Wakkagagerak 6:8 - Ala Wone Peenok Peebi Mbanak

⁸ “Mondok lek eerogo piyaagin,” yereegerak kwe, at Nu alik perak, Aliku ALA ale'nggen oba pege logonet, ili eerogo teppikit mbareegerak.

Wakkagagerak 6:8 ပူးပေါင်းရင်းမြစ်များ

Wakkagagerak 19:19

Kat nen an kayeloman obeelom eeppanege, nabuwa lombok mbake logonet nili agago ndegennake, eekendak kwe, Puurom agi time nanip o, yo'negendak ti, nda lombok me, awo nage neegak kat nen aakumi o Torom eeppiige nogo an ninom eeppanukwak me,

Ndawi 145:20

It aakumi abok nen Aliku ALA iniki kunik eekwi iinok enegen wogonake, Eeke menggerak kwe, Aap maluk mendek perak, abok aret lek eerogo piyaagin o.

Ndawi 84:11

Oonegen kwak obeelom eerogo pinanege, Nggeemu kwak mulunogo pinanege, Eeke menggendak Kaliku Ala aret o. Kaliku ALA ninabuwa nen obeelom eerogo pinanege, Ninendage tiyappinanege, Eeke menggendak me, Aap inoba maluk lenggenak lek abe mban eekwi iinok, Yi mendek ndi mendek obeelom eeppiige nogo Ambi ili ari lek nggwik togon eeppiige menggendak o.

Kini Wuppiige 12:2

Aap iniki obeelom nogo Aliku ALA nen ale'nggen ombake menggerak kwe, Aap inambokan lagangga nogo perak, maluk eeppege menggerak.

Kini Wuppiige 3:4

Togop eeke keenok, Ala enegen keege, aakumi inigen keegwi, eeko logonet, Inale'nggen koba pagagwi, “Aap yi obeelom o,” yinuk, yogwe, Eeko logogun o.

Kini Wuppiige 8:35

It aap an wo'nakwi iinok, ineenik logorak aret kologwe me, Aliku ALA nen ale'nggen inoba piyaagin kwe,

Yeremiya 31:2

“It aakumi Iterali wooluwak paga inookugak ando mbaganit o karume nanuk tat yonggonggologwe wonogwe iigak, Obeelom eerogo piyaagin o,” yinuk, Aliku ALA nen aret yegerak o.

Yetikiyen 14:14

it aap ineebe kenagan aap Nu inom, Ndaniyen inom, Ayup inom, o ti enggela'me logomenggaarak kwe, it iniki abe koonak eerit nugwi paga ineebe kenagan ti mban inili eerogo piige logonet, o time wonogwe nogo abok aret lek eerogo piyane o, yinuk, Naliku Nitok Minggirak an ALA nen aret yagi o.

Matiyut 24:37

It aakumi aap Nu wonage kagak eeko nogogwaarak nogo pogom, an aap aret nda'nagagirak woroorak eyom paga togop aret arigin o.

Lukat 1:30

Mbake mbareegi, at malayikat nogo nen at yoge logonet, “Mariya wae. Kagabiti mbarugun o. Ala kabuwa mbake logonet, ale'nggen koba pagarak koonggerak me,

Lukat 17:26

Aap Nu wonage kagak, eerit nugu nogogwaarak nogo pogom, an aap aret nda'nagagirak woroorak eyom paga it aakumi togop aret eerit nugu logogun o.

Nappiigak 7:46

Mippogo mbareegwa, at Ndawut eerit nage paga Ala ale'nggen oba pege nagagerak me Ndawut nen ari logonet, Yakup ogoba Ala logowam o wurikit o, yinuk, yereegerak kwe,

Oroma 11:6

Ala nen miirinabeegerak nogo ti, it obeelom eekwi iinok, miirinabulik o. Ata, inabuwa nen miirinabeegerak. At Ala nen miirinabeegerak nogo ti, it obeelom eereegwaarak paga miirinabenetak en, inabuwa nen miirinabeegerak nogo ti, pilit aret mba'netak.

Oroma 4:4

Aap ambi yabu eeketak paga onggo wogoge logonet, “Yi we wokkigi o,” yogeelik. Ata, “Yi yabu eekendak onggo aret wokkigi o,” yinuk, yoge menggerak.

1 Korindut 15:10

Togop me, at Ala nabuwa mba'nuk, eeppaneegerak nogo paga yogondak nobaabut alik eerit nage neego ogotik o. Ala nabuwa mba'nuk, eeppaneegerak nogo ti, we aanom warogo eeppanulik o. It nappiigak ando nogo ti, we mbuuluk iya negen eeko nogogwaarak kwe, an perak, mondok iya lombok eeke nagagirak. Ti eeke nagagirak nogo ti, an nen ta lek o. Ata, Ala nabuwa mba'nuk, eeppanege kagak, niniki aganggen kerek togon eeke nagagirak me yagi o.

Nggalatiya 1:15

Togop tit eerit nage neegak kwe, nagalo inikime awo nda'naga'lek neegak, at nabuwa mba'nuk, mii'nake nagagerik, yonggo paneegerak Ala nogo nen

2 Timotiyut 1:18

At o Epetut logonet, yeenggwaanege nagagerak nogo kat abu keenu me, o age yobok eyom paga ninowe nen aap ti, abuwa mba'nuk obeelom eeppigin aret o.

Titut 2:11

Ala iniki kunik nen wo'niragagerak wone nogo, it aakumi abok inagap ndaruwak nduk, kin agagerak.

Titut 3:7

At Ala iniki kunik nen eeppinaneegerak paga, “Aap yi, oba lek o,” yinuk, abu obeelom aret eerogo pinanege nagagerik, aap ambi ogoba eyate kolage menggi kwak, nit nineenik mondok-mondok logorak niniki lunik nogo kolaawok nduk, Aberiniki ndonggok togon wo'niragagerak.

Iberani 4:16

yogondak aaninggin ambi ninoba age kenok, ninabuwa mbake logonet, iniki kunik en eeppinanege kaawok nduk, ninagabiti mbaka'lek at Ala iniki kunik en eeppinanege menggim nogome panggo yi ungguwok o.

1 Peterut 3:20

Obeelom wone yora nagagerak nogo ti, aap Nu nen maan aa'nduk it aakumi Ala wone yorage kagak, taganogo mbo pogo mbareegwa, Ala nen, “Mbet-mbet inoorikit,” mbareegerak kwe, aap Nu nogo o awo wuke kenok, iniki yanggo yinuk, tokkage kagak, o nogo wuke mbareegi, aap Nu apuri inom ineebe 8 mban unggwogogwaarak nogo, niyo nen wogoren laganeegerak paga inagap ndake logonet, it ando apit niyo ndonggoninabeegerak inogoma keele maarak o apit me wonogwe me, wone obeelom wone yora nagagerak nogo it aret o.

2 Peterut 2:5

Ndi, it aakumi maan aa'nduk o nggween paga yime logonet, maluk eeko mbareegwa, Ala inabuwa nen teppiyareegerak mbakop? Lek o. Mayu wuppi wagagerak nogo paga niyo yenggenit lagangge logonet, it aakumi Ala ineebi mba'nuk, maluk eekwi nogo tigitogon inooke kagak, “Kit maluk eeriyak mage o. Ata, obeelom mban eerit nogo logonip o,” yinuk, Ala wone yorage nagagerak aap Nu nogo, akwe-apuri inom ineebe 8 mban inagap ndareegerak nogo lek a?