Wayu 1:18 - Ala Wone Peenok Peebi Mbanak

¹⁸ Neenik nitok minggirak an aret o. Aa'nduk kambeegirak kwe, yogondak perak, neenik mondok-mondok wonage yi neyet o. Kanggwi inom, kambunuk nogo menggam inom, imbirak an mban aret unde logonet, tu paaka kunci porogo minggirak o.

Wayu 1:18 ပူးပေါင်းရင်းမြစ်များ

Ayup 19:25

Naana'le mbangga ti, eenik wonage, Ndi, o age yobok paga at nggween paga mi'na'nuk, Nawone nggaruk togon mbanogo pege, Eerigin an neenu aret o.

Ayup 38:17

Kambunuk nogo menggam tu titikkereegerak kenegen kage, Kambunuk o apit aago me ari nogo menggam tu maloppege,

Ndawi 18:46

Kaliku ALA mondok keenik menggendak o. Kat nayugum kwak me, kalut eeke, Kat nagap ndaka Ala aret me, kendage mondok tiyappege, Eeke agarik o.

Ndawi 68:20

Ninogoba Ala ti, Nit ninagap ndaka Ala aret me, An nooremenggaarak kangge neyo, Aliku Itok Menggerak ALA nen An neebe nili ari logogin o.

Yetaya 22:22

At nen Ndawut paga wiganak abu'me logowam tu kunci nogo at aret eenggime pigin me, at nen tu pake kenok, aap ambi nen nake, ndi, tu nake kenok, aap ambi nen kuuke, eeriyak meek aret o.

Matiyut 11:23

Ndi, kit aakumi Kaperenawum mendek yi, Nit mbogut paga nagawan me, tiyappinanigin o, yinuk, yogo ogotik? Mondok lek o. Eerubok mendek kit kiname eeke kogotak nogo, o Torom time eeke logonetak en, o eebe nogo lek eeppega'lek, o yogondak kuli yi paga logonetak kwe, eeke inigen kaga'lek me, inomaluk mbo pega'lek wonogo mbareegwa, Ala nen lek eerogo piyareegerak nogo ndak-ndak, kit kunduk lek eerogo pinagagin lek nduk yogo ogotik? Lek o. Ala nen it aap kambunuk nogo menggam time aret mondok wuppinanigin, mbako logonip o.

Matiyut 16:19

At mbogut paga mendek abu'me piige menggim tu kunci nogo kat aret wokkiriminggirak me, kat nen nggween paga yime, Eeriyak mage o, ari keenok ti, mbogut paga kunduk eeriyak lek aret kaamunggun o. Ndi, kat nen nggween paga yime, Eeriyak op o, ari keenok ti, mbogut paga kunduk eeriyak aret kaamunggun o, yinuk, yokkigi o.”

Lukat 24:5

Iigo nogogwaarik, inagabiti ambik aganake logonet, inete nggween paga wanduk yinuk, wonogwe iigak, it aap nogo nen kumi nogo yorogo logonet, “Kit nonggop nduk, at eenik menggerak nogo it kambeegwaarak inom wonage kero, kwaako ogotik?

Yaya 11:25

Yoge mbareegi, Yetut nen at yoge logonet, “Aakumi ineenik agago mippiige minggirak an aret me, aap ambit ambi nen iniki noba panggombunuk, abet nombake kenok, kambemenggerak kwe, eenik a'nuk, mi'narigin o.

Yaya 14:19

An ne ambiriluk logonuk nagin me, it aakumi o nggween paga yime menggaarak ambinom neyaagun lek kwe, kit perak, neego logomunggup aret o. An neenik wonage me, kit kunduk kineenik logomunggup.

2 Korindut 13:4

At aap nit kokwak eebe lebenak me nduk, abet aret eyo karo-karo paga warogo pereegwaarak kwe, Ala omaawi paga mippege mbareegi, eerit nege menggerak nogo kwak, nit togon, nineebe lebenak aret kwe, Keritut ninom abet aret kunik me, kinenggela'me logonet, Ala omaawi paga eerit nugwi niyaamunggup o.

Nggalatiya 2:20

An Keritut nimbirak eyo karo-karo paga nabenogo paneegwaarak me, kambeegirak. Ndi, yogondak eerit nage minggirak nogo ti, an nomaawi paga lek o. Ata, Keritut omaawi eeppanege kagak eerit nage minggirak me, an nggween paga yime neegak, at Ala aput nabuwa mba'nuk, nake kambeegerak me, at abet mbake logonet, niniki at oba panggombunuk, eerit nage agarik o.

Iberani 1:3

Ogoba mondok tiyanak eebe eya ndelenak-welenak aago kenok, “Wi!” ugwi nogo kokwak, aput ndak-ndak aret menggerak. Aput nogo ti, ogoba iniki ndak-ndak aret. Yi mendek ndi mendek wakkagagerak nogo abok aret, at oone omaawi paga pipporogo menggerak. Ninomaluk abok aret lek eerogo mbo nappege nagagerik, at agi mbogut paga mondok tiyanak menggerak nogo, eenggi abe'nggan paga tiyarogon kwi'nari laganeegerak wonage o.

Iberani 12:2

Ndi, aa'nduk nit abet mba'nuk Ala wone waawok nduk niniki pipuk eerogo pinanege, ti'nuk, abet mbakwi niinok, niniki mondok kole eerogo pinanege, eeke menggerak ti, Yetut aret me, at mban ninigen loorit mugurok nogo logowok o. It aap eyo karo-karo paga nabenogo piigwi iinok, “Aap mondok maluk mendek aret o,” yogo menggaarak nogo, at Yetut nen, “An togop nombariyak me, neebi o,” ti mbarulik. Ata, “Peebi nale'nggen nggwok kaagin me, yogondak we luulu togop ee'naburak op aret o,” yinuk, ogogumbuk a'nuk, eyo karo-karo paga kangge nagagerik, eenik a'nuk, Ala wone lengganogo yorage menggim Ala eenggi abe'nggan paga kwi'nari laganeegerak wonage o.

