Wakkagagerak 9:6 - Ala Wone Peenok Peebi Mbanak

⁶ An Ala neebe pogom aakumi ogobakkigirogo piyareegirak me, aap ambi nen aap ambi wake kenok, onggo aap alik ambi nen at aret warogo puwak o,” yoreegerak.

Wakkagagerak 9:6 ပူးပေါင်းရင်းမြစ်များ

Wakkagagerak 4:14

Ndi, an yime nen kat kenggaawak paga logorak lek, nomba'nuk mugogo wumbanegendak me, neebe o ambi me teberogon wonage lek we yaluk-ndaluk aret nege neenok, aakumi ninom aabuk a'nuk, ugun aret nooko logogun kagi o.”

Wakkagagerak 42:22

Yogo mbareegwa, at Uruben nogo nen ari logonet, “Ninawuluk maluk eeppuurak mage o, yokkiragagirak nogo lek a? Yokkiragagirak kwe, noone taganeegutak nogo. Ndi, ninawuluk amiya wundeegerak nogo onggo yogondak nit ninoba age yi kaanip o,” yereegerak.

Wakkagagerak 5:1

Aap Aram ombowologwe wiganak inendage liiru mbanak yi o. Ala nen aakumi wakkage logonet, at etenggen pogom aret ogobakkigirinabeegerak.

2 Tamuwen 4:11

aap maluk eeka'lek ame ageyo ndoonak paga windak ugun wonage kagak, kit aap maluk mendek nen ame unggunuk, warogo pogotak nogo ti, abunuk maluk nggwok eekotak me, kit teppinagarak mbakop? Amiya wunakotak onggo o nggween paga yime nen kinenggaawak lek eerogo pinagarak lek mbakop? Lek eerogo pinagarak areto.”

1 Endagembogut 2:9

An togop aret yoreegirak kwe, kat aap kiniki warak me at eeppuurak mbaremenggendak nogo eeppege logonet, at eeppaneegerak wonage kagak, kat nen, Oba lek o, yinuk, teppege keenok, iniki ugun nege logomenggerik, at eeruwak kenen mbambunuk, kambunuk nogo menggam enaani nawak nduk, teppuurak mage o. Ata, amiya tene agan aret unggwi nawak nduk, eeppunu o,” yinuk, yoreegerak.

2 Endagembogut 11:1

Aap Akatiya agalo kwe Ataliya nogo nen, “Naagaluk kanggerak, kagi,” mbake nagagerik, aap endagembogut Akatiya apuri wiganak abok aret inoorogo piyaakit nduk eereegerak.

2 Endagembogut 11:16

Yorage mbareegi, kwe nogo pippogo nogogwaarik, wonok aap endagembogut awi o nggwok abe wurik oore'nggam tu unggwogo menggam endage, Kuda, time pi nanuk, warogo pereegwaarak.

2 Endagembogut 11:20

Kwi'nage mbareegi, it aakumi o time wonogwe abok aret iniki ale'nggen agagerak. Ndi, kwe Ataliya nogo aap endagembogut awi o nggwok abe wurik nogome wooluwak paga warogo pereegwaarak me, o nogo abolok lek obeelom aret wonagagerak.

2 Mbinineegwaarak 33:24

Eerit nage me, at inom yabu eeko menggaarak nogo nen at eebe wariyak wone mbanggo nogogwaarik, awi o nggwok abe wurik me nogome aret warogo pogo mbareegwa,

Ndawi 51:4

Kat aret maluk eeppagage, Aap alik lek kat lombok maluk eeppagage, Maluk eeriyak keebi mbake menggendak nogo kagak aret eeke, Eekirak me, Eekirak onggo eeppaniyak nogo ti op aret mbake, Ndi, nowak loonogo punuk, Aaninggin noba paniyak mbake nogo ti, a'me nggelok aret eeppanumunggun kombake, Eeke agarik o.

