Wayu 1:4 - Ala Wone Peenok Peebi Mbanak

^4-5 An Yaya nen kit Ala apuri o Atiya nggereya 7 paga kuwak eerit nogo monggotak nogo, keyage wappinagi o. Aa'nduk wonagagerak, yogondak wonage, peebi logogin mondok itok menggerak Ala inom, ndi, Ala wone lengganogo yorage menggim abu'me menggaarak Aberiniki eeke menggerak alom 7 nogo inom, ndi, eeruwak nduk nappi wagagerak mondok liippunuk yubuk togon eeke nagagerik, kambunuk nogo menggam inenggela'me nen at aa'nduk mi'nage nagagerik, yogondak it aap nggween paga mendek inoweewi nagawan-nagawan abok inowe endagembogut agagerak at Yetut Keritut nogo inom, it abok aret iniki kunik en wokkirogwe, ndi, kiniki ugun tayenak ale'nggen logobagip nduk, eeppinagagwi, eeko logowak o. At Yetut Keritut ninabuwa nen iniki kunik ee'ninake, amiya paga ninomaluk koorogo pinanege,

Wayu 1:4 ပူးပေါင်းရင်းမြစ်များ

Ndawi 90:2

Puut-puut alom awo kwippega'lek logonet, O nggween yi, awo wakkaga'lek logonet, Mbogut-nggween awo wakkaga'lek logonet, O aa'nduk nen nok, age yobok kuli kitok mondok-mondok menggendak kat Ala aret o.

Wundeegwaarak 3:14

Yoge mbareegi, at Ala nen Muta yoge logonet, “An ti, AN ARET. Ndi, kat nen it Iterali mendek yorage logonet, At endage, AN ARET nen nappani wagaarak, yoraamunggun o.”

Yetaya 11:2

Aliku ALA Aberiniki at oba wonage logonet, iniki warak lombok eeppege, Yi wone ndi wone eenu eeppege, Wone koonogo yorage logowak nduk eeppege, Iya eeriyak mendek eeke logowak nduk omaawi eeppege, Aliku ALA eenu me, agabiti mbake logowak nduk eeppege, Eeke logogin o.

Yetaya 41:4

Ti abok aret eeriyak koonogo punuk, eeke logowak nduk, unde wake, O aa'nduk aakumi wiganit wundi wogwe iigak, o yime arit woroorak nogo koonogo pege, Eereegerak ti, Ta mbakop? Lek o! It aa'nduk nda'nogogwaarak nogo lek iigak aa'nduk lombok wonagagerak me, It irip paga nda'narugun nogo lek aremenggaarak iigak, mondok logogin Naliku ALA nen aret eereegirak o,” yinuk, yegerak.

Yetaya 57:15

At endage Kikak Nakeelik, Alik Leenak, Abu Tiyanak, Ayuk Warak, Mondok Itok Menggerak nen ari logonet, “An o abe alik leenak abu tiyanak minggim wonage minggirak kwe, It aap, An maluk eekirak, ao, mbakwi nogo iniki ale'nggen eerogo piige, Iniki tebenak wonogwe iinok, iniki eyak wappiige, Eerikit nduk, It aap, An maluk eekirak, ao, mbakwi inom, iniki tebenak inom, ninom wonage minggirak o.

Mika 5:2

Togop aret eerigin me, kwe aagaluk nda'narigin yugu nogo aret nda'nage, Ndi, at oreewi Iterali ando mbo piya nogogwaarak wonogwe nogo, iniyokan Iterali inom lambuni wogwe, Eeriyak eyom awo aga'lek kagak it Iterali mbo piyamenggerak logogun o.

Takariya 3:9

Ndi, yugum kere'li-kere'lo eerak Yotuwa owagam pigirak ti, liippuwak o. Yugum ambit ti paga irip-irip obogum kunik 7 aret me, yugum ti paga ayo waganogo pege, ndi, ne ambit paga aret it o yime menggaarak nogo inomaluk lek eerogo pege, eerigin o, yinuk, Nomaawi Lombok Minggirak Naliku an ALA nen aret yagi o.

