Wayu 1:19 - Ala Wone Peenok Peebi Mbanak

¹⁹ Togop me, eerit wage kenegen kagandak inom, yogondak eeke kenegen kage inom, ndi, peebi eeriyak kenegen kaamunggun inom, abok aret liiru mbanogo pege logot o.

Wayu 1:19 ပူးပေါင်းရင်းမြစ်များ

Abakuk 2:2

Ari mbareegi, at Aliku ALA nen an onggo yo'nege logonet, “At liiru mbanak lunemenggerak nogo nen aakumi yoranet nage logowak nduk, kat kabinggaanggo kagandak nogo liiru mbanogo pege, Aakumi nen malenggo logowak nduk, yugum tabak paga kin paga ayo waganogo pege, Eeru o.

Wayu 1:1

At Ala nen yi eeriyak ndi eeriyak logonuk lek mbet-mbet eeriyak wone nogo, nit at ayeloman mini nineenu eeppinanuwak nduk, Yetut Keritut yoge mbareegi, at nen paganogo yo'niragagerak wone nogo yi aret o. Ala nen Yetut Keritut yoge mbareegi, ti'nuk, Ala ayeloman an Yaya nogo neenu eeppanuwak nduk, Yetut Keritut nen at ayonggo malayikat ambi wuppi wagagerak.

Wayu 1:11

yo'nege logonet, “Eeriyak titikkege neegak, mbuku pirik-perek aago paga liiru mbangge logomenggendik, it Ala apuri o Epetut inom, Timirina inom, Peragamut inom, Tiyatira inom, Taririt inom, Pilarelipiya inom, Laworikiya inom, nggereya 7 paga kuwak eekwi nogo abok aret pekkaawak nduk, nappunu o,” yinuk, yo'nege konenggirak o.

Wayu 1:12

Naruk konengge nagarik, “Ta nen yo'nege agaarik o,” yinuk, eebe nenegen kaakit nduk, nena logurogon pekkage nagarik, ndi wuninogo pegak 7 mbuti emas paga ogobakkigirik kwi'ndak wonage kagarak o.

Wayu 10:4

O ngguurubu ne 7 paga ari naruk konembunuk, ari nogo liiru mbanikit nduk eeke me, mbogut paga nen oone ambi yo'nege logonet, “O ngguurubu ne 7 paga ari konenggendak nogo ti, liiru mbanugun o. Ata, kinikime mban kumaapporogo logot o,” yinuk, yo'nege kagarak.

Wayu 19:9

Kage mbaki, malayikat nogo nen an yo'nege logonet, “Ndomba Aagaluk akwe lambumbogo logonet, abugo larak inom nawak nduk, yonggo piyareegerak nogo, iniki ale'nggen mbako logowak o,” yinuk, yo'nege nagaarik, ambinom yo'nege logonet, “Wone ti, Ala nen abet aret yegerak me, liiru mbanu o,” yinuk, yo'negerak.