Wakkagagerak 8:21 - Ala Wone Peenok Peebi Mbanak

²¹ Nogo warogo kani kuneegerak obari Aliku ALA ogobak me nage mbareegi, iniki ale'nggen age nagagerik, iniki nen mbake logonet, “It aakumi yi, wologwe-mbuulogwe paga nen maluk eeriyak koonggo logogun aret kwe, koonggwi iinok, an nen o nggween paga yime pulunogo piigirak kokwak, peebi togop ambi pulunogo piinok, maluk eeppiige logogin abu lek o. Ndi, yi mendek ndi mendek ogobakkigireegirak ineenik nugu menggaarak mendek yogondak inookirak kokwak peebi togop ambi inoorigin mondok lek o.

Wakkagagerak 8:21 ပူးပေါင်းရင်းမြစ်များ

Wakkagagerak 3:17

Yoge nagagerik, at Aliku Ala nen aap nogo yoge logonet, “An nen, Eyoonggen yi noorak mage o, yokkigirak kagak, kat kakwe oone konembunuk, nenggendak paga nggween yi pulunogo pigirak me, awo kangga'lek keenik logonet, yabu anggon-panggon agago punuk, yake logomenggendik, anggen mbanogo nenet nage logomunggun o.

Wakkagagerak 4:12

Yi mendek ndi mendek yaremenggendak kwe, anggen abe ambi yege me mbanogo nengge, kat keebe o ambit me teberogon wonage, eeka'lek we yaluk-ndaluk time aret nege logomunggun o,” yoreegerak.

Wakkagagerak 5:29

Ndake nagagerik, “At Aliku ALA nen nggween pulunogo pereegerak nogo paga yabu eerit nogo logonet, andi-pandi ee'ninake nogo yeenggwa nirage logowak nduk, nda'nagaarak me, endage Nu aret o,” yinuk, tooneegerak.

Wakkagagerak 6:13

aap Nu nogo yoge logonet, “It aakumi maluk eerit nugwi paga o nggween paga yi awi ndi awi abok aret inanini ambik agaarak me, ambinom ineenik logowak nduk teppiyaagin lek o. Aakumi tigitogon lek eerogo piige, ndi, o nggween yi mondok lek eerogo pege, eerikit o, yinuk, wone abuk nggaruk togon yokkigi o.”

Wakkagagerak 6:17

Ndi, abu aret eeke kenok perak, yi mendek ndi mendek o nggween paga yime ineenik nugu menggaarak mendek abok aret mondok pup eerogo piyoorak nduk, mayu nggwok lombok wuppi woraminggirak paga inooke neenok, ambi ineenik logogun lek o. Abok tigitogon aret niyo paga ndonggoninabit namenggaarak kambit nagun o.

Wakkagagerak 6:5

Yi aakumi ndi aakumi nggween paga maluk mban eerit nogwe, it inikime nen yi eeriyak ndi eeriyak koonggwi nogo ti, maluk mban aret koonggwi, eekwi nogo at Aliku ALA nen enegen iige nagagerik,

Wakkagagerak 6:7

“Aakumi inom, yi mendek ndi mendek inigen mbolok lek inigen mbolok kwi anebunu lombok inom, yi mendek ndi mendek inaanogum paga nugu menggaarak mendek inom, yirowe-ndirowe wiga agan nugu menggaarak inom, nggween paga yime logowak nduk, ogobakkigirogo piigirak kwe, it eekwi paga niniki puru eerogo panugwi me, it apit aret lek eerogo piyaagin o,” yinuk, yereegerak.

Ayup 14:4

Aap kiik aago ambi nen kikak naka'lek eekkoloorak op mbaken? Lek aret o!

Ndawi 51:5

Nagalo inikime logonnage logonet maluk lenggenak wonage, Maluk alom ninikime kagak aret nda'nage, Eereegirak kagi o.