Wundeegwaarak 20:13

Aap wariyak mage o.

Kini Wuppiige 28:17

Aap ambi nen aap alik ambi warogo pege logomenggerik, “Eekirak paga noorukwak,” mba'nuk, Ambime nagak ambime nagak eerit-eerit eebe aret kambi nagin me, ili yuurak mage o.

Wone Alom Kibingga 3:3

Inooriyak eyom wonage, obeelom eeppiyoorak eyom wonage, Minogo puurak eyom wonage, wuriyak eyom wonage,

Ala Unde 24:17

Aap ambi nen aap ambi wake kenok, at kunduk onggo togop aret warogo pogo logowak o.

Linggineegwaarak 35:16

Togop kwe, aap ambi nen, Warikit, mba'nuk, mbuti mendek paga aap waremenggerak kangge kenok perak, at aap ti, aakumi inooka aret me, kambuwak nduk at aret warogo puwak o.

Linggineegwaarak 35:25

It aakumi kuwak aago nogo nen aap ane'me wakwi iyo, aap waremenggerak nogo awone amburu liirogon mbambunuk, eebe wariyak lek o aakumi inagap ndake logowam time aret ari nawak nduk nappuwak o. Aap Ala ake leenogo puwak nduk, amburu eeppunuk, mippugu Ala unde inowe nogo kangga'lek kagak, time aret logowak o.

Linggineegwaarak 35:33

Ndi, aap eenggi amiya kenok waremenggaarak ti, op aret kwe, aap ambi warulik kagak warugun kenok ti, inawi aret maluk eerogo patemenggaarak nogo lek aruwak nduk, nggami aanggo wakwi kwak wariyak lek me, o it wonogwe me time enete maluk eerogo puurak ti mage o.

Matiyut 26:52

Tabonogo nappege mbareegi, at Yetut nen, “It aap paloowi paga inookwi iinok, it nen onggo paloowi paga aret inooko menggaarak me, kobaloowi ti, awiina yonggolu o.

1 Korindut 11:7

Ala nen aap ti, kumi inake wakkoolik o. Kumi ti, aap inake wakkagagerak me, aap inalom ti, kumi lek o. It kumi inalom ti, aap aret me, inayum langgunik logonet, inogonggelomini inabu'me tebe yinuk, inayuk wuko logowak o. Ndi, aap perak, Ala nen, “An tiyappanugo logowak o,” yinuk, at etenggen pogom aret wakkagagerak me, aap ti, Ala abu'me tebe yinuk, inabetagi nggoorogo punuk, tamban eeko logowak o.

Pelaareegerak 19:11

Togop eeko logorak kwe, aap ambi nen ore ambi eebi nen, Warikit, mbake logomenggerik, enaappunuk wonage me, aap nogo wage kenok, kok nggerembunuk kambuwak nduk warogo pege logomenggerik, kole mbaganit, o kota leenogo pugu nogo ambime unggwi nage kenok perak,

Pelaareegerak 5:17

Aap wariyak mage o.

Yakobut 3:9

Ninambe peenok paga ninogoba Ala alut eekwi, ndi, peenok paga aakumi Ala etenggen ndak-ndak ogobakkigirogo piyareegerak kagak, kugi pulunogo piigwi, eeko monggoorak.

Owak Loongga 9:56

Ti agagerak nogo ti, aap Abimelek nen ogoba maluk eeppege logonet, oreewi 70 inooreegerak onggo Ala nen Abimelek nogo wake,

1 Tamuwen 15:33

Tamuwen nen ari logonet, “Kat kawooluwak paga it kumi inooke logonet, inaagalogwe a'nggan waganogo piyareegindak ti kokwak, Yi kumi ndi kumi inenggela'me nen kat kagalo alik aagaluk ambi lek aret kaagun o.” Yoge nagagerik, Tamuwen nen aap Agak nogo Aliku ALA enggaanom paga o Nggilagan time aret warogo pereegerak.