Wayu 11:10 - Ala Wone Peenok Peebi Mbanak

¹⁰ Ndi, it aakumi nggween paga wonogwe nogo abok nen, It aap Ala wone yaga mbere yi nen inoone yogo nagaarak paga nit andi-pandi mondok alik negen eeppinanit nugu nagaarak me, Kayik a! Op kangga o, yinuk, inale'nggen mbako logonet laago lakwi, inamendek tumbut-tumbut eekkologwe, eerugun o,” yinuk, yo'nege kagarak.

Wayu 11:10 ပူးပေါင်းရင်းမြစ်များ

1 Endagembogut 18:17

enegen kenok yoge logonet, “It Iterali naalop-kaalop eerogo piiga nogo kat aret a?”

1 Endagembogut 21:20

Yoreegerak nage mbareegi, Akap nogo Eliya nage enegen kage nagagerik, “Kat nimbirak ogoorak monggoorak yi, o yogondak aret kwaa'naken o.” Yoge mbareegi, at Eliya nen at onggo yoge, “Abet aret kwaakkeegi o. Maluk ayeloman arikit o, yinuk, miike nagandik, Aliku ALA enegen kagak, maluk eerit nage menggendak me,

1 Endagembogut 22:18

Yoge mbareegi, it Iterali inowe endagembogut nogo nen Yotapat yoge, “At yi, obeelom eeppaniyak yo'negeelik maluk eeppaniyak yo'nege menggerak yokkigirak nogo ari yi kagan a?”

1 Endagembogut 22:8

Yoge mbareegi, it Iterali inowe endagembogut nen onggo Yotapat yoge logonet, “Ninake Aliku ALA yoriyak aap Yimila aput Mika wonage kwe, Wone yo'niru o, yoge neenok, at wone obeelom yo'nege lek maluk mban yo'nege kage me, aap ti mondok neebi o.” Yoge mbareegi, at Yotapat nen, “Kat kendagembogut aret me, togop yugun o.”

Ndawi 35:19

Alom lek kagak, it ninom wim mbanak nen, “Op togon eeppogo a!” yinuk, iniki wogoppakwi, Alom lek kagak ineebi nombakwi nogo nen Maluk eeppanuwak nduk, inogobak tinggin yogwe, Eekwi iyo, Non mbanogo piyet o.

Ndawi 89:42

At inom ogoorak wonogwe nogo inendage tiyak yuwak nduk inomaawi eerogo piige, At inom wim mbanak nogo nen Inale'nggen mbako logowak nduk eeppiige,

Kini Wuppiige 24:17

Kawim maluk oba age kenok, “Kayik a!” yinuk, kale'nggen mbake, Iyogobit lik togon yigeebu wangge kenok, “Op togon wanggi,” yinuk, kiniki tayok ari, Eeriyak mage o.

Yeremiya 38:4

Inaruk konembunuk, it aap inoweewi inengga warak ti nen aap endagembogut Terekiya yogo logonet, “At aap ti, it ineegin warak o kota yime awo wonogwe inom, aakumi abok aret inom, yoranet nage paga inomanggen tayenogo piige, iniki ugun tayenak logowak nduk, agan nege lek maluk eekkolaawak nduk agan nege me, at enggaawak mondok lek eeppuurak o.”

Yeremiya 50:11

“It an neyate kwak niniki kundugu nogo maluk eerogo piigwi nen inale'nggen mbakwi, Ale'nggen inikime nggelok ari logonet, noone-koone agan nugwi, Tapi aagalogwe iri'ngga mili nenet nugu logonet, ineeruwak anen pera eerogo piige kwak eerak nugwi, Kuda ngguunok inoone ku agan nugwi kwak eekwi, Eerit nugwi me,

Obaya 1:12

Inawuri Yakup mendek maluk eerogo piigwi ne ti paga, it Erom mendek nen, Kayik a! inombakwi, It Yekura mendek ineebe lek eerogo piigwi ne ti paga, iniki ale'nggen mbakwi, Aaninggin inoba kwi'nage ne ti paga, Nit eeppinanega'lek me, nit iya, yinuk, tiyappakwi,

Mika 7:8

Ninawim mbanak kit yi wae. Nit yigeebu wanggoorak wonogwe kwe, mi'nogwe, Nit o apit aago paga wonogwe kwe, Aliku ALA nen eya eerogo pinanege, Eerigin me, Nit eeppinanegerak paga, “Op eeppiigi,” yinuk, ninagi'ndok kambuurak mage o.