Takariya 4:10

Togop me, It elaambirik wukwi yi, aret wurugun lek kogo o, yinuk, meek mbakwi ti, taani o? Keele wakkagak aap Terubaben eenggime wonage inigen kogo logonet, inale'nggen mbako logogun o,” yinuk, yo'nege kagarak. Ndi, “Ndi wuninggak 7 ti, Aliku ALA enegen o nggween paga yime abok aret looge wonage nogo aret o.”

Takariya 6:5

Yoge mbaki, at malayikat nen an yo'nege logonet, “Kenegen iigendak ti, at o yi abok aret unde menggerak enggaanom paga ake eeko menggaarak ineebe 4 nogo, o wiya agi-ogu nen, aru-ogwe nen, warit wage menggim time nogo menggaarak it aret.

Yaya 1:1

O maan aa'nduk togon mbogut-nggween wakkaga'lek kagak at Wone nogo aret wonagagerak. Wone nogo ti, Ala imbirak aret wonagagerak. Ndi, Wone ti, Ala aret wonagagerak.

Nappiigak 19:10

Eekwi iigak, tahun mbere eereegerak me, it Yakuri mendek inom, it Yunani mendek inom, o Atiya wonogogwaarak nogo abok aret ninogoba Yetut eereegerak wone konenggo nogogwaarak.

Nappiigak 2:9

Nit Paratiya mendek inom, Meriya mendek inom, Elam mendek inom, Metopotamiya monggoorak inom, o Yureya nen, Kaparokiya nen, Pondut nen, Atiya nen,

Oroma 1:7

Kit Oroma mendek abok aret at Ala nen iniki kunik eekkinake, at apuri alik leenak logobagip nduk, miirogo pinagage, eereegerak ti, Ninogoba Ala ninowe Yetut Keritut imbirak iniki kunik en eeppinagagwi, kiniki ugun tayenak obeelom logobagip nduk, eeppinagagwi, eeko logogun o.

1 Korindut 1:3

at ninogoba Ala ninowe Yetut Keritut imbirak iniki kunik nen wokkirogwe, kiniki ugun tayenak ale'nggen aret logobagip nduk, eeppinagagwi, eeko logogun o.

2 Korindut 1:2

Ninogoba Ala ninowe Yetut Keritut imbirak iniki kunik nen wokkirogwe, kiniki ugun tayenak ale'nggen logobagip nduk eeppinagagwi, eeko logogun o.

Iberani 13:8

Maan inom, yogondak inom, peebi inom, at Yetut Keritut alik ageelik mondok itok aret menggerak o.

Yakobut 1:17

Ninabuwa nen obeelom eeppinanege inom, wo'niroorak mbake nogo mondok ndak-ndak wo'nirage inom, abok aret agi nen mban wuppinani wage menggerak. Yi o ndi o abok aret eya eeke menggerak alom at ninogoba Ala nen aret wuppinani wage menggerak. At ambi agak eeke logonet, ne ambi paga o yumaak negen age, ne ambi paga o eya negen age, eekeelik mondok itok eya mban aret menggerak.

Wayu 1:1

At Ala nen yi eeriyak ndi eeriyak logonuk lek mbet-mbet eeriyak wone nogo, nit at ayeloman mini nineenu eeppinanuwak nduk, Yetut Keritut yoge mbareegi, at nen paganogo yo'niragagerak wone nogo yi aret o. Ala nen Yetut Keritut yoge mbareegi, ti'nuk, Ala ayeloman an Yaya nogo neenu eeppanuwak nduk, Yetut Keritut nen at ayonggo malayikat ambi wuppi wagagerak.

Wayu 1:11

yo'nege logonet, “Eeriyak titikkege neegak, mbuku pirik-perek aago paga liiru mbangge logomenggendik, it Ala apuri o Epetut inom, Timirina inom, Peragamut inom, Tiyatira inom, Taririt inom, Pilarelipiya inom, Laworikiya inom, nggereya 7 paga kuwak eekwi nogo abok aret pekkaawak nduk, nappunu o,” yinuk, yo'nege konenggirak o.

