Wakkagagerak 8:1 - Ala Wone Peenok Peebi Mbanak

¹ At Nu inom, yi mendek ndi mendek inigen mbolok kwi anebunu lombok inom, inigen mbolok lek anebunu lombok inom, abok aret yiiro paga wonogogwaarak nogo at Ala nen kobak eerogo piyoolik aberak aret wonagagerak me, wiya nggwok ambi o nggween paga yime nappi wage mbareegi, niyo nogo poro agan wambeegerak.

Wakkagagerak 8:1 ပူးပေါင်းရင်းမြစ်များ

Wakkagagerak 19:29

At Ala nen o kobappaga tini Torom Nggomora imbirak pup eerogo inooreegerak nogo ti, o tini mbere Lot wonagagim nogo nippegak-wuppegak eeke logonet, wone Abarakam yoreegerak nogo abeke nagagerik, at Lot inom warukwak nduk, nggiginogo wumbereegerak.

Wakkagagerak 30:22

Ndi, Ala nen Araken oba abeppege nagagerik, at Araken tamban eereegerak nogo Ala aruk konembunuk, “Araken yogondak elege ambi wogorikit,” mbareegerak.

Nekemiya 13:14

“Ai, nogoba Ala o. Kat nogoba Ala kawi wurik ake inom, inikime nen aakumi inake eeko logorak inom, niniki nabek togon eerit nage nogo, kobak eerogo puurak mage o. Eerit wage neegendak nogo noba aberak aret logot o,” yinuk, tamban eereegirak.

Nekemiya 13:22

Ti'nuk, an nen it aap Lewi mendek yorage logonet, “Nogo 6 yippunuk, ko'lu yonggonggologwe nogo ti, Ala ake alik leenak wonage me, maluk eerogo pukwak, maluk kinoba lenggenak wonage kero, mbeenogo pako logomonggotik, tu unggwit wogo menggam arum warit nogo logonip o,” yinuk, yoragagirak. “Ai, nogoba Ala o. It aakumi inabuwa nggwok lombok mbake menggendak me, an eerit wage yi nogo paga nabuwa mba'nuk, noba aberak aret logot o,” yinuk, tamban eereegirak.

Nekemiya 13:29

“Ai, nogoba Ala o. It aap ti nen kat keebe unde logonet, ineyabu eeko menggaarak inom, it aap kat keebe unde eege, aap Lewi mendek eege, ‘Ndogop eeko logowak o,’ yinuk, wone koonogo piyareegindak inom, yit tarip eerogo piigaarak me, inoba aberak mban logot o,” yinuk, tamban eereegirak.

Nekemiya 13:31

Ndi, “O ndi eyom paga kani ira wogo logu o,” yinuk, koonogo piige, yi mendek ndi mendek iyaalok yugu pi wogo logowak nduk, koonogo piige, eereegirak o. “Ai, nogoba Ala o. Nabuwa mba'nuk, noba aberak logot o,” yinuk, tamban eereegirak nogo ti aret. 1

Ayup 12:15

At nen mayu wage kero, tu narogo pegetak me, o kibi age, Ti'nuk, mayu woraawak nduk, tu kuurogo pegetak me, Mayu wangge logonet, niyo wu'nuk wage, Eeke menggerak o.

Ayup 14:13

Kambunuk nogo menggam an kumaappanege, Kanini lek age kagak an nobarogo panege, Eeppaniyak koonogo pege logomenggendik, ti paga ari nage kenok abe'nake, Eeke logorak, Ao, kombake agarik o.

Ndawi 105:42

Ti eerit wagagerak nogo ti, Aliku ALA nen wone abu abe abuk nggaruk togon koonogo Ayeloman Abarakam yoreegerak nogo Aberak logonet, eerit wagagerak.