Matiyut 10:22

Aakumi abok aret alom an paga ineebi lombok kinombaremenggaarak kwe, kiniki kwi'ndak nu'lek wonogwe kiigak, o age yobok ari wage paga kinagap ndarigin o.

Yaya 16:20

Kiniki puru ari, leenggu maakwi, eekwi kiigak, it aakumi o nggween paga yime menggaarak nogo nen inale'nggen mbarugun. Kit kiniki puru yumonggotak kwe, peebi kiniki puru ari nogo lek age logonet, obaane'me ale'nggen nggwok eekkinake kaamunggup o.

Yaya 7:7

It aakumi nen kit ineebi kinombariyak meek kwe, an perak, it aakumi eeko menggaarak ti, Maluk aret o, yinuk, paganogo yorage minggirak me, ineebi lombok nombako agaarik o.

Nappiigak 5:33

Wone ti konembogo nogogwaarik, inanini wu agan nage mbareegi, “Mondok inooruwok,” mbakwi me,

1 Korindut 13:6

It aakumi inabuwa mbako logonet, eekwi ti, maluk eeriyak inikilom mbakulik o. Ata, Ala ari menggerak eerit noorak mban inikilom mbako menggaarak.

Wayu 12:13

Ndi, at waalo nggwok nogo nen, “An nggween paga abu aret mbo wuppani wagaarak kagi,” mbake nagaarik, kwe aagaluk wulaga ndakerak nogo, mugurok nage mbaki,

Wayu 13:14

At nggeewo aa'nduk lagi wagaarak oone kiliregerak paga, eerubok mendek iya tit eerit nage logonet, “Nggeewo negen ambi mbuti tege paga wakaarak kwe, eenik agaarak nogo, ogut wakkagak ambi ogobakkigirogo punuk, at mban alut eeko logonip o,” yinuk, it aakumi nggween paga wonogwe nogo inambokan lagangge logonet, yorage kagarak.

Wayu 13:8

Ndomba Aagaluk wareegwaarak nogo nen o maan mbogut-nggween yi awo wakkaga'lek kagak, aakumi o nggween paga menggaarak abok aret it inendage mondok-mondok ineenik aganaburak mbuku paga liiru mbanak wonage lek kenok, at nggeewo nogo alut eekwi iigirak.

Wayu 16:10

Ndi, it malayikat ineebe 4 nogo nen Ala anini inarologowa'na toolak nogo aakumi inoba kilirogo wuppogo mbaka, ambi nen arologowa'na nogo nggeewo negen wone lengganogo yorage menggim nogome kilirogo wuppege kagarak. Wuppege kage nagarik, nenegen neegak, nggeewo nogo wone lengganogo yorage menggim time o apit age mbaki, at abu'me logonet, oone waganggo menggaarak nogo, kugi andi aganake, inawin maaluget inoba nik ari, eeginakerak nogo, andi nen ineyak nggilik maako logonet, “Ninomaluk mbo puwi o,” yinuk, mbo puurak op aret kwe, kagak, inomaluk iniki kundugu patogo logonet, Ala endage miyuk-meya eerogo pugwi iigirak.

Wayu 3:10

Ndi, Kit kinogogumbuk kiniki kwi'ndak logonet eeko logonip o, yinuk, yoragagirak nogo, konembunuk liirogon aret eekwi me, peebi yi aakumi ndi aakumi nggween paga menggaarak abok aret inabut mbanikit nduk, aaninggin-paaninggin inoba piya woroorak eyom nogo paga, it an napuri ti, inoba arukwak, an nen ndegeninake logogin o.