Iberani 7:16

Aap alik Meliketerek kokwak Ala unde logowak nduk, mippereegerak alom nogo ti, aakumi nen, “Aap ti mendek ndarak kenok ambi Ala unde logorak o,” yinuk, wone lengganak nogo paga mippulik o. Ata, at lek eerogo puurak lek mondok itok eenik menggerak ti paga Ala nen aret mippereegerak.

Iberani 7:25

Togop me, nit aakumi niniki at oba panggombunuk, Ala owagam nogwe niinok, at ninake Ala yoriyak nduk mondok eenik mi'ndak menggerak me, ninagap ndarogo mondok obeelom agago pinaniyak op aret o.

Wayu 10:6

at mbogut inom, mbogut paga wonogwe inom, nggween inom, nggween paga wonogwe inom, niyo nggwok yenggenak inom, inikime wonogwe inom, abok aret wakkagagerak mondok-mondok itok eenik menggerak nogo endage kungge logonet, “At Ala nen, Kit nagote wone kumaarak nogo ando yokkiragagirak kwe, irip pagaluk ando kumaarak wonage nogo, peebi kineenu arumunggup o, yinuk, at ayeloman mini yorage kagak, yoraga nen yoragagerak nogo, ambinom kumaapporogo logogin lek o. It malayikat ineebe 6 nen oone nggwok eeka trompet nogo oone muk eekaarak kwe, ambiret 7 nogo ti, awo eeka'lek me, eeke kenok, wone nogo pagak yigin o,” yinuk, ari naruk konenggirak.

Wayu 15:7

Iige nagarik, nenegen neegak, it aakumi nen iigulik mendek ineebe 4 nogo ambi nen at Ala eenik mondok itok menggerak anini aakumi inoba piyaawak nduk, togolowak mbuti emas paga ogobakkigirik 7 nogome eno korok togon toolak it malayikat ineebe 7 nogo wogorage kagarak.

Wayu 2:8

“Ndi, at malayikat Ala apuri o Timirina kuwak eekwi inarum menggerak nogo nen apuri yoraawak nduk, yoriyak, yokkiri o. An kangge nagagirik, neenik a'nuk mi'nagagirak aa'nduk togon wonagagirak me, peebi irip paga mondok logogin nogo nen

Wayu 20:14

Ti eeke kage nagarik, it ando ineenik aganaburak mbuku nogo paga inendage mbanak lek kenok, kani omoonu'me nappiige logonet, kanggo menggaarak alom inom, kambunuk nogo menggam inom, abok aret waganogo kani omoonuk wunuk mban ari menggim nogome mbo nappiige kagarak o. “Ne mbere kambuurak o,” yinuk, liiru mbanak nogo ti, ambi, we ineenik logonuk, laalu kanggwi, ndi, ambi, kani omoonu'me mondok-mondok nappiige, eeriyak ti nduk aret liiru mbanak o.

Wayu 3:7

“Ndi, ambi at malayikat Ala apuri o Pilarelipiya kuwak eekwi inarum menggerak nogo nen apuri yoraawak nduk, yoriyak, yokkiri o. An Ndawut agunci nogo porogo logonet, tu paake neenok aakumi nen nakwi, ndi, nake neenok paakwi, eekulik an mban unde logonet, pilit ariilik abet mban ari minggirak nalik leenak minggirak nogo nen,

Wayu 4:9

at mondok-mondok eenik menggerak wone lengganogo yorage menggim kwi'ndak wonage nogo, “Wa,” yinuk, alut eekwi, endage tiyappugwi, eekwi iigak,

Wayu 5:14

it aakumi nen iigulik mendek ineebe 4 nogo nen, “Abet aret yaga o,” yinuk, “Amin,” mban yogwe, ndi, it inoweewi 24 nogo nen Ndomba Aagaluk nogo abu'me tebe yinuk, alut eekwi, eekwi iigirak o.

Wayu 6:8

nenegen neegak, aap kambuurak nduk eeke logonet, etenggen ndoongga kere agago pege menggi kwak, kuda togop aret aap ambi endage Kanggwi Unde nogo kuda amborowak paga kwi'ndak wage kagak, aap ambi endage Kambunuk Nogo Menggam ambokan nabek togon aago wage eekwi iigirak. Wogo mbaka, it nen aakumi o nggween paga ando mogonogo teppiigo logonet, ando mogonogo seperempat nogo wooluwak paga inoorit nogwe, mbi abu nen kambuwak nduk, noogelo eerogo piigwi, andi nen kambuwak nduk, kugilengga ndi wurogo piigwi, ndi, nggwiya eyonggaame mendek nen nibininabuwak nduk, inanini eerogo piigwi, eerit nogo logowak nduk, unde eeppiige kagarak.

Wayu 9:1

Konengge nagarik, wonage me, malayikat ineebe 4 oone nggwok eeka inarompet nogo oone eeko mbaka, ti'nuk, at ambi nen arompet eeke kagak, laaluguragan ambi mbogut paga nen nggween paga wambi wage kagarak. Wambi wagaarak nogo nen Kambunuk Nogo Menggam mbuun ambena ogu kiiniki paga lombok tu paaruwak nduk, kunci wogoge kagarak o.

1 Tamuwen 2:6

Kaliku ALA nen it aakumi kambuwak nduk eeppiige, Ineenik logowak nduk eeppiige, Kambunuk nogo menggam nappiige, Time nen mippiige, Eeke menggendak o.