Wakkagagerak 8:20 - Ala Wone Peenok Peebi Mbanak

²⁰ Abu aret wundi nogo nogogwaarik, at Nu nogo nen at Aliku ALA alut eerikit nduk yugum ndoonogo pege nagagerik, yi mendek ndi mendek op nonggo logorak mendek tapi, ndomba, kambin, towe, anebunu lombok abok aret ambitak nggigik agago Aliku ALA ake warogo kani kuneegerak.

Wakkagagerak 8:20 ပူးပေါင်းရင်းမြစ်များ

Wakkagagerak 13:18

Yoge mbareegi, at Abaram nogo, o nogome teppunuk, o Keboron eyo teno alome o Mamere koorok nogome ari woraanuk, Aliku ALA alut eeke logonet, ake warogo wogoge logowak nduk, yugum logonogo pereegerak.

Wakkagagerak 13:4

yugum logonogo pereegim nogome unggwi nogo nogogwaarik, time nen at Aliku ALA endage kunogo alut eereegerak.

Wakkagagerak 22:2

Yoge mbareegi, at Ala nen, “Kat kapuluk ambolom ambit ndakendak kiniki kunik Itak nogo, wonok o Moriya time namenggendak me, puut ambi an nen yokkege neenok, nake warogo kani kunggo mengga kwak, puut ti paga at eebe warogo an nake pi nanu o,” yoreegerak.

Wakkagagerak 22:9

Nogo nogogwaarik, Ala nen yoreegim nogome ari nanuk, at Abarakam nogo yugum abena ndoombege nagagerik, kani obaga punuk, aput Itak nogo eenggi keele, iyok keele, maarogo kani ndoonak nogo paga pereegerak.

Wakkagagerak 26:25

Yoge mbareegi, at Itak nen o taa'nogo at Aliku ALA ake warogo kani kunikit nduk, yugum logonogo punuk, ndomba warogo Aliku ALA endage kunogo tamban eereegerak. Ndi, o nogome inawooliya wuppatinuk wonogo logonet, at ayeloman mini nogo nen niyo nonggo logorak nduk, nggween ambi kabuneegwaarak.

Wakkagagerak 33:20

nogome aret Ala ake warogo kani kunggak yuwak nduk, yugum logonogo pege nagagerik, o endage, “Iterali Inogoba Ala Alik Omaawi Menggerak o,” yinuk, tooneegerak.

Wakkagagerak 35:1

Ne ambi paga Ala nen Yakup yoge logonet, “Kat koweeluk Etawu ambo'me laganogo punuk kole nage me, tu paga oolo nimbirak lambunggo nogogum nogome nage logomenggendik time logonet, kogoba Ala an nake warogo kani kunggak yuurak yugum logonogo pege logonok nduk, o Mbeten time nak o.”

Wakkagagerak 35:7

Time ari woraanuk, Ala ake warogo kani kunggak yuurak nduk, yugum logonogo punuk Ala alut eereegerak. O nogo ti, aa'nduk Yakup oweeluk nen wake kero, kole wage me, Ala imbirak lambuneegerak kenok, endage, “Ala Imbirak Lambuneegim Mbeten o,” yinuk, tooneegerak nogo aret.

Wakkagagerak 4:4

ndi, at Kaben nogo ti, ndomba aa'nduk ndarak warogo punuk amok mban mbanogo Aliku ALA ake pi wage, eeko mbareegwa, at Aliku ALA nen at Kaben inom, ake wogori wagagerak nogo inom, iniki ale'nggen mbake logonet, waganeegerak kwe,

Wakkagagerak 7:2

Yoge nagagerik, “Ne 7 paga aret logonuk o mayu nggwok lombok wuppi woraminggirak wangge aret kagak, nogo 40 yigin o. Nogo 40 yege kagak, niyo yenggenit laganemenggi-laganemenggi, alu'me-puurom abok aret tebengge logonet, an nen yi mendek ndi mendek ogobakkigirinabeegirak nogo ambi teppiyaagin lek abok aret niyo ndonggonogo piyaagin o. Ndonggonogo piyaagin me, peebi obaane'me wigak yuwak nduk, yi mendek ndi mendek op nonggo logorak mendek inigen mbolok lek inigen mbolok kwi inom, yirowe-ndirowe inom, anebunu lombok abok aret ngguunok-kooli mbere'ndak lombok mban 7 kuli leenogo piige, ndi, nunggulik mendek anebunu lombok ngguunok-kooli ineebe mbere'ndak lombok mban leenogo piige, eeppege logomenggendik, wogoren unggwi nanu o,” yinuk, yoreegerak.

