo'nege kagarak.

Wayu 19:11

Yo'nege kage nagarik, mbogut paga tungga paarak wonage kagak, aap ambi endage Abet Mban Ari, Liirogon Eeke, Eeka nogo, kuda yanggwi negen amborowak paga kwi'ndak wage kagarak. Wage nagaarik, liirogon inowak loonogo a'me nggelok mban onggo wogorage, wim liirogon aret nambuke, eerit nage kagarak.

Wayu 19:6

niyoraakut nggwok oonebu ari, o ngguurubu alik negen ari, it yi aakumi ndi aakumi ambik kuwak eerak ambugwi inoone nggwok yogwe, eeko mengga kwak, yogo logonet, “At Omaawi Lombok Menggerak ninogoba Ala nogo, Yi aap ndi aap inowe endagembogut logokit nduk, mi'nagagerak wonage me, Ninogoba Wa, yinuk, alut eeruwok o.