Wakkagagerak 9:5 - Ala Wone Peenok Peebi Mbanak

⁵ Ndi, kit aakumi kineenik monggotak alom ti, kinamiya aret me, aap ambi nen kit ambi kinooremenggaarak kangge kenok, an nen amee'nggo waagin aret o. Nggeewo-wam, towe-pagi, yi waalo ndi waalo nen aap ambi nibinemenggaarak kangge kenok ti, an nen amee'nggo wagangge logogin mban. Ndi, aap ambi nen ore ambi waremenggerak kangge kenok, at kunduk amee'nggo waagin aret o.

Wakkagagerak 9:5 ပူးပေါင်းရင်းမြစ်များ

Wakkagagerak 42:22

Yogo mbareegwa, at Uruben nogo nen ari logonet, “Ninawuluk maluk eeppuurak mage o, yokkiragagirak nogo lek a? Yokkiragagirak kwe, noone taganeegutak nogo. Ndi, ninawuluk amiya wundeegerak nogo onggo yogondak nit ninoba age yi kaanip o,” yereegerak.

2 Tamuwen 4:11

aap maluk eeka'lek ame ageyo ndoonak paga windak ugun wonage kagak, kit aap maluk mendek nen ame unggunuk, warogo pogotak nogo ti, abunuk maluk nggwok eekotak me, kit teppinagarak mbakop? Amiya wunakotak onggo o nggween paga yime nen kinenggaawak lek eerogo pinagarak lek mbakop? Lek eerogo pinagarak areto.”

1 Endagembogut 2:6

kat kiniki warak nen eeriyak mbake nogo eeppege logonet, at eeruwak kenen mbambunuk, aakumi kambunuk nogo menggam enaani nawak nduk, teppuurak mage o.

2 Endagembogut 11:1

Aap Akatiya agalo kwe Ataliya nogo nen, “Naagaluk kanggerak, kagi,” mbake nagagerik, aap endagembogut Akatiya apuri wiganak abok aret inoorogo piyaakit nduk eereegerak.

2 Mbinineegwaarak 24:22

At Takariya ogoba Yoyara nen at endagembogut Yowat abuwa nen obeelom eeppereegerak nogo, mari eerogo mbo punuk, onggo negen aput wareegerak me, kangge logonet, “Eeppanegendak nogo, Aliku ALA enegen neegerak me, Ndogop eekendak o, yinuk, yokkege kaamunggun o,” yinuk, kambeegerak.

2 Mbinineegwaarak 33:24

Eerit nage me, at inom yabu eeko menggaarak nogo nen at eebe wariyak wone mbanggo nogogwaarik, awi o nggwok abe wurik me nogome aret warogo pogo mbareegwa,

2 Mbinineegwaarak 33:25

it aakumi o time menggaarak nen pilak yogo logonet, aap endagembogut Amon nogo wariyak wone mbaneegwaarak nogo abok aret inoorogo piinok, obaane'me at aput Yotiya nogo inowe endagembogut mippereegwaarak.

Wundeegwaarak 20:13

Aap wariyak mage o.

Wundeegwaarak 21:12

Yoge nagagerik, wone ambinom yoraawak nduk, yoge logonet, “Aap ambi nen aap ambi waremenggerak kangge kenok, onggo at aret warogo puwak o.

Ala Unde 19:16

Naliku ALA an aret me, inoreewi inabok mbanggo logonet, miyuk-meya eerogo piigwi, inooriyak nduk koonggwi iigak, Inobaalombok o, yinuk, teppiigwi, eeriyak mage o.

Ala Unde 24:17

Aap ambi nen aap ambi wake kenok, at kunduk onggo togop aret warogo pogo logowak o.

Ala Unde 24:21

Ndi, aap ambi nen aap ambi aanggo waremenggerak kangge kenok, obaane'me awi yakkoorak aret kwe, aap ambi nen aap ambi waremenggerak kangge kenok perak, ane'me at aret kambuwak nduk, warogo puwak o.

Linggineegwaarak 35:16

Togop kwe, aap ambi nen, Warikit, mba'nuk, mbuti mendek paga aap waremenggerak kangge kenok perak, at aap ti, aakumi inooka aret me, kambuwak nduk at aret warogo puwak o.

Linggineegwaarak 35:17

Aap ambi nen, Warikit, mba'nuk, yugum eenggime wonage nogo paga aap ambi waremenggerak kangge kenok, at aap ti, aakumi inooka aret me, kambuwak nduk eebe warogo puwak o.

Linggineegwaarak 35:18

Aap ambi nen, Warikit, mba'nuk, eyo eenggime wonage nogo paga aap ambi waremenggerak kangge kenok, at aap ti, aakumi inooka aret me, kambuwak nduk eebe warogo puwak o.

Linggineegwaarak 35:21

imbirak ogoorak me, eenggi lingginik paga waremenggerak aret kangge kenok a, aap ti, Aakumi inooka aret o, yinuk, warogo puurak aret me, aap waremenggerak nogo ane'me wariyak nduk eebe kwaarit nage logomenggerik, imbirak lambungge kenok, aap ti warogo puwak o.

Matiyut 23:35

Ti paga at Kaben iniki koonak kagak amiya wambeegerak kuli nen nok, aap Mbakariya aput Takariya nogo, Ala awi wurik me ake warogo kani kunggo menggam oolo time wareegutak kuli, it aap iniki abe koonak menggaarak inamiya nggween paga yime wambit nagagerak nogo, abok aret kit kinoba luurik aret logogin o.

Nappiigak 17:26

At yi awi ndi awi abok o nenaarit nogo logowak nduk, kuli ogoorogo piinet nage, ti'nuk, nineyom-naneyom eerit nogo logowak nduk, koonogo pege, eeke nagagerik, yi aap ndi aap inanebunu lombok yi awi ndi awi wiganuwak nduk, alom aap ambit aret wakkagagerak.

Pelaareegerak 19:11

Togop eeko logorak kwe, aap ambi nen ore ambi eebi nen, Warikit, mbake logomenggerik, enaappunuk wonage me, aap nogo wage kenok, kok nggerembunuk kambuwak nduk warogo pege logomenggerik, kole mbaganit, o kota leenogo pugu nogo ambime unggwi nage kenok perak,

Pelaareegerak 19:12

it aap inoweewi wone koongga at ame wonogwe nogo nen aap wappunuk namenggerak nogo wa nawak nduk, nappiyamenggaarak inagap ndako menggam nogome nen wonok wogwe iinok, aap waremenggerak nogo ane'me warogo puwak nduk, aap kambemenggerak owe-awot wogoraawak o.

Owak Loongga 9:56

Ti agagerak nogo ti, aap Abimelek nen ogoba maluk eeppege logonet, oreewi 70 inooreegerak onggo Ala nen Abimelek nogo wake,