Wakkagagerak 6:6 - Ala Wone Peenok Peebi Mbanak

⁶ iniki mbake logonet, “It aakumi an nen ogobakkigirogo o nggween paga piigirak yi, eekwi paga an niniki puru eerogo panugwi me, ao,” yinuk, iniki wakkolage nagagerik,

Wakkagagerak 6:6 ပူးပေါင်းရင်းမြစ်များ

Wakkagagerak 6:7

“Aakumi inom, yi mendek ndi mendek inigen mbolok lek inigen mbolok kwi anebunu lombok inom, yi mendek ndi mendek inaanogum paga nugu menggaarak mendek inom, yirowe-ndirowe wiga agan nugu menggaarak inom, nggween paga yime logowak nduk, ogobakkigirogo piigirak kwe, it eekwi paga niniki puru eerogo panugwi me, it apit aret lek eerogo piyaagin o,” yinuk, yereegerak.

2 Tamuwen 24:16

At Ala ayonggo malayikat nogo nen o Yerutalem pup eerogo pikit nduk, nappi wagagerak nogo inoorit aap Yebut mendek endage Arawuna gandum agabolo mbelangge menggim taati ari wage mbareegi, aakumi mondok alik negen kambit nogwe nogo, at Aliku ALA iige nagagerik, iniki puru yinuk, at ayonggo malayikat aaninggin inoba piinet nage nogo, yoge logonet, “Abu aret me, keenggi awiikkolet o,” yinuk, yoreegerak.

1 Mbinineegwaarak 21:15

At Ala ayonggo malayikat nogo nen o Yerutalem pup eerogo puwak nduk, nappi wagagerak nogo, inoorit aap Yebut mendek endage Arawuna gandum agabolo mbelangge menggim taati ari wage mbareegi, aakumi mondok alik negen kambit nogwe nogo, at Aliku ALA iige nagagerik, iniki puru yinuk, at ayonggo malayikat aakumi inoorit nage nogo yoge logonet, “Abu aret me, keenggi awiikkolet o,” yinuk, yoreegerak.

Ndawi 106:45

Eeppiyoorak wone abuk nggaruk togon Koonogo punuk yoragagerak nogo abeke, Inabuwa nggwok lombok mbake logonet, Iniki kunik aganake nagagerak paga Anini nen eeppiyoorak nogo tayoppege, Eeke nagagerik,

Ndawi 110:4

At Aliku ALA nen ari logonet, “Aap Meliketerek eeke nagagerak nogo kwak, Kat an neebe unde logonet, Mondok-mondok nake eeke logomunggun o,” Yinuk, endage kunogo kumbuk mbaneegerak me, Oone alik arigin abu lek o.

Ndawi 119:158

It aap koone ineebi mbaka nen Koone yugu porogo logonet eekulik iinok, Nenegen pegiyoorak neebi mbake minggirak o.

Ndawi 78:40

O karume nen kulinik-kalinik Ala nen yorage nogo, “Eeriyak nineebi o,” yinuk, yogwi, O anggu paga nen Ala iniki wakkolaawak, mba'nuk eeppugwi,

Ndawi 81:13

Kit an napuri noone liirogon konenggwi, Kit Iterali an nen yokkirage ndak-ndak eerit nogwe, Eeko logonetak en,

Ndawi 95:10

It ti eyom ndarak nogo anini nen mberirage kagak Tahun 40 aret eereegwaarak. Mberirage logonet, “An yokkirage eeka'lek logonet, Kiniki mondok worokot-linik monggotak yi, Neebi a! yinuk, An yonggonggolage minggim Kit ninom yonggonggola ungguurak abu lek o, yinuk, Nanini nen nowak mbanogo wone ti abu aret yagi o,” Yinuk, yereegerak o.

Wundeegwaarak 32:14

Yoge mbareegi, Aliku ALA nen it aakumi Iterali aaninggin-paaninggin agago maluk eeppiyoorak mbareegerak nogo, eeppiyoolik mbo pereegerak.