Ndawi 58:3

Kit aap maluk mendek yi, Nda'nogwe kuli nen aret tu abe paga nogwe lek Tu alik me nomoninuk nogwe, Kinagalomini inikime nen nda'nogo nogogotik, Wone abe yaga'lek pilit mban pugunit nugwi, Eeko monggotak me,

Ndawi 58:4

Kinoone yogwe ti, Waalo aakumi inooka inameyo kwak wonogwe, Waalo aap yanggoninake menggerak abu eenu nen Waalo muuru yanggonuwak nduk Oone yanggok-yanggok yoge nogo konengge kwe, Aruk logu negen eeppunuk menggi kwak aret wonogwe, Eeko ogotik o.

Wundeegwaarak 29:18

eebe nogo abok aret kani kunggo logowam nogome kani kunumunggun o. Ti eeriyak nogo ti, Naliku ALA nake warogo kani kunggwi iinok, obari obeelom kage logonet, niniki ale'nggen kaakit nduk, eeriyak nogo ti aret.

Wundeegwaarak 29:25

Ti eekwi iinok, Naliku an ALA obari abe kage logonet, niniki ale'nggen mbarikit nduk, ineenggime nen waganogo Naliku ALA nake warogo kani kunemenggendak nogo inom kani kunumunggun o.

Kini Wuppiige 20:9

“An niniki abu kikak naka'lek wonage. An noba mbeenogo pakirak me, maluk eeka'lek wonage,” yinuk, Aap ta nen yuurak op mbakop?

Wone Alom Kibingga 7:20

O nggween paga yime aakumi maluk eeka'lek iniki koonak abu obeelom mban eeka wonogolik o.

Yetaya 47:12

Togop me, kagugi koone yorage menggendak inom, Ndi, kat keebe awo mbuuluk paga nen tili paganit wage menggendak nogo inom, eeke logot o. Eeke ti paga yeenggwa kiri wage, Aakumi inamineeri ne agan nage, Eerigin kwa?

Yetaya 47:15

It aap wone yokkirit unggwogwe, Keebe mbuuluk paga nen kinom eerit nugwi, Eekwi nogo ti, Ambi eeppagarak lek kagak yokkugwi, It ambi nen kagap ndariyak lek kagak, inalitik-inalitak inoone ugun-ugun agan nugwi, Eeko agaarik o,” yinuk, yoge kagarak o.

Yetaya 48:8

An yorage nogo inaruk konenggwi, liippugwi, eeka'lek aret agaarik o. O aa'nduk nen inaruk logu negen eeppunuk wonogwe iinok, Nda'nogogwaarak kuli nen nok yogondak kuli aakumi nen, Inogogun ambik o, yinuk, yorogwe iige, Ndi, an kunduk, wone yorage taganogo punuk, alik agan nugwi abet aret iige, Eeke minggirak kwe,

Yetaya 53:6

Nit abok aret ndomba kobak aago negen wonogo logonet, tu abe kagak alik paga nogwe, Ninalitik-ninalitak niniki koombunuk eerit nogwe, Eeko nogogurak paga Nit abok aret maluk eekwi onggo, “At nen aret mbanuwak o,” yinuk, Aliku ALA nen at oba pereegerak.

Yetaya 65:6

Liiru mbanak nenggaawak paga wonage nogo yi aret. An puk arigin lek eekaatak onggo abu ndak-ndak inoba piige, It maluk eekwi inom, inombomini maluk eeko nogogwaarak inom, maluk onggo mondok nggwik togon inoba kwippiige, Eerigin o, Yereegerak liiru mbanak nogo ti aret. Puut-puut paga inagugi aanggo warogo kani kunit nogwe, Puut-puut teberogon paga meek eerogo panugo logonet eekwi, Eereegwaarak me, Aa'nduk eerit wogo nogogwaarak abok aret onggo mondok a'me nggelok inoba kwippiyaagin o,” yinuk, Aliku ALA nen yegerak o.

Yeremiya 17:9

Yi mendek ndi mendek obeelom eerogo puurak ti op aret kwe, Nit niniki ti nen perak, abu maluk lombok logonet, abe eeriyak kagak alik eeriyak yo'nirage menggerak me, Obeelom ariyak, ta nen liippunuk eeriyak mbakop? Meek aret o.