Wakkagagerak 8:19

Wundi nogo mbareegwa, yi mendek ndi mendek inigen mbolok lek inigen mbolok kwi inom, inaanogum paga nugu menggaarak inom, yirowe-ndirowe inom, yi mendek ndi mendek ineenik o nggween paga nugu menggaarak abok aret inanebunu lombok ndegen-ndegen aret wundit nogogwaarak.

Ayup 1:5

Laago larit noorak mbakaatak nogo abu aret age yubunggwi iinok, Ayup nen iniki mbake logonet, “Napuri nen Ala meek eerogo pogo logonet, maluk eekaarak kero,” yinuk, ko'lu kuubondendok eenik a'nuk, apuri nogo wiiraanuk, wogwe iinok, inoba mbeenogo piyaakit nduk, ineengge ndak-ndak Ala ake warogo kani kungge nagagerak. At Ayup nen togop mban aret eeke nagagerak.

Wundeegwaarak 10:25

Yoge mbareegi, at Muta nen Pirawun yoge, “Togop yo'niragandak kwe, lek o! Nit ninaanggumi ambiriluk ambi teppunuk, nagun mondok lek o. Abok aret wogoren nogo logomonggoorik, taati nen mban leenogo punuk, ando Aliku ALA alut eeko logonet, ake warogo wogoriyak me, at Aliku ninogoba Ala ake warogo wogogwi, ando ake kani kunggwi, eeri noorak me, nappinanu o.”

Wundeegwaarak 29:18

eebe nogo abok aret kani kunggo logowam nogome kani kunumunggun o. Ti eeriyak nogo ti, Naliku ALA nake warogo kani kunggwi iinok, obari obeelom kage logonet, niniki ale'nggen kaakit nduk, eeriyak nogo ti aret.

Wundeegwaarak 29:25

Ti eekwi iinok, Naliku an ALA obari abe kage logonet, niniki ale'nggen mbarikit nduk, ineenggime nen waganogo Naliku ALA nake warogo kani kunemenggendak nogo inom kani kunumunggun o.

Oroma 12:1

Ti kenok, nowe-nawot o. At ninogoba Ala ninabuwa mba'nuk, nggwok togon eeppinanege menggerak me, Ala ake warogo pogo mengga kwak, kit nen, “Nineenik logonet, Ala ake mban eerit nugu logowok nduk, nineebe apit aret Ala ake leenogo pogo o,” yinuk, “Ineebe apit aret Ala wogo'nuk logowak lak, an ao,” mbake logonet, yokkirage agarik o. Ti eerumonggotak paga Ala nen, “It yi abet aret nalut ee'nakwi iigi,” yinuk, ale'nggen kinombake logogin o.

Iberani 13:10

It ooliya wuppunuk, Ala unde logonet, aakumi inake eeko menggaarak nogo nen nit Ala ake warogo wogogo monggom ndomba ninake warak yi, it na woroorak mondok lek o.

1 Peterut 2:5

Ala nen ari logonet, “An nen yugum onggo nggwok omaawi yangguk yuurak lek mendek o Tiyon paga ndoonogo piminggirak me, Aap ambi yugum ti paga iniki oba panggombege kenok, enggali arigin lek o,” yinuk, yereegerak liiru mbanak wonage me, it aap Ala unde nen Ala awi wurik me Ala ake warogo pogo mengga kwak, kit togop aret Ala unde at ake leenak logonet, Yetut Keritut eereegerak paga Ala inikilom mbake menggerak mendek aakumi inake eeko logobagip nduk, yugum obaga lu'luk eerogo o wuko mengga kwak, Ala nen kit kineebe paga at awi wukkolage agaarik o.

1 Peterut 2:9

kit perak, o apit me wonogwe nogo mbo punuk, o eya iya lombok kenok, aakumi nen, “Wi!” ugo menggam nogome logobagip nduk, Ala nen kinayonggo pereegerak nogo at eeke menggerak mendek paganogo yorogo logobagip nduk, “Kit an mendek aret o,” yinuk, miirogo pinagage, “Kinendagembogut logonet, an neebe unde logorak kit aret o,” yinuk, mippinagage, “Kit an napuri maluk eeka'lek nake leenak logomunggup o,” yinuk, leenogo pinagage, ndi, “Kit an napuri lombok aret o,” yinuk, eekkinake, eereegerak o.