Wayu 1:17

At eebe togop aago wonage nenegen kage nagarik, aakumi inambuluk yuppuk ngginnari nogo mengga kwak, an togop aret at abu'me ngginnari nage mbaki, at eenggi abe'nggan paga pi'nake logonet, “Aa'nduk togon wonagagirak inom, peebi irip paga lombok mondok logorak inom, ti an aret me, kagabiti mbarugun o.

Wayu 1:20

Laaluguragan 7 neenggi abe'nggan paga kagandak nogo inom, ndi, ndi wuninogo pegak 7 mbuti emas paga ogobakkigirik kagandak nogo inom, ti wone nobarak negen wonage me, alom liirogon yokkiri o. Laaluguragan 7 nogo ti, it Ala apuri nggereya 7 paga kuwak eekwi inarum menggaarak malayikat nogo aret iigen. Ndi, ndi wuninogo pegak 7 nogo ti, Ala apuri nggereya 7 paga kuwak eeko menggaarak nogo aret iigen o,” yinuk yo'nege kagarak o.

Wayu 1:8

Aa'nduk wonagagerak, yogondak wonage, peebi logogin at omaawi lombok menggerak ninogoba Ala nen ari logonet, “O maan aa'nduk togon wonagagirak Alpa inom, ndi, peebi irip paga mondok logorak Omega inom, ti an aret o,” yinuk, ari menggerak o.

Wayu 1:9

Kit aaninggin-paaninggin kinoba pinagagwi iigak kwe, “Ala abu'me pinanigin me, op aret o,” yinuk, Yetut kinom kunik kiniki nu'lek logonet, waganggo monggotak nogo ti, an kinore Yaya togop ndak-ndak eeppanugwi iigak, wagangge minggirak nogo nen Ala wone yorage, ndi, Yetut wone ari nagagerak nogo paganogo yorage, eeke minggirak nogo paga, niyo yenggenak oolo kup mbanak o endage Pa'mot pani wogogwaarak yime agarik o.

Wayu 16:5

at malayikat niyo ti, unde menggerak nogo nen ari logonet, “Aa'nduk wonagagindak yogondak wonage kat nogoba Ala kalik leenak kitok obeelom logonet, a'me nggelok mban eeke menggendak me, It maluk eekaarak onggo kanini inoba piige yi ti, op aret eeke keegi o.

Wayu 2:12

“Ndi ambi, at malayikat it Ala apuri o Peragamut kuwak eekwi inarum menggerak nogo nen apuri yoraawak nduk, yoriyak, yokkiri o. An mbuti togowa ngget peenok-peenok maarak porogo minggirak nogo nen,

Wayu 2:18

“Ndi, ambi at malayikat Ala apuri o Tiyatira kuwak eekwi inarum menggerak nogo nen apuri yoraawak nduk, yoriyak, yokkiri o. An nenegen kani omoonuk wunuk ari pogom logonet, mbuti tembaga kani kunik me mambugwi iinok, eyak kwindagala eerogo pegetak me, abinak pigan-pigan eeke menggi kwak, niyok togop ndak-ndak pigan-pigan eeke minggirak nogo nen,

Wayu 2:8

“Ndi, at malayikat Ala apuri o Timirina kuwak eekwi inarum menggerak nogo nen apuri yoraawak nduk, yoriyak, yokkiri o. An kangge nagagirik, neenik a'nuk mi'nagagirak aa'nduk togon wonagagirak me, peebi irip paga mondok logogin nogo nen

Wayu 22:16

Kit an napuri yi awi ndi awi kuwak eerit nogo monggotak nogo, peebi eeriyak wone yi, paganogo yokkira woraawak nduk, nayonggo nege menggerak malayikat ambi nappi wagarak nogo ti, an Yetut nen aret o. O weerikit nduk eeke kagak, laaluguragan ambiret kere ari nogo pogom anebunu Ndawut paga wiganak agarip ndarak nogo an aret o,” yinuk, yo'negerak.