Yeremiya 18:12

it nen wone onggo yokkogo logonet, Nit eeriyak koonogo pogoorak nogo mban mugurok nogwe, ninogogumbuk a'nuk niniki maluk lombok logonet, eeriyak uugwe mbakwi nogo mban eerit nogwe, eeko logogun me, kat koone yo'nirage ti, aanom warogo yo'niroorak mage o, yinuk, yokkirugun,” yo'negerak me, yokkiragi o.

Yeremiya 8:6

It aakumi yi, yogwe nogo naruk liirogon konengge nagagirak kwe, abe koonak yogwe ambi naruk konengge, An maluk nonggop eeki? mba'nuk, Mbo pi o, yogwe ambi konengge, Eeka'lek aret agarik o. It aap wim namburiyak kuda paga kwi'ndak mbe agan nogo mengga kwak, It yungguninuk waga'lek eeriyak mbakwi nogo mban mugurok nogo menggaarak.

Yetikiyen 20:41

It yi aakumi ndi aakumi inenggela'me nen wumbiya wage, yi o ndi o mak eerak wonogwe me nen kuwak eerogo piya wage, eeke logonet, obari abu abe kaga kwak nale'nggen nen ineebe togop aret wogoninake, yi aakumi ndi aakumi inigen iigak an abu abe alik leenak minggirak neyaawak nduk eeppiige, eerigin o.

Ala Unde 1:13

Ndi, it inaanggo unde nen aanagale inom, aawi inom, niyo paga koorogo pugwi iinok, aap an neebe unde nen mbanak nogo abok aret waganogo kani nengge me nogome nippogo logowak o. Ti eeko logorak nogo ti, Naliku ALA nake kani kunemenggaarak obari abe kage logonet, nale'nggen kaakit nduk, nake warogo kani kunggo logorak nogo ti aret.

Ala Unde 1:17

ndi, towe a'naabit kundugu kagak amik mban meyanogo enaani aret kani kunggo menggam kani wunuk ari me time aret kumbege, eeko logowak o. Ti eeko logorak nogo ti, Naliku ALA nake kani kunemenggaarak obari abe kage logonet, nale'nggen kaakit nduk, nake warogo kani kunggo logorak nogo ti aret, yegerak, yoret o,” yinuk, yoreegerak.

Ala Unde 1:9

it inaanggo unde nen aanagale inom, aawi inom, niyo paga kookwi iinok, it an neebe unde nogo nen yeregerak-peregerak abok aret waganogo kani nengge me nogome nippogo logowak o. Ti eeko logorak nogo ti, Naliku ALA nake kani kunemenggaarak obari abe kage logonet, nale'nggen kaakit nduk, nake warogo kani kunggo logorak nogo ti aret.

Ala Unde 26:31

Inawi kota abe ti, yinik-minik eerogo pege, inagugi alut eeko logowam yigirik-noonom eerogo pege, obari abe kenok niniki ale'nggen kaakit nduk nake warogo pugwi nogo kunduk wagangga'lek mbo pege, eeke neenok,

Ala Unde 4:31

Ndi, amok nogo abok aret an ninom lambunik logowak nduk nake warogo wo'nogo logonet, amok kenok aap aanggo unde nen leenogo puurak yagarak nogo ndak-ndak leenogo pege kenok, aap an neebe unde nen Naliku ALA nake kani kunggo menggam kani kunemenggerak obari abe kage logonet, niniki ale'nggen kaakit nduk, kani kunuwak o. Ti eeko logorak ti, aap nogo omaluk an nen lek eerogo punuk, nimbirak lambunik logokit nduk, aap an neebe unde nen nggami aanggo wakwi kwak eeke kenok, omaluk lek eerogo puwak nduk, eeko logorak nogo ti aret.

