Wayu 1:17 - Ala Wone Peenok Peebi Mbanak

¹⁷ At eebe togop aago wonage nenegen kage nagarik, aakumi inambuluk yuppuk ngginnari nogo mengga kwak, an togop aret at abu'me ngginnari nage mbaki, at eenggi abe'nggan paga pi'nake logonet, “Aa'nduk togon wonagagirak inom, peebi irip paga lombok mondok logorak inom, ti an aret me, kagabiti mbarugun o.

Wayu 1:17 ပူးပေါင်းရင်းမြစ်များ

Wakkagagerak 15:1

Ti'nuk, ne ambi paga at Aliku ALA nen abinggaanggo paga Abaram yoge logonet, “Abaram wae. Kat kanggeemu pogom inom, eerit nage onggo wokkiriyak nogo inom, ti an neebe aret me, kagabiti mbarugun o.”

Ndawi 139:5

Kat nen nenaagan-nambokan abok aret yengget-wangget eeppaninuk wonage, Kat keenggi omaawi paga nobappaninuk wonage, Eeke menggendak o.

Wundeegwaarak 14:13

Yogo mbareegwa, Muta nen it yorage logonet, “At Aliku ALA nen nonggop agago kinagap ndarigin nogo yogondak aret kinigen kaamunggup me, kinagabiti mbaka'lek kiniki kwippunuk logonip o. It aakumi Metit mendek yogondak kinigen iigwi ti, peebi nen kinigen iyaamunggup mondok lek o.

Wundeegwaarak 20:20

Yoreegwaarak kwe, Muta nen it yorage logonet, “At Ala nen, An inagabiti nombako logonet, maluk eerugun lek, mba'nuk, kinabut mbaniyak nduk kiya wagaarak me, kinagabiti mbarugup o.”

Wundeegwaarak 3:6

Yoge nagagerik, ambinom yoge logonet, “Kombomini Abarakam inom, Itak inom, Yakup inom, inogoba Ala nogo ti, an aret o,” yinuk, yoreegerak nogo at Muta aruk konengge nagagerik, Ala enegen pekkoorak agabiti nen enete nobakkolagagerak.

Yetaya 41:10

An kit ninom wonage me, kinagabiti mbakwi, An kinogoba Ala aret me, kiniki piirik ogwe, Eerugup o. An nen kinomaawi eerogo pinagage, yeenggwa kirage, Aap ambi nen tebenogo pinagukwak, neenggi omaawi abe'nggan paga pikkinake, Eerigin o.

Yetaya 41:4

Ti abok aret eeriyak koonogo punuk, eeke logowak nduk, unde wake, O aa'nduk aakumi wiganit wundi wogwe iigak, o yime arit woroorak nogo koonogo pege, Eereegerak ti, Ta mbakop? Lek o! It aa'nduk nda'nogogwaarak nogo lek iigak aa'nduk lombok wonagagerak me, It irip paga nda'narugun nogo lek aremenggaarak iigak, mondok logogin Naliku ALA nen aret eereegirak o,” yinuk, yegerak.

Yetaya 44:6

Iterali inowe endagembogut wondet eerogo pinagareegerak Omaawi Lombok Menggerak Aliku ALA nen wone yegerak nogo yi aret. “Aa'nduk togon wonagagirak peebi irip paga mondok logogin ti, an nalik aret o. An Ala wonage neegak, at alik ambi wonage mondok lek aret o.

Yetaya 48:12

“It Yakup paga wiganak ti, An leenogo piyareegirak Iterali mendek ti, An wone yorage yi, inaruk konenggo logowak o. An ti, nalik an aret o. Aa'nduk togon wonagagirak peebi irip paga mondok logogin ti, an nalik aret o.

Leendawi 3:57

Noone yokkereegirak karuk konembunuk, neya wage nagagindik, “Kagabiti mbarugun o,” yinuk, yo'nege, Eereegindak o.

Yetikiyen 1:28

O mayu wage logonet, ndugwi lenggenak wonage paga mbulu nagabak menggi kwak, eya abinak at enaagan-ambokan wanggerak wonage kagagirak. Kage nagagirik, “Aliku ALA tiyanak lombok eya eerak negen aret kagi,” yinuk, ngginna'nuk, nena nggween paga wandunik wonage me, at ambi nen oone ari naruk koneneegirak o.