Yetaya 48:18

An, Yogop ee'nu ndogop ee'nu, yorage nogo liippogo logorak me eekaarak, ao! Lippogo logonetak en, niyo wage porok arilik wage mban menggi kwak iniki ugun tayenak wonogwe, Niyo laut puk aga'lek kilanogo wunabi wagak mban eeke menggi kwak, it obeelom mban eerit nogwe,

Yetaya 63:10

Aliku ALA nen eeriyak mbake nogo ineebi mbakwi, At Aberiniki nogo iniki warogo pugwi, Eeko mbareegwa, Ambo'me piige, inom ogookkolage, eeppiige nagagerik, At nen aret inom wim eeke nagagerak.

Yeremiya 18:7

“Ne ambi eyom paga it aakumi ambi mendek ilik, it aap inabu'me piigo menggam ambi a, an nen eyo omanggen kwak kinogo wumbiige, o wurik kwak minogo piige, lek eerogo piige, eerigin o, yoraminggirak kwe,

Yeremiya 26:19

Wone ti yoragagerak paga it Yekura inowe endagembogut Kitikiya nen ilik, it aakumi Yekura menggaarak abok aret nen a, Mika warogo pereegwaarak mbakop? At Kitikiya nogo Aliku ALA agabiti mbake logonet, Ninabuwa mbaru o, yinuk, yoreegerak nogo lek a? Ndi, yoge mbareegi, Aliku ALA nen aaninggin eeppiyoorak yoragagerak nogo eeppiyoolik iniki yanggoppunuk, puk agagerak nogo lek a? Puk agagerak kwe, nit yi perak, aaninggin mondok iya lombok mendek ninoba kwippatiyak nduk, eeko ogoorik o,” yinuk, yorogogwaarak.

Yetikiyen 33:11

yorage logomenggendik, ambi yorage logonet, It aap maluk mendek kanggwi iinok, an niniki ale'nggen mbakeelik o. Ata, ineenik logowak nduk it maluk eerit nugwi nogo mbo punuk, yungguninuk neya wogwe iinok perak, niniki ale'nggen mbake minggirak me, it Iterali mendek ti, iniyokan nowagam wogwe, it maluk eerit nugwi nogo mbo punuk, yungguninuk wogwe, eeko logowak o. It nonggop nduk, Kambuwok, mbako agaarik o? yinuk, neenik Nitok Minggirak Naliku an ALA nen aret yagi, yegerak yoret o.

Oteya 11:8

It togop eekwi iigak kwe, an nonggop togon it Eparayim ti teppiige, It Iterali ti, nenegen aanggot iinok, nonggoti mbo piige, Eeriyak mbakop? It aakumi Arama mbo piyareegi kwak, it Eparayim mbo piige, It Teboyim eeppiyareegi kwak it Iterali eeppiige, Eeriyak ti nonggoti o? Niniki nenaame ari wage logonet, inabuwa lombok mbake me,

Yowen 2:13

Togop me, kinambogoyum nibinogo patiyak ti mage o. Ata, kiniki wakkologo logonip o. At Ala ti, oone yanggorogon yo'nirage, ninabuwa mbake, Iniki aan aganggenggwi lek liippunuk eeppinanege, Iniki kunik lombok ee'ninabit unggwage, Eekwi onggo aaninggin ninoba pinanege logonet, Yi eeppigi ao, yinuk, mbake, Eeke menggerak me, At ena koonogo pekkiige logomenggerik, kinabuwa nen ale'nggen nggwok lombok kinoba pinagage logonet, Gandum anggen yigirik ake puurak inom, anggur amburu ake kiliriyak inom, Kinogoba Aliku Ala nen wokkirage kagak eerukwak, Kinomaluk mbo punuk, kiniyokan yungguninuk kinogoba Aliku Ala owagam wa'nip o.

Yunut 3:10

Eerogo wumbogo mbareegwa, Ala nen it maluk eekwi nogo mbo punuk, yungguninuk, at owagam wogwe maloppiige nagagerik, aaninggin inoba piyaakit mbareegerak nogo, “Eeppiyaagin lek o,” yinuk, inabuwa nen teppiyareegerak.

