Wakkagagerak 9:23 - Ala Wone Peenok Peebi Mbanak

²³ Yora nagagerak wogo nogogwaarik, Yapet Tem imbirak nen inogoba ayum yirik lek agap mbelanak wonage mbareegi, inigen anggu'nggan nen inogoba kookwak nduk, yum tabak inambo'me mulumbunuk, ando-ando piganok inambot melak nogo nogogwaarik, nggoorogo inogoba nogo lenggembunuk, mbawok aret wundi wogogwaarak.

Wakkagagerak 9:23 ပူးပေါင်းရင်းမြစ်များ

Wakkagagerak 9:22

Ayum yirik lek we wonage me, at Kanan ogoba Kam nogo enegen kage nagagerik, yonggo at oreewi mbere nogo yora nagagerak.

Wakkagagerak 9:24

Lenggembunuk wundi wogogwaarak iigak, at Nu anggur amburu neenok iniki lek agagerak nogo iniki awi ya'nage mbareegi, at aput peebi mendek nen eereegerak eenu age nagagerik,

Wundeegwaarak 20:12

Naliku an kinogoba Ala nen kinanggween wokkiraawam time logonet, li a'nuk kanggo logomunggup nduk, kinagalo-kinogoba inayuk wuko logonet, inoone liirogon konenggo logomunggup o.

Ala Unde 19:32

Naliku ALA an aret me, aap inanggok iinok, inabu'me tebe yinuk inayuk wukwi, ndi, an inogoba Ala inagabiti nombakwi, eeko logowak o.

Oroma 13:7

wone yugu mugurok, “Wo'niraanip o,” yinuk yokkirogwe iinok, wogorogo logonip o. Kinarum wonogwe onggo wogoraga'lek kenok, wogorogwe, yi mendek ndi mendek wonok o yime unggwit woroorak, “Onggo ndogop pinip o,” yokkirogwe iinok, wogorogwe, “Ninayuk wuko logonip o,” yokkirogwe iinok, inayuk wukwi, “Nit kinogobamini aret me, tiyappinanggo logonip o,” yokkirogwe iinok, tiyappiigwi, eerit nogo logonip o.

Nggalatiya 6:1

Noreewi o. Kinore ambi perak togon yigeebu wangge kenok, kit aap Aberiniki kinom kunik monggotak nogo nen, “Noreeluk iniki nggagangge mbaki, yigeebu wanggerak nogo kokwak, an togop wangge neyo nagabiti o,” yinuk, kinoone yanggorogon awone mbanggo logonip o.

1 Timotiyut 5:1

It aap inanggok iinok, koone omaawi paga mberiraagun o. “Yi nogobamini kwak me,” yinuk, iniki eyak wappiige logot o. It aap tawe ti, kat kawuri kwak,

1 Timotiyut 5:17

Ala nen ari logonet, “Lembu nen iniyok gandum anggen mbelanit nage kagak ando nunggwi iyo, inambe keele maarogo piigo logorak mage o,” ari, ndi, ambi, “It aap yabu eeko menggaarak yabu onggo woorak op aret o,” yinuk, ari, yereegwaarak liiru mbanak wonage me, it aap Ala apuri unde menggaarak inendage tiyanak kwe, obeelom lombok inarum wonogwe me nduk, inendage ambinom tiyappuurak ti op aret o. It Ala wone nggwok paga yorogwe, wone mamunirogwe, mondok nabenak mban eekwi iinok ti, abunuk ambinom inendage tiyappiigo logonet, liippiigo logowak o.

1 Timotiyut 5:19

Aap mbere ilik, kenagan a, nen, “Togop eekerak o,” yinuk, yogwe lek iigak, at ambiret nen mban aap Ala apuri unde menggaarak ambi oone oba pege kenok, at oone koneniyak ti, lek o.

1 Peterut 2:17

It abet mbakwi kenok kiniki kunik aganakwi, it weelek mendek abok aret inabuwa mbakwi, kinoweewi inendagembogut inayuk wukwi, ndi, Ala kinagabiti mbakwi, eeko logonip o.

1 Peterut 4:8

Aap ambi ore imbirak iniki kunik logomenggerak nogo nen ore maluk ambik eerogo pit nage logomenggerak kwe, imbirak iniki kunik me, “Op aret o,” ari menggi kwak, kit togop aret, “Niniki-kiniki kunik eeko logonip o,” yinuk, wone ambit ti aret yokkiragi o.