Ndawi 106:4

Kaliku ALA wae. It aap leenogo piyareegindak obeelom eeppiige paga Obeelom wonogwe me, an ninom obeelom wonage, It aakumi kat mendek inale'nggen mbakwi nogo, An kunduk nale'nggen mbake, It keyate kwak kiniki kundugu kendage tiyappugwi me, An ninom kendage tiyappege, Eeke logokit nduk, Kapuri obeelom eeppiige keenok, an kunduk abe'nake, Kapuri inagap ndake keenok, an togon nagap ndake, Eeru o.

Ndawi 115:12

Aliku ALA nen ninoba abeppunuk, Ale'nggen ninoba pinanege logonet, It Iterali mendek ale'nggen inoba piige, It Karun mendek ale'nggen inoba piige,

Ndawi 132:1

Kaliku ALA wae. At Ndawut aaninggin-paaninggin oba age kagak, Ogogumbuk puk wonagagerak nogo aberu o.

Ndawi 136:23

Nit abu tebenak wonogwe niinok, at nen aret ninoba abereegerak me, “Wa,” yogo logonip o. & Ninabuwa mbake ti, itok kunik wonage o.

Ndawi 137:7

Kaliku ALA wae. O Yerutalem lek eerogo pit wanggwi iigak, It aakumi Erom mendek nen yogo logonet, “O langgu-langgu eerogo pugwi, Langgunogo pit ogowa pugu paga pi wanggwi, Eeko logonip o,” yinuk, Yogogwaarak nogo aberu o.

Ndawi 29:10

Niyo wu'nuk wage paga Aliku ALA ogombaga kwi'na'nuk wone lengganogo yoranet wage, At endagembogut mondok-mondok logonet, wone lengganogo yorage, Eeke logogin o.

Ndawi 36:6

Kat abu obeelom mban menggendak ti, Puut-puut abu tiyanak kwak wonage, Eekaatak a'me nggelok eeppiige menggendak ti, Yi nggwok yenggenak laut alobok ambik kwak wonage, Eeke menggerak. Aakumi inom, wam inanebunu abok aret inom, Kaliku ALA nen ndegeninake menggendak o.

Wundeegwaarak 14:21

Togop eerak wonogwe iigak, at Muta nogo nen niyo nggwok Yenggenak laut nogo paga eenggi titik eeke mbareegi, at Aliku ALA nen o wiya oonegen lagi wage menggim pa'nggwe nen nappi wagagerak omaawi nabuninuk wage logonet, oonikiya ti paga niyo laut nogo oolo mogonogo nggween kin eeppunuk, woloonogo pereegerak.

Wundeegwaarak 15:10

Yereegwaarak kwe, Kat kambe pu egendak paga it niyo kole yenggenak inikime yobok togon wanggwi, Yugum niyoome tabuk yi wangge menggi kwak, It niyo mondok iya yenggenak me, tabuk yi wanggwi, Eekaarak o.

Wundeegwaarak 2:24

Ndi, inoone inabuwa nggo-nggo yogwi nogo Ala aruk konengge nagagerik, aap Abarakam inom, Itak inom, Yakup inom, wone abuk nggaruk togon inom mbaneegwaarak nogo abereegerak.

Kini Wuppiige 25:23

Aakumi inamili irip paga agan nogwe iinok, aakumi inete aagi ogwe nogo ti, O omarip paga nen wiya warit wage logonet, mayu wonok wage menggi kwak aret wonage menggerak.

Yetaya 44:27

Niyo poro agan wambu o, yinuk, niyo laut kiiniki yoge, Niyo nage kunduk, Porok yu o, yoge,

Yeremiya 50:38

O Mbaben ti, kugi ogut aago ambik wonage, inayuk nen inamineeri ne agan nage logonet, kumili kunggwi, eekwi me, Wooluwak nen aniyo nage nogo porok yuwak nduk, eerogo pege, Eeruwak o.

