Wakkagagerak 6:7 - Ala Wone Peenok Peebi Mbanak

⁷ “Aakumi inom, yi mendek ndi mendek inigen mbolok lek inigen mbolok kwi anebunu lombok inom, yi mendek ndi mendek inaanogum paga nugu menggaarak mendek inom, yirowe-ndirowe wiga agan nugu menggaarak inom, nggween paga yime logowak nduk, ogobakkigirogo piigirak kwe, it eekwi paga niniki puru eerogo panugwi me, it apit aret lek eerogo piyaagin o,” yinuk, yereegerak.

Wakkagagerak 6:7 ပူးပေါင်းရင်းမြစ်များ

Wakkagagerak 6:6

iniki mbake logonet, “It aakumi an nen ogobakkigirogo o nggween paga piigirak yi, eekwi paga an niniki puru eerogo panugwi me, ao,” yinuk, iniki wakkolage nagagerik,

Wakkagagerak 7:21

Niyo yenggenit lagangge logonet, yirowe-ndirowe inom, yi mendek ndi mendek inigen mbolok lek inigen mbolok kwi inom, yi mendek ndi mendek nggween paga nugut-tiyak agan nugu menggaarak inom, aakumi inom, yi mendek ndi mendek ineenik nugu menggaarak abok aret niyo ndonggoninabit nagagerak.

Wakkagagerak 8:21

Nogo warogo kani kuneegerak obari Aliku ALA ogobak me nage mbareegi, iniki ale'nggen age nagagerik, iniki nen mbake logonet, “It aakumi yi, wologwe-mbuulogwe paga nen maluk eeriyak koonggo logogun aret kwe, koonggwi iinok, an nen o nggween paga yime pulunogo piigirak kokwak, peebi togop ambi pulunogo piinok, maluk eeppiige logogin abu lek o. Ndi, yi mendek ndi mendek ogobakkigireegirak ineenik nugu menggaarak mendek yogondak inookirak kokwak peebi togop ambi inoorigin mondok lek o.

Ndawi 37:20

It aap maluk eeka perak, inenggaawak lek ogwe, Aliku ALA awim ti, Yabume iri'ngga-kale'ngga abe kwit agan lagangge nagaatik, Mbuk age menggi kwak, it togop aret lek ogwe, Ka'luk lek age menggi kwak ineebe lek ogwe, Eerugun o.

Kini Wuppiige 10:27

It aap Aliku ALA inagabiti mbakwi paga it ndarak nggorek logorak eerogo pako menggaarak kwe, It aap maluk mendek perak, yi tahun ndi tahun eeriyak kwe, Ineenik logorak kuwagaluk eerogo pako menggaarak o.

Kini Wuppiige 16:4

Yi mendek ndi mendek eeriyak koonggwi nogo abok aret aakumi nen, “Ti yogop nduk eeruwok o,” mba'nuk eerit nogwe nogo Aliku ALA nen waganogo at eeriyak mbaketak mban eerit nage, Ndi, it aap maluk mendek kunduk, aakumi aaninggin inoba eeppiyoorak eyom paga, it maluk mendek ti inake eeppiyoorak nduk, pipuk eerogo piige, eeke menggerak.

Yetaya 27:11

Ndi, eyo eno'mbak ti mbuk age kenok, it kumi nen wogo logomenggaarik, Kalembunuk, wonok nanuk, kani kunggo logogun o. It aakumi yi ti, iniki lek kobak aret wonogwe me, at ogobakkigirogo piiga nen inabuwa mbake, At ogobakkigirinaka nen obeelom eeppiige, Eerigin lek aret o.

Oteya 4:3

o time nggween mbuk age, It aakumi o time wonogwe abok aret ineebe wururanet unggwage, Ndiimbu-nggwiya karume mendek inom, yi towe ndi towe wiga agan nugu menggaarak inom, yikwe niyo kole yenggenak laut inikime menggaarak inom, abok aret kambit nogwe, Eeko agaarik o, yinuk, yegerak me, yokkiragi o,” yoragagirak.

Amot 7:3

Yoge mbareegi, Aliku ALA nen eeppiyoorak mbareegerak nogo tayoppunuk, “Eeke kagandak ti, an nen eeppiyaagin lek o,” yinuk, Aliku ALA nen aret an yo'nege kagagirak.

Amot 7:6

Yoge mbareegi, at Aliku ALA nen inoba piyoorak mbareegerak nogo tayoppunuk, “Eeke kagandak ti kunduk, an nen eeppiyaagin lek o,” yinuk, Aliku Itok Menggerak ALA nen aret an yo'nege kagagirak.

Tepaniya 1:18

Naliku ALA woroorak ne nogo ti, aakumi apit ineenggo'lek kobak wonogwe iigak woraagin me, Wage logominggirik, it o nggween paga wonogwe nogo abok aret lek eerogo piyaakit nduk, eeke logonet, It an mu'neren woroorak kwe, alik mugurok nogwe yi neebi a, yinuk, nanini kani kunik negen inoba kwippiige neenok, ineebe lek arugun me, Inamendek mbuti perak paga, mbuti emas paga, inagap ndakkolaagun mondok lek aret o,” yinuk, yegerak me, yokkiragi o.

Tepaniya 1:2

“Yi mendek ndi mendek o nggween paga wonogwe abok aret an nen inenggaawak lek eerogo piyaagin o,” yinuk, Aliku ALA nen aret yegerak o.

Tepaniya 1:3

“Aakumi inom, yi mendek ndi mendek ineenik nggween paga nugu menggaarak anebunu lombok inom, inenggaawak lek eerogo piige, Yi towe ndi towe oolo ya'i wiganinuk nugu menggaarak inom, yi yikwe ndi yikwe niyo nggwok yenggenak laut inikime menggaarak inom, lek eerogo piige, It aap an noone ineebi mbaka inom, aakumi o nggween paga wonogwe abok aret inom, mondok lek eerogo piige, Eerigin o,” yinuk, Aliku ALA nen aret yegerak o.

Pelaareegerak 28:63

At Aliku ALA nen, Kit obeelom mban eerit nogwe, kineebe ambik lombok wigannarit nogwe, eerumunggup nduk, inikilom paga eeppinagareegerak nogo ndak-ndak kit o unggwi nogo logomonggotik, unde a'nuk logowam time nen nggiginogo wumbinagage, kineebe mondok pup eerogo lek eeppinagage, eeppinagarak nogo ti, inikilom paga aret eeppinagagin o.

Pelaareegerak 29:20

Ndi, aap togop eerigin nogo ti, at Aliku ALA nen omaluk lek eerogo pigin mondok lek aret o. Ata, Aliku ALA nen, Aap ti neebi o, yinuk, anini kani omoonuk negen at oba pege logomenggerik, pulunogo piyoorak wone mbuku yi paga liiru mbanak wonage nogo abok aret at oba kwippege logomenggerik, endage o nggween paga yime nen lek eerogo pigin o.

1 Tamuwen 15:11

“At Tawun nogo, Yogop eeke logot o, yogirak nogo, eeka'lek an mbo paninuk, alik eekerak paga, At endagembogut logorak nanonduk mippigirak o? yinuk, niniki wakkolage agarik o.” Yoge mbareegi, at Tamuwen nogo iniki puru ari logonet, oonikiya oone nggwok paga Aliku ALA yoge kagak, o aret weereegerak.