Maleyaki 3:6

“Naliku an ALA alik ageelik nitok minggirak o. Alom ti paga it Yakup paga wiganak nogo lek eerogo piiga'lek aret wonogo agaarik o.

Linggineegwaarak 23:19

At Ala ti, aakumi kwak lek me, at oone pilit ari, At aakumi inaput lek me, iniki alik koongge, Eekeelik o. At nen, An yogop eerikit, yegetak ti, a'me aret eeke, At wone mbanggetak ti, a'me aret nggelok ari, Eekeelik mbaken?

Oroma 11:29

At Ala nen miirogo obeelom eeppiyoorak koonggetak nogo ti, peebi iniki alik ambi koonggak eekeelik o.

Epetut 4:30

Ala nen at apuri wogonabi wage logonet, nit ninom wo'ninabi woroorak nineenu logowok nduk, wam yelok kaawak nen aruk nggaganggo mengga kwak, Aberiniki wo'niragagerak me, Ala Aberiniki nogo, iniki maluk eerogo puurak mage o.

Pelaareegerak 32:29

Iniki warak wonogwe, liippunuk ineenu ogwe, Eeppunuk, Nit irip paga togop aret eeppinanugun, kogo, Mba'nuk, ineenu aruwak lak, ao, mbake menggerak o.

Pelaareegerak 32:36

At Aliku ALA nen at apuri inowak loonogo maluk onggo inoba piige, At ayeloman mini aret me, inabuwa mbake, Eeppiige logogin me, At apuri inomaawi lek age, It wondet aago nugwi inom, inayeloman inom, ineebe lek ogwe, Eekwi iige logomenggerik,

Pelaareegerak 5:29

It ineebe inom, inapuri inom, yi wone ndi wone inoba aga'lek ineebe mondok obeelom logowak nduk, inagabiti nombakwi, Yogop ee'nu ndogop ee'nu, wone yugu apit aret liirogon porogo wonogwe, eeko logowak lak, ai, mbake agarik o.

Iberani 3:10

anini nen mondok mberiragagirak. Mberirage logonet, An yokkirage eeka'lek logonet, kiniki mondok worokot-liinik monggotak yi, neebi a, yinuk,

Iberani 3:17

Ndi, Ala nen anini inoba piige kagak, tahun 40 eereegerak nogo, taani o? Lek o. It maluk eerit nogo mbareegwa, inooreegerak karume kambit nogogwaarak, inowak nggininit nagagerak nogo lek a?

Yakobut 1:17

Ninabuwa nen obeelom eeppinanege inom, wo'niroorak mbake nogo mondok ndak-ndak wo'nirage inom, abok aret agi nen mban wuppinani wage menggerak. Yi o ndi o abok aret eya eeke menggerak alom at ninogoba Ala nen aret wuppinani wage menggerak. At ambi agak eeke logonet, ne ambi paga o yumaak negen age, ne ambi paga o eya negen age, eekeelik mondok itok eya mban aret menggerak.

1 Tamuwen 15:11

“At Tawun nogo, Yogop eeke logot o, yogirak nogo, eeka'lek an mbo paninuk, alik eekerak paga, At endagembogut logorak nanonduk mippigirak o? yinuk, niniki wakkolage agarik o.” Yoge mbareegi, at Tamuwen nogo iniki puru ari logonet, oonikiya oone nggwok paga Aliku ALA yoge kagak, o aret weereegerak.

1 Tamuwen 15:29

At abu tiyanak Iterali inogoba ti, aakumi iniki koonggaatak nogo alik age kenok alik ambi koonggo mengga kwak lek me, at oone pilit ari, at koonggetak alik age kenok, alik ambi koongge, mondok eekeelik o,” yoreegerak.

1 Tamuwen 15:35

Ne ti kuli nen at Tamuwen nogo Tawun imbirak lambungga'lek logonet, abuwa nen le ari kagak, at Tamuwen nogo kambuurak eyom aret panggoni nagagerak. Ndi, at Aliku ALA nen aap Tawun Iterali inowe endagembogut logorak, “Nonggop nduk mippigi?” yinuk, iniki wakkolage nagagerak.