Ndaniyen 10:12

Mi'nage mbareegi, at nen an yo'nege logonet, “Ndaniyen wae. Kagabiti mbake ti mage o. Kat ne aa'nduk lombok, Nabi kagarak nogo alom neenu arikit lak, ao, yinuk, kiniki koombunuk kogoba Ala enggaanom paga kiniki tebeppatinuk tamban eekendak nogo, at muk aruk konenggerak me, tamban eekendak onggo lik togon aret yokkiriyak nduk keya wagarak kwe,

Ndaniyen 10:15

Wone ti yo'nege kagak, nena nggween paga wandunik noone-nambe yuurak meek puk aret wonagagirak.

Abakuk 3:16

Agan wage yi abok aret naruk konengge, niniki ma'nage, Nagabiti nen nambe lele ari, Nowak ne agan nage, Naganak ndik-ndik ee'nake, Eereegerak kwe kagak, It aakumi tebenogo pinani unggwogwe nogo, aaninggin inoba kwippiyorak eyom ari woraawak nduk, An niniki aanaganggenggwi lek tokkage logogin o.

Matiyut 14:27

Kwa yogo mbareegwa, at Yetut nen, “Kinogut li o.” Yorage nagagerik, “An neebe aret me, kinagabiti yugup o.”

Matiyut 28:4

it tum wako nogogwaarak nogo inagabiti nen inaganak nugirage logonet, aap kanggaatak pogom nugu'lek aago puk ogogwaarak.

Matiyut 28:5

Ndi, at malayikat nogo nen it kumi nogo yorage logonet, “Kit nen aap Yetut eyo paga nabenogo pegaarak nogo kaawok nduk, wogotak kiigirak me, kinagabiti mbarugup o.

Yaya 13:23

Inigen pet-pet yogo logonet, aap at oone waganggwi mendek ambi Yetut iniki kunik wonage nogo Yetut imbirak tabonak kwi'ndak wonage me,

Yaya 21:20

Yoge mbareegi, nogo logonet, at Peterut ena logurogon pe'nage nagagerik, at Yetut oone waganggwi mendek ambi at iniki kunik aa'nduk mbi nunggwi me, Yetut imbirak tebenak logonet, “Nogoba wae. Ta nen konggo mbanigin o?” yoreegerak nogo, inambokan wage Peterut enegen kagagerak.

Wayu 1:11

yo'nege logonet, “Eeriyak titikkege neegak, mbuku pirik-perek aago paga liiru mbangge logomenggendik, it Ala apuri o Epetut inom, Timirina inom, Peragamut inom, Tiyatira inom, Taririt inom, Pilarelipiya inom, Laworikiya inom, nggereya 7 paga kuwak eekwi nogo abok aret pekkaawak nduk, nappunu o,” yinuk, yo'nege konenggirak o.

Wayu 1:4

An Yaya nen kit Ala apuri o Atiya nggereya 7 paga kuwak eerit nogo monggotak nogo, keyage wappinagi o. Aa'nduk wonagagerak, yogondak wonage, peebi logogin mondok itok menggerak Ala inom, ndi, Ala wone lengganogo yorage menggim abu'me menggaarak Aberiniki eeke menggerak alom 7 nogo inom, ndi, eeruwak nduk nappi wagagerak mondok liippunuk yubuk togon eeke nagagerik, kambunuk nogo menggam inenggela'me nen at aa'nduk mi'nage nagagerik, yogondak it aap nggween paga mendek inoweewi nagawan-nagawan abok inowe endagembogut agagerak at Yetut Keritut nogo inom, it abok aret iniki kunik en wokkirogwe, ndi, kiniki ugun tayenak ale'nggen logobagip nduk, eeppinagagwi, eeko logowak o. At Yetut Keritut ninabuwa nen iniki kunik ee'ninake, amiya paga ninomaluk koorogo pinanege,

Wayu 1:8

Aa'nduk wonagagerak, yogondak wonage, peebi logogin at omaawi lombok menggerak ninogoba Ala nen ari logonet, “O maan aa'nduk togon wonagagirak Alpa inom, ndi, peebi irip paga mondok logorak Omega inom, ti an aret o,” yinuk, ari menggerak o.

Wayu 2:8

“Ndi, at malayikat Ala apuri o Timirina kuwak eekwi inarum menggerak nogo nen apuri yoraawak nduk, yoriyak, yokkiri o. An kangge nagagirik, neenik a'nuk mi'nagagirak aa'nduk togon wonagagirak me, peebi irip paga mondok logogin nogo nen