Wayu 22:8

Wone agan wagaarak naruk konengge, eerit wagaarak nenegen kage, eekirak nogo ti, an Yaya aret me, naruk konengge, nenegen kage, eeke nagarik, at peebi eeriyak wone yo'negerak malayikat nogo alut eerikit nduk, abu'me tebe ari mbaki,

Wayu 3:1

“Ndi, ambi, at malayikat Ala apuri o Taririt kuwak eekwi inarum menggerak nogo nen apuri yoraawak nduk, yoriyak, yokkiri o. Laaluguragan 7 neenggime porogo logonet, Ala Aberiniki eeke menggerak alom 7 unde minggirak nen, Ala apuri o Taririt eerit nogo menggaarak ti, an neenu aret o. It abu ndeyak kambak negen aret wonogwe iigak kwe, aakumi nen, Lek o. Aap eenik omaawi nege menggi kwak, it Ala apuri nggereya ti paga kuwak eekwi nogo mondok inomaawi aret wonogwe iigo o, yinuk, yogwe nogo neenu aret kwe,

Wayu 3:14

“Ndi, ambi at malayikat Ala apuri o Laworikiya kuwak eekwi inarum menggerak nogo nen apuri yoraawak nduk, yoriyak, yokkiri o. At Ala nen yi mendek ndi mendek wakkaakit mbake kagak, wakkagagirak alom an aret me, Ala nonggop menggerak mondok liirogon abet aret paganogo ari minggirak nendage Amin nogo nen,

Wayu 3:7

“Ndi, ambi at malayikat Ala apuri o Pilarelipiya kuwak eekwi inarum menggerak nogo nen apuri yoraawak nduk, yoriyak, yokkiri o. An Ndawut agunci nogo porogo logonet, tu paake neenok aakumi nen nakwi, ndi, nake neenok paakwi, eekulik an mban unde logonet, pilit ariilik abet mban ari minggirak nalik leenak minggirak nogo nen,

Wayu 4:5

At wone lengganogo yorage menggim time nen o kimbik pindanggage kagak, oone ngguurubu agan wundi wage kagarak. Ndi, wone lengganogo yorage menggim enaame nggwe taati ndi 7 wuninik wonage kagarak. Ndi 7 nogo ti, Ala Aberiniki eeke menggerak alom 7 nogo aret o.

Wayu 4:8

Aakumi nen iigulik mendek ineebe 4 nogo ti, inalitak lombok ina'naabit 6 aret me, ineebe paga apit aret inigen warak mban wonogwe iigirak. It nogo puk aga'lek ko'lu-kii'me inoone yogo logonet, “Maan wonagagindak, yogondak wonage, peebi logomunggun, nogo ti, kat mondok itok komaawi lombok menggendak ninogoba Ala aret me, Kat mondok obeelom alik leenak aret o. Kat mondok obeelom alik leenak aret o. Kat mondok obeelom alik leenak aret o,” yinuk, yogak mban eeko logonet,

Wayu 5:6

Yo'nege mbaki, inoweewi 24 nogo inom, aakumi nen iigulik mendek ineebe 4 nogo inom, wone lengganogo yorage menggim taati wanggerak wonogwe iigak, Ndomba Aagaluk ambi eebe warak negen kwe, it inenggela'me mi'ndak wonage kagarak. Ndomba Aagaluk nogo ti, aruk alom me eyak 7, ndi, enegen 7, wonage kagarak. Aruk alom me eyak 7 inom, enegen 7 inom, nogo ti, Ala Aberiniki eeke menggerak alom 7 o nggween paga yi awi ndi awi nappiige menggerak nogo aret o.

Wayu 8:2

it malayikat ineebe 7 Ala abu'me mi'ndak menggaarak nogo oone nggwok eeka trompet 7 wogorage kagarak.