Amot 8:7

At Aliku ALA nen ari logonet, “It Iterali maluk eeko nogogwaarak nogo, an nami arigin mondok lek o, yinuk, it Yakup mendek nen inogoba tiyappanega nendage kumbatinuk yagi o.

Yunut 4:11

o kota nggwok Niniwe time aakumi nen, Yi op kagi, yi maluk kagi, maloppega'lek ineebe ambik lombok seratus dua puluh ribu wonogwe inom, inaanggumi ambik inom, wonogwe me, an nen o kota nggwok Niniwe nogo, inabuwa mbaka'lek nonggoti mbo piyoobok kenok, liippunuk eeppiyoorak koongge ti, meek nombake agandik ya?” yinuk, yoreegerak o.

Nakum 1:4

At nen niyo nggwok yenggenak laut nogo porok yuwak nduk, mberege, Niyo abok poro-poro nawak nduk, eerogo pege, Eeke menggerak o. At wage kagak, o Mbatiyan inom, Karemen inom, nggween mbuk arit nage, O Libanon iri'ngga ambiki warak nogo teebat neyo-neyo nage,

Abakuk 3:2

“Kaliku ALA wae. Kat eeke menggendak nogo an muk konengge, Kaliku ALA o. Kat eerit nage nogo paga an nagabiti mbake, Eeke agarik o. Kat eeke menggendak ti, nit kaawok nduk, ambinom eeke, Kat eeke menggendak nogo, nit yogondak wonogwe yi paga kin eeppege, Kanini ninoba pinanege logonet kwe, ninabuwa mbake, Eeru o,” yinuk, tamban eereegerak.

Takariya 10:11

Niyo kole yenggenak laut kilaarak-mogonik eeke kenok, wunda noorak inagabiti mbako mengga kwak, Iniki aaninggin wonogwe iinok, an nen iniki tayenogo piige, Niyo Nin porok yegetak me, iniki te wunda nogo mengga kwak, eerogo piige, Eerigin o. It Atiyut mendek nen, Nit iya o, yinuk, iniki tiyappatit nugwi nogo, an nen tebenogo piige, Ndi, it Metit mendek inambim mbanak ineenggime logonet, inabu'me piinok menggam nogo omaawi lek eerogo pege, Eerigin o.

Linggineegwaarak 10:9

Kit kiname wonogwe me, it kinawim nen kinooriyak eekwi nogo muguret wundi nogo logonet, trompet oone pu eekwi kiinok, Naliku kinogoba Ala an nen kinoba abeppunuk kinagap ndarigin o.

Linggineegwaarak 22:32

Ayuk wuke mbareegi, at Aliku ALA ayonggo malayikat nen Mbileyam yoge logonet, “Kat kageledai ti, nonggop nduk ne kenagan paga yawi wakak mban eeke agandik? Kat noorak mbakenom nogome maluk eeppagarak kagak nage keyo nduk, an nen aret karu non mbanggabit nage agarik o.

Wayu 16:19

Ti eeke kage nagarik, wonage me, o kota nggwok nogo nggween mondok nggoguk ari logonet, kenaga'ndak mogonnage, ndi, yi awi ndi awi nggween paga kota-kota nogo abok aret yigirik-noonom arit nage, eeke kagak, at Ala nen, “O kota nggwok Mbaben nogo perak, at maluk eeke onggo anggur amburu toolak kwak an nanini lombok ombake minggirak toolak nogo, yogondak aret oba kilirogo wuppigi o,” yinuk, kilirogo wuppege kagarak.

1 Tamuwen 1:19

Ko'lu o weege mbareegi, Elakana nogo akuwi apurilogwe inom ineenik ogo nogogwaarik, at Aliku ALA alut eeppunuk, iname o Arama time aret nogogwaarak. Nogo nogogwaarik, wonogwe me, Elakana nogo akwe Kana imbirak nogo yege mbareegi, kwe Kana tamban eereegerak nogo Aliku ALA abereegerak.