Ala Unde 8:28

Muta nen ineenggime wonage nogo wagangge nagagerik, ndomba warak mbanak kani kunggo menggam wonage nogo obaga nippunuk, inom kani kuneegerak. Ti eereegerak nogo ti, aap Ala unde mippiigo logonet, Aliku ALA ake warogo wogoremenggaarak obari obeelom kage logonet, ale'nggen mbaruwak nduk, Aliku ALA ake kani kunggwi nogo aret eereegerak.

Linggineegwaarak 15:3

Naliku ALA nake warogo kani kunggwi, Aliku ALA wogorikit o, yinuk, kumbuk mbanggo logonet pugwi, onggo lek we aret wo'nugwi, laago lariyak koonak nogo paga inale'nggen nen lariyak nduk pugwi, togop eeriyak nduk, nake pi woroorak kenok, obari obeelom kage logonet, niniki ale'nggen mbarikit nduk, lembu-tapi ilik, kambin-ndomba a, pi wogo logonet,

Matiyut 15:19

Kinikime maluk eeriyak koonggwi inom, aap wakwi inom, kumi kundugume wurinakwi inom, komologwe tawe wurinakwi inom, yogoot waganggwi inom, pilit wone inoba piigwi inom, miyuk-meya eerogo piigwi inom, nogo ti, kinikime nen aret wungge menggerak me,

Yaya 3:6

It aakumi nen ndaganakwi ti, it mendek aret o. Ndi, Aberiniki nen ndaganake nogo ti, at mendek aret o.

Oroma 1:21

It Ala ineenu aret logonet kwe, “Ti at Ala aret o,” yinuk, wogoppugwi, “Ala nogoba wa,” yinuk, keyage wakwi, eeka'lek logonet, iniki lek negen we ugun aret koonit nugwi me, iniki o apit negen kobak aago wonogo agaarik o.

Oroma 3:23

Nit abok aret maluk mban eerit nogo logonet, Ala nen nit aap obeelom tiyanak logorak ninombareegerak nogo ndak-ndak aga'lek aret ogoorik o.

2 Korindut 2:15

It aakumi inagap ndarak inom, inagap ndarak lek mendek lek eerogo piige inom, inenggela'me logonet, obari abe Keritut nen Ala ake kungge menggerak nogo pogom nit aret o.

Epetut 5:2

Ala ake warogo kani kunggwi iinok, Ala nen obari obeelom kage menggi kwak, at Keritut ninabuwa nen, “Inake kambikit,” mba'nuk, ninake kambeegerak nogo ndak-ndak, nabuwa-kabuwa mbako logonet, at ambi obeelom eeppegak eeko logonip o.

Pilipi 4:18

Kit nappani wogogutak nogo, abok aret waganeegirak me, lek aga'lek wonage aret o. Ala ake pugu kani kunggwi obari obeelom kenok Ala nen, “Op wo'nega o,” yinuk, iniki ale'nggen mbake menggi kwak, kit an nake pugu aap Epapororitut nen wo'niruwak nduk nappi wogogutak nogo, wonok niri wage mbareegi, wagangge nagagirik, ndiinik-piinik agago pereegirak lek aga'lek wonage aret o.

1 Yaya 5:19

Yi aakumi ndi aakumi maluk eeko menggaarak nogo abok aret at maluk eeka Tile nogo abu'me wonogwe nineenu kwe, nit perak, Ala apuri aret ogoorik o.

1 Tamuwen 26:19

Nowe kendagembogut an kayeloman noone yokkege yi, konengge logot o. At Aliku ALA nen aret an nooriyak nduk, wone kinikime pege kenok, at Aliku ALA ake warogo wogoge obari ogobak me nage kenok, iniki yanggok yuwak nduk, warogo wogoru o. Ndi, aakumi nen nooriyak nduk, wone kinikime mambugwi iinok perak, Ala obaane'me kugi eerit nogwe nogo, Kinom aret eerit nage logot o, yinuk, yogwe ti paga at Aliku ALA yate kwak nggween mbanak wo'nireegim nogome nen mugogo wumbanugwi me, Aliku ALA nen it aret pulunogo piyaagin o.